غَلاطیه‌لِر 2:16 - مُقادِّس کیتاب

¹⁶ آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏

غَلاطیه‌لِر 2:16 ပူးပေါင်းရင်းမြစ်များ

یوحنا 20:31

یُنه بولار سیزینگ عیسانینگ خودایینگ اُغلی مسیحدیگینه ایمان گِتیرمِگینگیز اوچین و ایمان گِتیریپ، اُنونگ آدی بیلِن یاشایشا قاووشماغینگیز اوچین یازیلدی.‏

رِسول‍لار 4:12

اُندان باشغا نِجات بِرجِک یُقدور.‏ اُنونگ آدی هِمّه عالِمده آدامزادی نِجات بِریپ بیلیَن یِکه آددیر.‏»‏

رومیلار 1:17

خوش خابار خودایینگ آداملاری نَدیپ تاقوالی حاساپلایاندیغینی آیان اِدیَر.‏ اُل ایمان گِتیریَنلِری، هاووا، دینگه ایمان گِتیریَنلِری آقلایار.‏ چونکی مُقادِّس یازغیلاردا:‏ ‏«‏تاقوالی آدام ایمان بیلِن یاشار»‏ دییّپ یازیلاندیر.‏

رومیلار 3:30

سِبَبی یِکه خودای باردیر.‏ اُل سونِّتلیلِری-ده و سونِّتسیزلِری-ده ایمانینگ اوستو بیلِن آقلایاندیر.‏

رومیلار 4:2

اِگِر ابراهیم خودایینگ ناظاریندا یاخشی ایشلِرینینگ اوستو بیلِن آقلانان بُلسا، اُندا، دُغرودان-دا، قووانیپ بیلِردی، اِمّا خودایینگ اُوونده دَل.‏

رومیلار 4:24

بو بیزه، یَعنی تانگریمیز عیسی مسیحی اُلومدِن دیرِلدِن خودایا ایمان گِتیریپ، تاقوالی حاساپلانیانلارا هِم دِگیشلیدیر.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

رومیلار 9:30

اُندا نَمه دییّپ بیلِریس؟ خودایینگ حوضوریندا آقلانماغینگ ایزینا دوشمِدیک یَهودی دَل‍لِر ایمانینگ اوستو بیلِن آقلانماغا یِتدیلِر.‏

۱ قُرِنتُس‌لار 6:11

سیزینگ-ده کَبیرلِرینگیز اُزال شُلار یالیدینگیز.‏ یُنه سیز تانگریمیز عیسی مسیحینگ آدی بیلِن و خوداییمیزینگ روحونینگ اوستو بیلِن یووولدینگیز و خودایینگ تاقوالی خالقی بُلوپ، پَکلِندینگیز.‏

غَلاطیه‌لِر 4:5

بولارینگ باری شِریغاتینگ قولوسی بُلوپ یاشایانلارینگ آزاد بُلماغی اوچین، بیزینگ-ده اُغولّیغینگ هِمّه حاقلارینی آلیپ بیلمِگیمیز اوچین اِدیلدی.‏

غَلاطیه‌لِر 5:4

اِی اُزونی شِریغاتینگ اوستو بیلِن تاقوالی بُلجاق بُلیانلار!‏ سیز مسیحدِن آیریلدینگیز، خودایینگ مِرحِمِتیندِن ماحروم بُلدونگیز.‏

فیلیپیلِر 3:9

مِن شِریغاتا دایانیان اُز تاقوالیغیما دَل، شِیله بُلسا مسیحه بُلان ایمانا دایانیان، ایمانینگ اوستو بیلِن خودایدان بُلان تاقوالیغا اِیه بُلاسیم گِلیَر.‏

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۲ پِطرُس 1:1

عیسی مسیحینگ خیدماتچیسی و رِسولی مِن شمعون پِطرُسدان خوداییمیز و هِم نِجات بِریَنچیمیز عیسی مسیحینگ عادالاتلیغینینگ اوستو بیلِن بیزینگ ایمانیمیز یالی قیماتلی ایمانا اِیه بُلانلارا دُغایی سالام!‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

آیانلیق 7:14

مِن:‏ ‏«‏اِی آقام، مونی سِن بیلیَنسینگ!‏»‏ دییّپ جُغاپ بِردیم.‏ یاشولی:‏ ‏«‏بولار شُل اولی عاذابی باشدان گِچیرِنلِر.‏ اُلار اُز لِباسلارینی قوزینینگ قانی بیلِن یوووپ، اُلاری دیم-آق اِتدیلِر.‏

آیانلیق 7:9

موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم.‏ اُلار آق لِباسدادیلار و اِل‍لِرینده خُرما باغینینگ شاخالاری باردی.‏