اِفِسُسلار 4:15 - مُقادِّس کیتاب

¹⁵ تِرسینه، حاقیقاتی سُیگی بیلِن آیدیپ، بِدِنینگ باشی بُلان مسیح یالی هِمّه طارافلایین اُسِریس.‏

اِفِسُسلار 4:15 ပူးပေါင်းရင်းမြစ်များ

یوحنا 1:47

عیسی اُزونه طاراف گِلیَن ناتاناییلی گُروپ، اُل حاقدا:‏ ‏«‏اینه، یورِگی حیله‌سیز و حاقیقی اسرائیل‌لی»‏ دییدی.‏

رومیلار 12:9

سُیگینگیز ایکی‌یوزلی بُلماسین.‏ یامانلیغی ییگرِنیپ، یاخشیلیغا قاتی یاپیشینگ.‏

۱ قُرِنتُس‌لار 11:3

اِمّا شونگا هِم دوشونمِگینگیزی ایسلِیَرین:‏ هِر اِرکِگینگ باشی مسیحدیر، آیالینگ باشی اِرکِکدیر و مسیحینگ باشی بُلسا خودایدیر.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

۲ قُرِنتُس‌لار 8:8

یُق، بو سیزه حُکوم دَل، اِمّا بِیلِکی کِلیسالارینگ ایخلاصی بارادا آیتماق بیلِن، سیزینگ سُیگینگیزینگ نَدِرِجِده حاقیقیدیغینی بیلِسیم گِلیَر.‏

اِفِسُسلار 1:22

خودای هِمّه زادی اُنونگ آیاقلارینینگ آشاغینا قُیوپ، کِلیسا اوچین اُنی هِمّه زادا باش اِدیپ بِردی.‏

اِفِسُسلار 1:4

اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی.‏ بو اُنونگ گُونوندِن توروپ، اِراداسی بیلِن بُلدی.‏

اِفِسُسلار 2:21

هِمّه عمارات عیسی مسیح بیلِن بیرلِشیَر و اُسوپ، خودایدا بیر مُقادِّس عیباداتخانا بُلوپ اُرولیَرلِر.‏

اِفِسُسلار 4:25

ایندی یالان آیتمانگ-دا، هِر بیرینگیز اُز هِمسایانگیزا حاقیقاتی آیدینگ.‏ چونکی بیزینگ هِمَّه‌میز بیر بِدِنینگ بُلوملِریدیریس.‏

اِفِسُسلار 5:23

چونکی مسیح بِدِنینگ نِجات بِریَنچیسی بُلوپ و کِلیسانینگ باشی بُلشی یالی، اَر هِم آیالینگ باشیدیر.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 2:2

تَزه دُغان چاغالار یالی آراسّا روحانی سویدی ایسلَنگ، شُنونگ اوستو بیلِن نِجاتدا اُسُرسینگیز.‏

۲ پِطرُس 3:18

تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ.‏ حَضیردِن تا اِبِدییَه چِنلی اُنگا بِییکلیک بُلسون!‏ اَمین.‏

۱ یوحنا 3:18

عزیز بالالار، حاقیقی سُیگیمیزی یُنه بیر قوری کِپ بیلِن دَل-ده، دُغرولیق یوزونده و عِمِلده گُرکِزِیلینگ.‏