کولُسیلِر 4:5 - مُقادِّس کیتاب

⁵ مسیحه ایمان گِتیرمِدیکلِر بیلِن هِم واقتینگیزی حِکمِتلی گِچیرینگ و فُرصَتی اِلدِن بِرمَنگ.‏

کولُسیلِر 4:5 ပူးပေါင်းရင်းမြစ်များ

مَتّیٰ 10:16

‏«‏سِراِدینگ، مِن سیزی قورتلارینگ آراسینا قُیونلار یالی یُلّایارین.‏ شُنونگ اوچین ییلان یالی زِرِنگ، کِپدِری کیمین سادا بُلونگ.‏

مَرقُس 4:11

عیسی اُلارا شِیله دوشوندیردی:‏ ‏«‏خودایینگ پادیشاهلیغینینگ سیری سیزه بِریلدی.‏ داشارداقیلارا بُلسا هِمّه زات میثال‍لار بیلِن آیدیلیار.‏

رومیلار 16:19

سیزینگ موطیع‌لیغینگیز هِمّه‌لِره معلیمدیر.‏ مِن سیزینگ شِیلِدیگینگیزه قاتی بِگِنیَرین، یُنه سیزینگ یاخشینی یاماندان آچیق بیلِر یالی فَهیملی بُلماغینگیزی و یامانلیغا سادا بُلماغینگیزی ایسلِیَرین.‏

کولُسیلِر 3:16

قُی، مسیحینگ سُزی قالبینگیزینگ دویبونده یِرلِشسین.‏ بار حِکمِت بیلِن بیری-بیرینگیزه تَعلیم و ناصیحات بِرینگ.‏ مِزمورلار، اُوگی آیدیملار، روحانی ناغمالار آیدیپ، خودایا یورِکدِن مینِّتدارلیق بیلدیرینگ.‏

۱ تِسالونیکیلِر 4:12

شُندا مسیحه ایمان گِتیرمِیَنلِر سیزه حُرمات قُیارلار.‏ سیز هیچ کیمدِن هیچ زادا زار بُلمارسینگیز.‏

۱ تیموتاوس 3:7

بی‌آبرایلیغا و شِیطانینگ دوزاغینا دوشمِز یالی، اُل کِلیسانینگ داشینداقی آداملارینگ آراسیندا هِم سیلانیلیان بُلمالیدیر.‏

یعقوب 1:5

اِگِر هِر کیم حِکمِت ایسلِیَن بُلسا، قُی، اُل خودایدان دیلِسین.‏ هِمّه‌لِره مینِّتسیز و ساخیلیق بیلِن بِریَن خودای اُنگا هِم بِرِر.‏

یعقوب 3:13

آرانگیزدا دوشونجِلی و حِکیم آدام بارمی؟ اِگِر بار بُلسا، قُی، اُل مونی دُغری یاشاییشی و حِکمِتدِن گِلیَن یومشاقلیغی بیلِن بیتیرِن یاخشی عِمِل‍لِرینده گُرکِزسین.‏

یعقوب 3:17

اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر.‏ اُل مِرحِمِتدِن و خاییرلی عِمِل‍لِردِن دُلودیر.‏ شِیله حِکمِت طارافدارلیق و ایکی‌یوزلیلیک اِتمِیَر.‏

۱ پِطرُس 3:1

اِدیل شونونگ یالی، اِی آیال‍لار، سیز هِم اُز اَرینگیزه موطیع بُلونگ.‏ اِگِر اَرینگیز خودایینگ سُزونه اینانمایان بُلسا، اُل آیالینینگ خودایدان قُرقوپ یاشایان و پَک دورموشینی گُروپ، هیچ بیر آیدیپ-دییمِزدِن ایمانا گِلِر.‏