اِفِسُسلار 6:12 - مُقادِّس کیتاب

¹² سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس.‏

اِفِسُسلار 6:12 ပူးပေါင်းရင်းမြစ်များ

مَتّیٰ 16:17

عیسی اُنگا شِیله دییدی:‏ ‏«‏نَهیلی خوشواقت سِن، اِی یونانینگ اُغلی شمعون!‏ بو سیری سانگا آیان اِدِن اینسان دَل-ده، آسمانداقی آتامدیر.‏

مَرقُس 4:19

اِمّا دونیَه‌نینگ قایغیلاری، بایلیغا کُوالاشما و باشغا هُوِسلِر آرا گیریپ، سُزی بُغیار، شُنونگ اوچین سُز حاصیل بِرمِیَر.‏

لوقا 13:24

‏«‏مِن سیزه دییَّرین:‏ دار قاپیدان گیرمَگه چالیشینگ، سِبَبی کَن آداملار بو قاپیدان گیرمَگه قاتی چالیشارلار، اِمّا باشارمازلار.‏

لوقا 22:53

مِن هِر گون سیزینگ بیلِن بیرلیکده عیباداتخاناداقام، مِنی توتماندینگیز.‏ اِمّا ایندی بو واقت سیزینگکیدیر، قارانگقیلیغینگ حُکوم سوریَن ساغاتیدیر»‏ دییدی.‏

یوحنا 12:31

ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏

یوحنا 14:30

مانگا ایندی سیزینگ بیلِن کِپلِشِره کَن واقت قالمادی، سِبَبی بو دونیَه‌نینگ رِییسی گِلیَر.‏ اُنونگ مِن باباتدا هیچ هیلی ایختییاری یُقدور.‏

یوحنا 16:11

حُکوم باباتدا آیتسام، بو دونیَه‌نینگ رِییسی مَحکوم اِدیلِندیر.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رومیلار 8:38

سِبَبی مِن نه اُلومینگ، نه-ده یاشاییشینگ، نه پِریشده‌لِرینگ، نه-ده جینلارینگ، نه حَضیرکی، نه گِلِجِکّی یاغدایلارینگ، نه-ده هیچ بیر گویچلِرینگ،

۱ قُرِنتُس‌لار 15:50

شُنگا گُرَه-ده، اِی عزیزلِر، مِن سیزه آیتجاق زادیم:‏ اِت بیلِن قاندان بُلان یِردَکی اینسان خودایینگ پادیشاهلیغینی میراث آلیپ بیلیَن دَلدیر.‏ چویرییَن بِدِن چویریمِیَن بِدِنه شِریک بُلوپ بیلیَن دَلدیر.‏

۲ قُرِنتُس‌لار 11:14

گِنگ قالیپ اُتورماغا زات یُق، سِبَبی شِیطانینگ اُزی-ده نور سِچیَن پِریشدَه‌نینگ صوراتینا گیریپ بیلیَندیر!‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

اِفِسُسلار 1:21

خودای مسیحی هِمّه حُکومدارلیقدان، ایختییارلیقدان، گویچ-قودراتدان و آقالیقدان، شِیله هِم دینگه بو زاماندا دَل، اُندان باشغا گِلجِک زاماندا-دا توتولجاق هِر بیر آددان خاص یُقاری قُیدی.‏

اِفِسُسلار 1:3

تانگریمیز عیسی مسیحینگ آتاسی خودایا اُوگولِر بُلسون!‏ اُل بیزی مسیحده آسمانداقی روحانی بِرِکِتلِرینگ هِمّه‌سی بیلِن بِرِکِتلِدی.‏

اِفِسُسلار 2:2

اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

اِفِسُسلار 3:10

اُزونینگ هِر هیلی حِکمِتلیگی کِلیسانینگ اوستو بیلِن آسمانداقی حُکومدارلارا و ایختییاردارلارا بیلدیریلسین دییّپ، خودای شِیله اِتدی.‏

کولُسیلِر 1:13

اُل بیزی قارانگقیلیق حُکومدارلیغیندان آزاد اِدیپ، اُز سُیگولی اُغلونینگ پادیشاهلیغینا گِتیردی،

کولُسیلِر 2:15

حُکومدارلارینگ و ایختییارلیلارینگ اِلیندِن یاراغینی آلدی و اُلاری صلیبینگ اوستو بیلِن یِنگیپ، هِمّه‌لِرینگ یانیندا بی‌آبرای اِتدی.‏

۲ تیموتاوس 2:5

شونونگ یالی، یاریشا گیرِیَن پَهلِوان هِم یاریشینگ شِرطلِرینی بِرجای اِتمِسه، بایراق آلماز.‏

عِبرانیلار 12:1

اینه، بیزینگ اِطرافیمیزی قاپلاپ آلان شِیله اولی بولوت شاهاتلارینگ بارلیغینا گُرَه، قینچیلیق دُرِدیَن هِر هیلی یوکی و بُینومیزدان یاپیشان گونَه‌لِری زینگایلینگ-دا، اُوومیزده دوران یاریشدا صابیرلیق بیلِن یُرتِیلینگ.‏

عِبرانیلار 12:4

گونَهَه قارشی اوروشینگیزدا، سیز هِنیز قانینگیز دُکولیَنچَه جیداملیق گُرکِزمِدینگیز.‏

۱ پِطرُس 3:22

اُل آسمانا چیقیپ و شو واقت خودایینگ ساغیندا اُتیر، و هِمّه پِریشده‌لِر، حُکومدارلار و قودراتلار اُنگا موطیع بُلدیلار.‏