غَلاطیه‌لِر 1:6 - مُقادِّس کیتاب

⁶ مِن عیسی مسیحینگ مِرحِمِتی بیلِن سیزی چاغیران خودایدان بِیله تیز دَنیپ، باشغا بیر خوش خاباری قابول اِدیشینگیزه خاص حایران قالیارین.‏

غَلاطیه‌لِر 1:6 ပူးပေါင်းရင်းမြစ်များ

مَرقُس 6:6

عیسی اُلارینگ ایمانسیزدیغینا گِنگ قالدی.‏ شُندان سُنگ عیسی اِطرافداقی اُبالارا آیلانیپ واغیظ اِتدی.‏

یوحنا 9:30

یانگقی آدام اُلارا شِیله جُغاپ بِردی:‏ ‏«‏حایران قالمالی!‏ سیز اُنونگ نیرِدِندیگینی-ده بیلمِیَرسینگیز، اُل بُلسا مِنینگ گُزلِریمی آچدی.‏

رِسول‍لار 15:11

یُق!‏ بیز اُزومیزینگ هِم، اُلارینگ هِم تانگریمیز عیسانینگ مِرحِمِتی بیلِن نِجات تاپیاندیغیمیزا اینانیاریس.‏»‏

رومیلار 10:3

اُلار خودایینگ آقلایان یُلونا دوشونمِدیلِر.‏ شُنونگ اوچین-ده، شِریغاتی بِرجای اِتمِگینگ اوستو بیلِن آقلانجاق بُلوپ، خودایینگ آقلایان یُلونا موطیع بُلمادیلار.‏

رومیلار 5:2

عیسی مسیح بیزه خودایینگ مِرحِمِتینینگ قاپیسینی آچیپ بِردی.‏ بیز ایمانینگ اوستو بیلِن بو مِرحِمِته بیریکیشیپ، قاییم دوروس و خودایینگ بِییکلیگینَه شِریک بُلجاقدیغیمیزا اومید باغلاپ بِگِنیَریس.‏

رومیلار 8:28

بیز خودایی سُییَنلِر و اُنونگ ماقصادینا گُرَه چاغیریلانلار اوچین هِمّه زاد پِیداسینا اِدیلیَندیگینی بیلیَریس.‏

رومیلار 8:30

خودای اُنگدِن بِلَّنلِرینی چاغیردی، چاغیرانلارینی آقلادی و آقلانلارینی بِییکلیگَه گِییندیردی.‏

۱ قُرِنتُس‌لار 4:15

مسیحینگ یُلوندا سیزینگ مونگلِرچه مُعلِّمینگیز بُلسا-دا اِمّا آتالارینگیز کَن دَلدیر.‏ مِن خوش خابارینگ اوستو بیلِن سیزینگ عیسی مسیحدَکی آتانگیز بُلدوم.‏

۲ قُرِنتُس‌لار 11:4

چونکی کیمدیر بیری گِلیپ، بیزینگ واغیظ اِدِنیمیزدِن باشغا عیسانی واغیظ اِدِنده، سیز اُنگا جیدایانگیز!‏ واخ، سیز قابول اِدِن مُقادِّس روحونگیزدان باشغا بیر روحی یا-دا باشغا ‏«‏خوش خاباری»‏ قابول اِتمَگه-ده تاییار آخیرین!‏

۲ قُرِنتُس‌لار 2:17

بیز کَن آداملار یالی خودایینگ سُزونی اُز پِیداماز اوچین آرزان ساتمایاریس.‏ تِرسینه، خودای طارافیندان ایبِریلِن و مسیحه خیدمات اِدیَن آداملار یالی خودایینگ حوضوریندا پَک یورِکدِن کِپلِیَریس.‏

غَلاطیه‌لِر 1:11

اِی عزیزلِر، سیزینگ شونی بیلمِگینگیزی ایسلِیَرین:‏ مِنینگ واغیظ اِدِن خوش خاباریم اینساندان دَلدیر.‏

غَلاطیه‌لِر 1:15

اِمّا خودای مِرحِمِت اِدیپ، مِنی اِنه‌دِن دُغماقام سایلاپ چاغیردی.‏ اُل خوش خاباری بیگانه میلِّتلِره واغیظ اِتمِگیم اوچین، مانگا اُز اُغلونی اَشکَر اِتمِگی دُغری بیلدی.‏ شُندا مِن هیچ کیمه ماصلاحاتلاشمادیم

