کولُسیلِر 3:16 - مُقادِّس کیتاب

¹⁶ قُی، مسیحینگ سُزی قالبینگیزینگ دویبونده یِرلِشسین.‏ بار حِکمِت بیلِن بیری-بیرینگیزه تَعلیم و ناصیحات بِرینگ.‏ مِزمورلار، اُوگی آیدیملار، روحانی ناغمالار آیدیپ، خودایا یورِکدِن مینِّتدارلیق بیلدیرینگ.‏

کولُسیلِر 3:16 ပူးပေါင်းရင်းမြစ်များ

مَتّیٰ 26:30

اُلار خودایا اُوگی آیدیمی آیدانلاریندان سُنگ، زِیتون داغینا چیقدیلار.‏

لوقا 2:51

سُنگرا عیسی اِنه-آتاسی بیلِن ناصِره قایتدی، اُلارینگ سُزونه قولاق آسدی.‏ اِمّا اُنونگ اِنه‌سی بو گورّونگلِرینگ هِمّه‌سینی یورِگینده ساقلایاردی.‏

یوحنا 15:7

مِنده مِسکِن توتوپ، سُزلِریمی یورِگینگیزده ساقلاسانگیز، نَمه دیلِسِنگیز، سیزه بِریلِر.‏

رومیلار 10:17

شونلوقدا، ایمان اِشیتمِکدِن، هاووا، عیسی مسیح حاقدَکی خوش خاباری اِشیتمِکدِن دُرِیَندیر.‏

رومیلار 15:14

اِی عزیزلِریم، مِن سیزینگ یاخشیلیقدان دُلودیغینگیزا، هِمّه زادی بیلیَندیگینگیزه و بیری-بیرینگیزه ناصیحات بِرمِگی باشاریاندیغینگیزا قاتی اینانیارین.‏

۱ قُرِنتُس‌لار 14:15

نَمه اِتمِلی؟ مِن روحوم بیلِن دُغا اِتسِم، مونی عاقیلیمدا-دا اِتجِک.‏ مِن روحوم بیلِن آیدیم آیتسام، مونی عاقیلیمدا-دا آیتجاق.‏

۱ قُرِنتُس‌لار 14:26

اِی عزیزلِر، موندان نَهیلی نِتیجه آلساق بُلار؟ سیز بیر یِره اویشِنینگیزده، هِر بیرینگیزده آیدیم، تَعلیم سُزی، آیانلیق، بِلّی دَل دیل‍لِرده گورلِمِک یا-دا اُنی مَعنیلِندیرمِک باردیر.‏ دِگمه، بولارینگ باری کِلیسانی قوواتلاماق اوچین بُلسون.‏

اِفِسُسلار 1:17

مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین.‏ قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.‏

اِفِسُسلار 5:17

شُنونگ اوچین-ده نادان بُلمان، قایتام، مسیحینگ اِراداسینینگ نَمِدیگینه دوشونینگ.‏

اِفِسُسلار 5:19

بیلِلیکده مِزمورلار، ناغمالار و روحانی آیدیملار آیدینگ.‏ مسیحه تویس یورِکدِن سازلار چالیپ، قُشغیلار آیدینگ.‏

کولُسیلِر 1:28

شِیلِلیکده، بیز هِمّه‌لِره مسیح حاقدا اِعلان اِدیَریس.‏ اُلاری مسیحینگ بِدِنینینگ کَمیل ‌اعضاسی حُکمونده هُدورلَر یالی، هِر بیر اینسانا ناصیحات اِدیپ، اولی حِکمِت بیلِن تَعلیم بِریَریس.‏

کولُسیلِر 1:9

مونی اِشیدِن گونومیزدِن بَری، بیز هِم سیزینگ اوچین دُغالاریمیزینگ ایزینی اوزِمزُق.‏ خودایینگ ایسلِگینی دُلی بیلمِگینگیز اوچین، اُنونگ سیزی هِر حِکمِت و روحانی دوشونجه بیلِن دُلدورماغینی دیلِیَریس.‏

