اِفِسُسلار 3:19 - مُقادِّس کیتاب

¹⁹ هاووا، سیز مسیحینگ آیری-آیری دوشومدِن اوستون بُلان بو سُیگوسینه عاقیل یِتیرمِگی باشارارسینگیز.‏ شُندا خودایینگ هِمّه کِمالاتی بیلِن دُلدوریلارسینگیز.‏

اِفِسُسلار 3:19 ပူးပေါင်းရင်းမြစ်များ

مَتّیٰ 5:6

عادالاتلیغا آجیغیپ-سوسانلار خوشواقتدیر، چونکی اُلار دُیارلار.‏

یوحنا 1:16

بیزینگ هِمَّه‌میز اُنونگ دُلیلیغیندان مِرحِمِت اوستونه مِرحِمِت آلدیق.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

رومیلار 8:35

بیز عاذاپ و قینچیلیقلاری گُریَریس، جِفالارا، آچلیغا، مَحتَجلیگه دوچار بُلیاریس، خاطارا و اُلومه سِزاوار اِدیلیَریس.‏ اُندا بولارینگ باری بیزی عیسی مسیحینگ سُیگوسیندِن آیریپ بیلِرمی نَمه؟ اِلبِتّه، یُق!‏

رومیلار 8:39

نه بِییکلیگینگ، نه-ده آشاقلیغینگ و یارادیلان زاتلارینگ بیرینینگ-ده بیزی تانگریمیز عیسی مسیحینگ اوستو بیلِن آیان بُلان خودایینگ سُیگوسیندِن آیریپ بیلمِجِکدیگینه قاتی اینانیارین.‏

۲ قُرِنتُس‌لار 5:14

اِگِر بیر آدام هِمّه‌لِر اوچین اُلِن بُلسا، اُندا هِمَّه‌میز اُلِندیریس.‏ شِیله فیکره گِلِنیمیز بَری عیسی مسیحینگ سُیگوسی بیزی حِرِکِت اِتمَگه هُوِسلِندیریَر.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

اِفِسُسلار 1:23

کِلیسا مسیحینگ بِدِنیدیر، یَعنی اُنونگ دُلولیغی هِر زادی هِر تایدان دُلدورییاندیر.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

اِفِسُسلار 5:25

اِی اَرلِر، مسیحینگ کِلیسانی سُیشی یالی، سیز هِم اُز آیالینگیزی سُیونگ.‏ چونکی مسیح کِلیسانی سو بیلِن یوووپ، خودایینگ سُزی بیلِن پَکلَپ، اُنی مُقادِّس اِتمِک اوچین، جانینی قربان اِتدی.‏

فیلیپیلِر 1:7

مِن زینداندا بُلسام-دا، خوش خاباری قُریپ-ساقلاپ و اُنی تاصدیق اِتسِم-ده، سیزینگ هِمَّه‌نگیز خودایینگ مانگا بِرِن مِرحِمِتینده شِریکسینگیز.‏ شُنونگ اوچین-ده مِن سیز باباتدا شِیله فیکرلِنمَگَه حاقلیدیرین.‏ چونکی یورِگیمینگ دویبونده جایینگیز بار آخیرین!‏

فیلیپیلِر 4:7

شُندا خودایینگ پاراحاتلیغی یورِکلِرینگیزی و فیکرلِرینگیزی عیسی مسیحینگ اوستو بیلِن قُرار.‏ بو پاراحاتلیق اینسان دوشونجِسیندِن خاص بِییکدیر.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

۱ پِطرُس 1:8

سیز مسیحی گُرمِدیک بُلسانگیز هِم، اُنی سُییَرسینگیز.‏ حتّیٰ اُنی شو واقت گُرمِسِنگیز-ده، اُنگا ایمان گِتیریَرسینگیز و سُز بیلِن تعریفلاپ بُلماجاق بِییک شاتلیقدان دُلوپ-آقیارسینگیز.‏

۲ پِطرُس 3:18

تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ.‏ حَضیردِن تا اِبِدییَه چِنلی اُنگا بِییکلیک بُلسون!‏ اَمین.‏