اِفِسُسلار 4:25 - مُقادِّس کیتاب

²⁵ ایندی یالان آیتمانگ-دا، هِر بیرینگیز اُز هِمسایانگیزا حاقیقاتی آیدینگ.‏ چونکی بیزینگ هِمَّه‌میز بیر بِدِنینگ بُلوملِریدیریس.‏

اِفِسُسلار 4:25 ပူးပေါင်းရင်းမြစ်များ

یوحنا 8:44

سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

رومیلار 12:5

بیز باباتدا هِم شِیله:‏ کَن بُلساق-دا، مسیحینگ اوستو بیلِن بیر بِدِندیریس، اُنونگ ‌اعضالاری حُکمونده بیری-بیریمیزه باغلیدیریس.‏

۱ قُرِنتُس‌لار 10:17

چُرِگینگ بیر بُلشی یالی، بیز کَن بُلساق-دا، بیر بِدِندیریس.‏ چونکی شُل بیر چُرِگی هِمَّه‌میز پایلاشیاندیریس.‏

۲ قُرِنتُس‌لار 7:14

مِن اُنونگ یانیندا سیز باباتدا قووانیپدیم، سیز-ده مِنینگ یوزومی یِره سالمادینگیز.‏ سیزه آیدانلاریمیزینگ اِلمیداما حاقیقات بُلشی یالی، تیتوسینگ اُووندَکی قووانجیمیزینگ هِم حاقیقاتدیغی بِلّی بُلدی.‏

اِفِسُسلار 4:15

تِرسینه، حاقیقاتی سُیگی بیلِن آیدیپ، بِدِنینگ باشی بُلان مسیح یالی هِمّه طارافلایین اُسِریس.‏

اِفِسُسلار 4:22

اُوال اُورِدیلیشی یالی، اُوالقی یاشاییشینگیزی، یالانچی هُوِسلِر بیلِن یُلدان چیقاران کُهنه اینسانییِتینگیزی چیقاریپ اُقلانگ.‏

اِفِسُسلار 4:31

هِر یامانلیق بیلِن کینه، قاهار، غاضاب، قالماغال، تُهمِت و ییگرِنجی سیزدِن داش بُلسون.‏

اِفِسُسلار 5:30

سِبَبی بیز مسیحینگ بِدِنینینگ بُلوملِریدیریس.‏

کولُسیلِر 3:8

ایندی بُلسا قاهار-غاضابی، یامانلیقلارینگ هِمّه‌سینی اُزونگیزدِن آیریپ تِرک اِدینگ.‏ آغزینگیزدان هیچ بیر تُهمِت و تِلِکه سُزلِر چیقماسین.‏

کولُسیلِر 3:9

بیری-بیرینگیزه یالان آیتمانگ، سِبَبی سیز اُوالقی کُهنه یارادیلیشینگیزی کُهنه عاداتلاری بیلِن بیرلیکده چیقاریپ زینگدینگیز.‏

۱ تیموتاوس 1:10

زیناکَرلِر، بیری-بیری بیلِن تِلِکه ایش اِدیَن اِرکِکلِر، قول سُوداگَرلِری، یالانچیلار، یالان یِره قاسام ایچیَنلِر، و هِم دُغری تَعلیماتا قارشی چیقیانلارینگ هِمّه‌سی اوچیندیگینی بیلیَریس.‏

۱ تیموتاوس 4:2

بو تَعلیماتلار وِجدانلارینی یوودان ایکی‌یوزلی و یالانچیلار طارافیندان یایرادیلیار.‏

تیتوس 1:12

اُلارینگ بیر نِبیلِری شِیله دییّپدیر:‏ ‏«‏کریت خالقی اِلمیداما یالان سُزلِیَر، اُلار وَحشی حایوانلار، آصلا قارنی دُیمایار.‏»‏

تیتوس 1:2

خودایینگ بو یُلی باقی یاشاییش اومیدینی بِریَر.‏ سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،

عِبرانیلار 12:1

اینه، بیزینگ اِطرافیمیزی قاپلاپ آلان شِیله اولی بولوت شاهاتلارینگ بارلیغینا گُرَه، قینچیلیق دُرِدیَن هِر هیلی یوکی و بُینومیزدان یاپیشان گونَه‌لِری زینگایلینگ-دا، اُوومیزده دوران یاریشدا صابیرلیق بیلِن یُرتِیلینگ.‏

یعقوب 1:21

شُنونگ اوچین هِم تِلِکه‌لیگی و هِر هیلی یامانلیغی کَنِلتیَن زادی زینگیپ اُقلانگ-دا، خودایینگ قالبینگیزا اِکِن سُزونی فُروتَنلیک بیلِن قابول اِدینگ.‏ بو سُز جانینگیزی نِجات بِرمِگی باشاریاندیر.‏

۱ پِطرُس 2:1

شُنونگ اوچین هِم هِر هیلی کینه، مِکر، ایکی‌یوزلیک، باخیل‍لیق و غیبات-گورّونگلِری اُزونگیزدِن آیریپ زینگینگ.‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

آیانلیق 22:15

اِمّا ‏”‏ایتلِر“‏، جادوگَرلِر، زیناکَرلِر، قاتل‍لار، بُت‌پَرَستلِر، یالانی سُیوپ و اُنی عِمِل اِدیَنلِر شَهرینگ داشیندا قالارلار.‏