اِفِسُسلار 5:18 - مُقادِّس کیتاب

¹⁸ شِرابدان سِرخُش بُلمانگ، بو سیزی هِرزِلیگه چِکِر.‏ تِرسینه، مُقادِّس روحدان دُلوپ-آقینگ.‏

اِفِسُسلار 5:18 ပူးပေါင်းရင်းမြစ်များ

مَتّیٰ 23:25

‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز کَسه و قاپ-چاناغینگ داشینی آراسّالایارسینگیز، اِمّا اُلارینگ ایچی آچگُزلیکدِن هِم یامانلیقدان دُلودیر.‏

مَتّیٰ 24:49

هِمکَرلِرینی اورماغا، سِرخُشلار بیلِن اییّپ-ایچمَگه باشلار،

لوقا 1:15

چونکی اُل خودایینگ ناظاریندا بِییک بُلار.‏ اُل هیچ هاچان آغزینا شِراب و ایچگی آلماز.‏ اُل هِنیز اِنه‌سینینگ گُوره‌سیندِکَه، مُقادِّس روحدان دُلار.‏

لوقا 11:13

شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره مُقادِّس روحی خاص-دا کَن بِرمِزمی؟»‏

لوقا 12:45

‏«‏اِمّا شُل خیدماتکَر اُز ایچیندِن:‏ ‏”‏آقام گیچ گِلِر“‏ دییّپ، قول‍لاری و کِنیزلِری اورماغا، اییّپ-ایچیپ، سِرخُش بُلماغا باشلاسا.‏

لوقا 21:34

‏«‏خاباردار بُلونگ!‏ عایش-عِشرِت، سِرخُشلیق، یاشایشینگ قایغیلاری یورِگینگیزه یِرلِشمِسین.‏ یُغسام، اُل گون دوزاق کیمین بیردِن اوستونگیزدِن اینِر.‏

یوحنا 2:10

‏«‏هِمّه‌لِر ساچاغا اَوَّل قاوی شِرابی قُییارلار.‏ میهمانلار ایچیپ دُیانلاریندان سُنگ، آرزان شِرابی بِریَرلِر.‏ سِن بُلسا قاوی شِرابی شو واقتا چِنلی ساقلاپ قُیوپسینگ!‏»‏ دییدی.‏

رِسول‍لار 11:24

اُنونگ مُقادِّس روحدان و ایماندان دُلی بیر یاخشی زادا آدامدیغی اوچین، خاص کَن آدام خودایا ایمان گِتیردیلِر.‏

رومیلار 13:13

عایش-عِشرِت، سِرخُشلوق، زیناکَرلیک، آخلاقسیزلیق، باخیلچیلیق و داعوا-جِنجِل اِتمَن، گِلینگ گوندیزدَکیلِر یالی میناسیپ یُلدا اِدِبلی یاشایلینگ.‏

۱ قُرِنتُس‌لار 11:21

سِبَبی سُفره‌دان اییِنینگیز واقتی، گِتیرِن اییمیتینگیزی باشغالار بیلِن پایلاشمان، اُزونگیز اییَّرسینگیز.‏ شِیدیپ، بیری آچ قالیار، باشغا بیری بُلسا سِرخُش بُلیار.‏

۱ قُرِنتُس‌لار 5:11

اِمّا مِن سیزی ایماندار بیلیپ، هِنیز-ده آخلاقسیز یا-دا آچگُز، بُت‌پَرَست یا-دا سِویَن، عاراقخُر یا-دا حیله‌گَر بُلانلار بیلِن قاتناشمانگ دییّپ یازیارین.‏ شِیله آداملار بیلِن حتّیٰ بیر ساچاق باشیندا-دا اُتورمانگ.‏

۱ قُرِنتُس‌لار 6:10

نه-ده اُغریلار، نه آچگُزلِر، نه-ده عاراقخُرلار، نه سِویَنلِر، نه-ده یالانچیلار شولارینگ بیری-ده خودایینگ پادیشاهلیغینی میراث آلماز.‏

۱ تِسالونیکیلِر 5:7

چونکی اوقلایانلار گیجه اوقلایاندیرلار، سِرخُش بُلیانلار-دا گیجه سِرخُش بُلیاندیرلار.‏

تیتوس 1:6

کِلیسانینگ یاشولیسی اِدیپ بِلِّنیلجِک حُکمَن عایپسیز و آیالینا بیوِفالیق اِتمِیَن آدام بُلمالیدیر.‏ اُنونگ فِرزِنتلِری هِم ایمان گِتیرِن، آخلاقسیزلیق و موطیع‌سیزلیقدا عاییپلانمایان بُلمالیدیر.‏