اِفِسُسلار 4:28 - مُقادِّس کیتاب

²⁸ اُغورلیق اِدِن ایندی اُغورلیق اِتمِسین!‏ قایتام، اُز اِل‍لِری بیلِن زَحمِت چِکیپ، مَحتَجه پایلاماغا زادی بُلار یالی، پِیدالی ایش اِتسین.‏

اِفِسُسلار 4:28 ပူးပေါင်းရင်းမြစ်များ

لوقا 19:8

زَکّیٰ بُلسا یِریندِن توروپ، عیسی مسیحه:‏ ‏«‏اِی آقام!‏ ایندی مِن بایلیغیمینگ یاریسینی قاریپلارا بِرجِک.‏ کیمینگ زادینی ناحاق آلان بُلسام، دُرت بِرابار اِدیپ قایتاریپ بِرجِکدیرین»‏ دییدی.‏

لوقا 3:8

موندان بِیلَک اِدِن توبانگیزا میناسیپ میوه بِرینگ.‏ اُز یانینگیزدان:‏ ‏”‏بیزینگ آتامیز ابراهیمدیر“‏ دییّپ فیکر اِتمَنگ.‏ مِن سیزه شونی آیدایین:‏ خودای ابراهیم اوچین شو داشلاردان هِم فِرزِنت یارادیپ بیلیَندیر.‏

یوحنا 12:6

اُل مونی قاریپلارینگ غامینی اییمِک اوچین دَل-ده، اُزونینگ اُغرودیغی اوچین آیدیاردی.‏ سِبَبی اُل هِمّه‌لِرینگ پول تُرباسینی گُتِرِن بُلوپ، نَمه بِریلسه، اُزی آلیپ یُردی.‏

یوحنا 13:29

پول تُربا یهودادا بُلانسُنگ، کَبیرلِری عیسی اُنگا:‏ ‏«‏بایرام اوچین بیزه گِرِک زاتلاری ساتین آل»‏ یا-دا ‏«‏قاریپلارا بیرآز پول پایلا»‏ دییَّندیر دییّپ دوشوندیلِر.‏

رومیلار 12:13

ایماندارلار مَحتَجلیک چِکسه، اُلارا کُمِک بِرینگ، میهمانسُیِر بُلونگ.‏

۱ قُرِنتُس‌لار 4:12

بیز قارا دِر دُکوپ، زَحمِت چِکیَریس.‏ بیزی لَعنِت اِدِنلِرینده، اُلارا یاخشیلیق دیلِیَریس.‏ بیزی آزار بِرِنلِرینده، مونگا جیدایاریس.‏

۲ قُرِنتُس‌لار 8:12

چونکی مادّی کُمِک بِرمِک هُوِسی بار بُلسا، خودای اینسانینگ یُق زادینا گُرَه دَل-ده، اِلینده بار بُلانینا گُرَه قابول اِدیَندیر.‏

۲ قُرِنتُس‌لار 8:2

اُلار آغیر قینچیلیقلاردا ایمتِحان اِدیلسه-ده، گویچلی شاتلیقدان دُلوپ-جُشارلار و قاریپلیغی قاتی آغیر بُلسا-دا، ساخیلیغا بایدیرلار.‏

غَلاطیه‌لِر 6:10

شُنگا گُرَه-ده، حَضیر واقتیمیز بارقا، هِمّه‌لِره، خاص-دا ایمانداقی دُغانلاریمیزا یاخشیلیق اِدِیلینگ.‏

۱ تیموتاوس 6:18

اُلارا یاخشیلیق اِتمِگی، یاخشی ایشلِر، ساخیلیق و اِلی آچیقلیق خازیناسینی ییغناماغی تابشیر.‏

تیتوس 3:14

ایماندارلار هِم نِتیجه‌سیز یاشاماز یالی، مَحتَجلِره یاردیم بِرمِگینگ اوستو بیلِن یاخشیلیق اِتمِگی عادات اِدینسینلِر.‏

تیتوس 3:8

بو سُزلِرینگ باری حاقیقاتدیر.‏ خودایا ایمان گِتیرِنلِرینگ یاخشیلیق اِتمِکده قُلایلاشماقلاری اوچین، بو زاتلاری خاص بِلِّمِگینگی ایسلِیَرین.‏ بو زاتلار اینسانلار اوچین قاوی و پِیدالیدیر.‏