اِفِسُسلار 6:10 - مُقادِّس کیتاب

¹⁰ شونلوقدا، مسیحینگ بِییک گویجی بیلِن قوواتلانینگ.‏

اِفِسُسلار 6:10 ပူးပေါင်းရင်းမြစ်များ

۱ قُرِنتُس‌لار 16:13

خاباردار بُلونگ، ایماندا قاییم دورونگ، قُرقمانگ، قایراتلی بُلونگ.‏

۲ قُرِنتُس‌لار 13:11

شونلوقدا، اِی عزیزلِر، شاتلانینگ!‏ اُسمِگینگیز و کَمیلِّشمِگینگیز اوچین چالیشینگ، آیدیانلاریما قولاق آسینگ، بیر فیکرده بُلونگ، پاراحات یاشانگ.‏ شُندا سُیگی و پاراحاتلیق خودایی سیزینگ بیلِن بُلار.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

فیلیپیلِر 3:1

شونلوقدا، اِی عزیزلِریم، قُی، شاتلیغینگیزینگ باشلایان یِری مسیح بُلسون!‏ سیزه شیندی یازیانیمی نَچه گِزِک یازماق مانگا قین دَل.‏ بو سیزی قُریماق اوچیندیر:‏

فیلیپیلِر 4:13

مانگا قووات بِریَن عیسی مسیحده هِر زادی اِتمِگی باشاریارین.‏

فیلیپیلِر 4:8

نِتیجه‌ده، اِی عزیزلِر، حاقیقی، حُرماتا میناسیپ، دُغری، پَک، قاوی گُرونیَن و تعریفلانیان نَمه بار بُلسا، شُل بارادا فیکرلِنینگ.‏ هاووا، یاخشی و اُومِگه میناسیپ زاتلار بارادا فیکرلِنینگ.‏

کولُسیلِر 1:11

قُی، اُل سیزی بِییک قودراتی بیلِن قوواتلاندیرسین.‏ سیزینگ صابیر-طاقاتلی بُلوپ، هِمّه زادا جیداماغینیز اوچین گویچ-قووات بِرسین.‏

۲ تیموتاوس 2:1

اِی اُغلوم، عیسی مسیحدَکی مِرحِمِتینده قوواتلان.‏

۲ تیموتاوس 4:17

یُنه خودای مِنی یِکه قُیمادی.‏ خوش خابارینگ مِنینگ اوستوم بیلِن کَمیل واغیظ اِدیلیپ، هِمّه میلِّتلِرینگ هِم اُنی اِشیتمِگی اوچین، اُل مانگا گویچ-قووات بِردی.‏ شِیلِلیکده خودای مِنی اُلومینگ پِنجِسیندِن آزاد اِتدی.‏

۱ پِطرُس 3:8

شِیلِلیکده، هِمَّه‌نگیز یورِگینگیز بیر و دِردینگیز بیر بُلوپ، بیری-بیرینگیزی سُیونگ.‏ رِحم-شِپاقاتلی و فُروتَن بُلونگ.‏

۱ پِطرُس 4:11

کیم کِپلِسه، خودایینگ سُزلِرینَه گُرَه کِپلِسین.‏ کیم خیدمات اِتسه، خودایینگ بِرِن گویچ-قوواتینا گُرَه خیدمات اِتسین.‏ عیسی مسیحینگ اوستو بیلِن خودای هِمّه زاتدا بِییکلِنسین!‏ بِییکلیک و قودرات اِبِدیلیک اُنونگقی بُلسون!‏ اَمین.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

۱ یوحنا 2:14

اِی بالالار، سیزه یازیارین، چونکی سیز آتامیز خودایی تانییارسینگیز.‏ اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز.‏ اِی ییگیتلِر، سیزه یازیارین، چونکی سیز گویچلیسینگیز، خودایینگ سُزی قالبینگیزا یِرلِشِندیر و سیز شِیطانی یِنگدینگیز.‏