اِفِسُسلار 2:18 - مُقادِّس کیتاب

¹⁸ ایندی مسیحینگ اوستو بیلِن بیزینگ هِمَّه‌میز یَهودی و یَهودی دَل‍لِر بیر روح بیلِن آتانینگ حوضورینا باریپ بیلیَریس.‏

اِفِسُسلار 2:18 ပူးပေါင်းရင်းမြစ်များ

مَتّیٰ 28:19

شُنونگ اوچین هِم گیدینگ-ده، هِمّه میلِّتلِری مِنینگ شَگیردیم اِدینگ، اُلاری آتا، اُغول و مُقادِّس روحونگ آدیندان تَعمید بِرینگ.‏

یوحنا 10:7

عیسی یِنه-ده اُلارا شِیله دییدی:‏ ‏«‏مِن سیزه دُغروسینی آیدیارین، قُیون آخُرینگ قاپیسی مِندیرین.‏

یوحنا 10:9

قاپی مِندیرین.‏ کیم مِندِن گیرسه، نِجات تاپار.‏ اُل گیریپ-چیقیپ، اُزونه اُتلیق تاپار.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

رومیلار 5:2

عیسی مسیح بیزه خودایینگ مِرحِمِتینینگ قاپیسینی آچیپ بِردی.‏ بیز ایمانینگ اوستو بیلِن بو مِرحِمِته بیریکیشیپ، قاییم دوروس و خودایینگ بِییکلیگینَه شِریک بُلجاقدیغیمیزا اومید باغلاپ بِگِنیَریس.‏

رومیلار 8:15

خودای بیزه اُز روحونی بِردی، اُل مونی قایتادان قول بُلوپ، قُرقودا یاشاماغیمیز اوچین دَل، شِیله بُلسا اُنونگ فِرزِنتلِری بُلوپ، روحونگ اوستو بیلِن ‏«‏آبّا، آتا»‏ دییّپ چاغیرماغیمیز اوچین اِتدی.‏

۱ قُرِنتُس‌لار 12:13

چونکی بیز کیم بُلساق-دا:‏ یَهودیمی، یَهودی دَلمی، قولمی، آزادمی – تَفاوُتی یُق، باریمیز بیر بِدِن بُلماق اوچین، بیر مُقادِّس روحا تَعمیدلِندیک.‏ بیزینگ باریمیز بیر مُقادِّس روحی قابول اِتدیک.‏

۱ قُرِنتُس‌لار 8:6

اِمّا بیزینگ اوچین یِکه خودای، یَعنی آتا باردیر، هِمّه زادینگ باشلانچیسی اُلدور.‏ بیز اُنونگ اوچین یاشایاندیریس.‏ بیزینگ اوچین یِکه حُکومدار عیسی مسیح بار، هِمّه زات هِم اُنونگ اوستو بیلِن یارادیلاندیر و بیز اُنونگ اوستو بیلِن یاشایاندیریس.‏

غَلاطیه‌لِر 4:6

سیز اُغولّیغا قابول اِدیلِنینگیز اوچین، خودای اُزونی ‏«‏آبّا!‏ آتام!‏»‏ دییّپ چاغیریان اُغلونینگ روحونی بیزینگ یورِکلِریمیزه ایبِردی.‏

اِفِسُسلار 3:12

عیسی مسیح و اُنگا بُلان ایمانیمیزینگ اوستو بیلِن بیز خودایینگ حوضورینا اولی اینام و باتیرلیق بیلِن یاقینلاشیپ بیلیَریس.‏

اِفِسُسلار 3:14

شِیلِلیکده، یِرده و آسماندا هِر بیر ماشغالا آدینی اُزوندِن آلان آتامیزینگ حوضوریندا مِن دیزا چُکیَرین.‏

اِفِسُسلار 4:4

سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر.‏

اِفِسُسلار 6:18

هِر بیر یاغدایدا یالبارماق بیلِن، روحدا خودایا دُغا اِدینگ.‏ خاباردار بُلونگ، مُقادِّسلِر اوچین هِمیشه دُغادا بُلونگ.‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

عِبرانیلار 7:19

چونکی شِریغات هیچ بیر زادی کَمیلِّشدیرمِدی.‏ ایندی مونونگ دِرِگینه بیزی خودایا یاقینلاشدیریان خاص قاوی بیر اومید بِریلدی.‏

یعقوب 3:9

دیلیمیز بیلِن بیز آتامیز خودایی شوکور اِدیَریس، شُل بیر واقتینگ اُزونده هِم خودایینگ صوراتیندا یارادیلان اینسانلاری لَعنِتلِیَریس.‏

۱ پِطرُس 1:17

آدام آراسیندا فارق قُیمازدان، هِر کیمی اِدِن اِتمیشینه گُرَه حُکوم بِریَن خودایی آتا دییّپ چاغیریان بُلسانگیز، بو دونیَه‌دَکی بیگانه‌لیک زامانینگیزی خودایدان قُرقوپ گِچیرینگ.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

یهودا 1:20

اِمّا، اِی عزیزلِر، سیز اُزونگیزی اولی مُقادِّس ایمانینگیزینگ اوستونه قُروپ و مُقادِّس روحدان دُغا اِدینگ.‏