غَلاطیه‌لِر 1:7

باشغا بیر خوش خابار یُقدور.‏ یُنه کَبیر آداملار سیزی بولاشدیریپ، مسیحینگ خوش خابارینی چالیشدیرجاق بُلیارلار.‏

غَلاطیه‌لِر 2:14

مِن اُلارینگ اِدیَن حِرِکِتلِرینینگ خوش خابارینگ حاقیقاتینا لاییق دَلدیگینی گُردوم.‏ شُندا مِن هِمّه‌لِرینگ اُوونده پِطرُسینگ یوزونه گِلیپ، شِیله دییدیم:‏ ‏«‏سِن یَهودی بُلسانگ-دا، یَهودیلِر یالی یاشامایارسینگ.‏ سِن یَهودی دَل‍لِر یالی یاشایارسینگ.‏ اُنسُنگ سِن نَمه اوچین یَهودی دَل‍لِری یَهودیلِر یالی یاشاماغا مِجبور اِدیَرسینگ؟»‏

غَلاطیه‌لِر 2:2

مِنی اُل یِره خودایینگ ایلهامی آلیپ باردی.‏ اورشلیمدَکی کِلیسانینگ یُلباشچیلاری بیلِن آیراتین دوشوشیپ، اُلارا یَهودی دَل‍لِره واغیظ اِدیَن خوش خاباریمی بِیان اِتدیم.‏ مِن مونی هِمّه اِدِنلِریمینگ باری پوچ بُلماسین دییّپ اِتدیم.‏

غَلاطیه‌لِر 2:5

اِمّا خوش خابارینگ حاقیقاتی سیزینگ بیلِن قالسین دییّپ، بیز بو دُغان یالیلارا بیر فُرصَت-دا هِم راضیلاشیق اِتمِدیک.‏

غَلاطیه‌لِر 2:7

اُندان باشغا کِلیسانینگ یُلباشچیلاری خوش خاباری یَهودیلِره واغیظ اِتمِکلیگینگ پِطرُسا بِرلیشی یالی، مانگا-دا یَهودی دَل‍لِره واغیظ اِتمِکلیگینگ بِرلِندیگینی گُردولِر.‏

غَلاطیه‌لِر 5:14

چونکی هِمّه شِریغات:‏ ‏«‏هِمسایانگی اُزونگی سُیشونگ یالی سُی»‏ دییِن بیر حُکومده جِملِنِندیر.‏

غَلاطیه‌لِر 5:4

اِی اُزونی شِریغاتینگ اوستو بیلِن تاقوالی بُلجاق بُلیانلار!‏ سیز مسیحدِن آیریلدینگیز، خودایینگ مِرحِمِتیندِن ماحروم بُلدونگیز.‏

۲ تِسالونیکیلِر 2:14

اُل تانگریمیز عیسی مسیحینگ بِییکلیگینَه اُرتاق بُلوپ بیلِرینگیز یالی، واغیظ اِدیَن خوش خاباریمیزینگ اوستو بیلِن سیزی بولارا چاغیردی.‏

۱ تیموتاوس 1:14

تانگریمیز عیسی مسیحینگ اُلچِکسیز مِرحِمِتی، سُیگوسی و اُنونگ بِرِن ایمانی اوستومه بُلدان-بُل یاغدی.‏

۱ تیموتاوس 1:3

مِن مَقدونیه اوغرانیمدا، سانگا اِفِسُس شَهرینده قال دییّپ تابشیریپدیم.‏ سِن اُل یِردَکی آداملارینگ کَبیرینه یالان تَعلیماتلاری یایراتمازلیغی تابشیر.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۲ تیموتاوس 2:1

اِی اُغلوم، عیسی مسیحدَکی مِرحِمِتینده قوواتلان.‏

۱ پِطرُس 1:15

اُزونگیزی چاغیران خودایینگ مُقادِّس بُلشی یالی، سیز هِم هِمّه اِدیَن ایشلِرینگیزده مُقادِّس بُلونگ.‏

۲ پِطرُس 1:3

خودایینگ یُلینا گُرَه یاشاماغیمیز اوچین اُل اُز گویجینینگ اوستو بیلِن بیزه گِرِک بُلان هِمّه زادی بِردی.‏ اُل مونی یاخشیلیق و بِییکلیک بیلِن بیزی چاغیرانی تانیماغیمیز اوچین اِتدی.‏

آیانلیق 22:21

قُی، تانگریمیز عیسانینگ مِرحِمِتی هِمَّه‌نگیز بیلِن بُلسون!‏ اَمین.‏