اِفِسُسلار 2:15 - مُقادِّس کیتاب

¹⁵ اُل شِریغاتینگ قانونلارینی و دِستورلارینی باطیل اِتدی-ده، ایکی خالقی بیرلِشدیریپ، تَزه بیر خالق یاراتدی و پاراحاتچیلیغی بِرقارار اِتدی.‏

اِفِسُسلار 2:15 ပူးပေါင်းရင်းမြစ်များ

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

غَلاطیه‌لِر 3:10

اِمّا هِمّه شِریغاتی بِرجای اِتمِلیدیپ فیکرلینیپ، اُنگا دایانیانلار لَعنِت آشاغیندادیر.‏ چونکی:‏ ‏«‏بو شِریغات کیتابینی تامام یِرینه یِتیرمِدیک آداما، قُی، لَعنِت بُلسون!‏»‏ دییّپ یازیلاندیر.‏

غَلاطیه‌لِر 3:28

ایندی نه یَهودی، نه-ده یونانی، نه قول، نه-ده آزاد آدام، نه اِرکِک، نه-ده آیال بار، چونکی سیزینگ بارینگیز عیسی مسیحده بیرسینگیز.‏

غَلاطیه‌لِر 6:15

چونکی نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه تَزه یارادیلیش اَهمییِتلیدیر.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

اِفِسُسلار 2:14

حاقیقاتدانام، مسیحینگ اُزی بیزینگ پاراحاتلیغیمیزدیر.‏ اُل اُز جانینی قربانی اِدیپ، بو ایکی خالقی، یَعنی یَهودی و یَهودی دَل‍لِری بیر اِتدی، اُلارینگ آراسینداقی دوشمانچیلیق دیوارینی ییقیپ دارغاتدی.‏

اِفِسُسلار 2:16

اُل صلیبدَکی اُلومینگ اوستو بیلِن دوشمانچیلیغی یُق اِتدی و ایکی اویشمِلِنگی بیر بِدِن کیمین اِدیپ، اُلاری خودای بیلِن یاراشدیردی.‏

اِفِسُسلار 4:16

اُنونگ یُلباشچیلیغی آشاغیندا هِمّه بِدِن هِر بُغونونگ کُمِگی بیلِن باغلانیپ، اُنگا بیریکدیریلیَر.‏ هِر بُلومینگ تِرتیبلی ایشلِمِگی نِتیجه‌سینده بِدِن اُسیپ، سُیگی بیلِن قُشولیپ حِرِکِت اِدیَر.‏

کولُسیلِر 2:14

اُل بیزه قارشی یازیلان بِرگیلیک یازغیسینی باطیل اِتدی و اُنی صلیبه چویلَپ، آرادان آییردی.‏

کولُسیلِر 2:20

سیز مسیح بیلِن اُلوپ، بو فانی دونیَه‌نینگ قالان دِستورلاریندان آزاد بُلدونگیز.‏ اُندا نَمه اوچین هِنیزِم بو دونیَه باغلی یالی، ‏«‏مونی داتما»‏، ‏«‏مونی اییمه»‏، ‏«‏مونگا اِل دِگیرمه»‏ دییِن اینسان عاداتلارینینگ ایزینا دوشیَرسینگیز؟

کولُسیلِر 3:10

ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.‏

کولُسیلِر 3:11

بو یارادیلیشدا یَهودی بیلِن یونانی، سونِّت بُلان و سونِّت بُلمادیق، نادان بیلِن ظالیمینگ، قول بیلِن آزادینگ آراسیندا هیچ بیر فارق یُقدور، اِمّا مسیح هِمّه زاتدیر و هِمّه زاتدادیر.‏

کولُسیلِر 3:15

قالبینگیزدا مسیحینگ پاراحاتلیغی حُکوم سورسون.‏ چونکی سیز بیر بِدِنینگ ‌اعضالاری بُلوپ، بو پاراحاتچیلیغا چاغیریلانسینگیز و شوکورلی بُلونگ.‏

عِبرانیلار 7:16

اُنونگ کاهینلیغی بو فانی دونیَه‌نینگ ایسلِگینه، یَعنی نِسلدِن-نِسله گِچیَن شِریغاتا دَل-ده، اُندا مِلکیصِدِق کاهینلیغی یالی اِبِدی یاشاییش قودراتینا دِلیل گِتیرِندیر.‏

عِبرانیلار 8:13

خودای بو عَهده ‏«‏تَزه»‏ دییمِک بیلِن، اُوالقی عَهدینگ کُهنه‌لِندیگینی گُرکِزدی.‏ کُهنه‌لیپ، ضایالانان زات بُلسا، باسیم یُق بُلوپ گیدیَندیر.‏

عِبرانیلار 9:23

شِیلِلیکده، آسمانداقی زاتلارینگ یِردَکی نِمونه‌لِرینینگ بو قربانلیقلار بیلِن پَکلِنمِگی گِرِکدی.‏ اِمّا آسمانداقی زاتلارینگ اُزلِری بولاردان خاص قاوی قربانلیقلاری طالاب اِدیَردی.‏