کولُسیلِر 4:6

هِر کیمه نَهیلی جُغاپ بِرمِلیدیگینگیزی بیلِر یالی، سُزونگیز هِمیشه یُقوملی و مَعنیلی بُلسون.‏

۱ تِسالونیکیلِر 1:8

خوش خابار سیزدِن هِمّه یِره، حتّیٰ مَقدونیه بیلِن آخائیه‌دِن اوزاق یِرلِره هِم سِس بِردی.‏ سیزینگ خودایا بُلان ایمانینگیز باراداقی گورّونگ هِمّه یِره یایرادی.‏ بیزه اُل بارادا آیتماغا-دا زات قالمادی.‏

۱ تِسالونیکیلِر 4:18

شُنگا گُرَه-ده، شو سُزلِر بیلِن بیری-بیرینگیزه گُوونلیک بِرینگ.‏

۲ تِسالونیکیلِر 3:15

یُنه اُنی دوشمان حاساپلامانگ، قایتام بیر دُغان حُکمونده اُنگا ناصیحات بِرینگ.‏

۱ تیموتاوس 6:17

بو زامانینگ بایلارینا مَغرور بُلمازلیغی تابشیر.‏ قُی، اُلار اینامسیز و قیسغا بایلیغا دَل-ده، لِذِّت آلماغیمیز اوچین هِر زادی بُل یِتیریَن خودایا بیل باغلاسینلار.‏

۲ تیموتاوس 3:15

سِن مُقادِّس یازغیلاری هِم اُغلانلیقدان بَری بیلیَنسینگ.‏ بو یازغیلار عیسی مسیحه بُلان ایمانینگ اوستو بیلِن سانگا حِکمِت بِریپ، نِجات تاپماغینگ یُلونی گُرکِزِر.‏

تیتوس 3:6

بیز خودایینگ مِرحِمِتی بیلِن آقلانیپ، اُنونگ باقی یاشایشا اومید باغلایان میراثداری بُلار یالی، خودای بیزه نِجات بِریَنچیمیز عیسی مسیحینگ اوستو بیلِن مُقادِّس روحی بُلدان-بُل بِردی.‏

یعقوب 1:5

اِگِر هِر کیم حِکمِت ایسلِیَن بُلسا، قُی، اُل خودایدان دیلِسین.‏ هِمّه‌لِره مینِّتسیز و ساخیلیق بیلِن بِریَن خودای اُنگا هِم بِرِر.‏

یعقوب 3:17

اِمّا آسماندان اینِن حِکمِت اَوَّل بیلِن پَکلیکدیر، سُنگرا پاراحاتلیق ایسلِیَنجیلیکدیر، میلاییملیق و اُزآرا راضیلاشیقلیقدیر.‏ اُل مِرحِمِتدِن و خاییرلی عِمِل‍لِردِن دُلودیر.‏ شِیله حِکمِت طارافدارلیق و ایکی‌یوزلیلیک اِتمِیَر.‏

یعقوب 5:13

آرانگیزدا بیری قینچیلیق چِکیَرمی؟ قُی، اُل دُغا اِتسین.‏ بیرینینگ کِیپی کُکمی؟ خودایا شوکور ناغمالارینی آیتسین.‏

۱ یوحنا 2:14

اِی بالالار، سیزه یازیارین، چونکی سیز آتامیز خودایی تانییارسینگیز.‏ اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز.‏ اِی ییگیتلِر، سیزه یازیارین، چونکی سیز گویچلیسینگیز، خودایینگ سُزی قالبینگیزا یِرلِشِندیر و سیز شِیطانی یِنگدینگیز.‏

۱ یوحنا 2:24

قُی، سیزینگ اُزال-باشدان اِشیدِن سُزونگیز قالبینگیزدا یِرلِشسین.‏ شُندا سیز اُغول بیلِن هِم، آتا بیلِن هِم یاشارسینگیز.‏

۱ یوحنا 2:27

اِمّا مسیحینگ سیزه بِرِن مُقادِّس روحی اُزونگیزده قالیاندیر، سیزه اُورِتمِگینگ گِرِگی یُق.‏ مُقادِّس روحونگ سیزه اُورِدیَن هِر بیر زادی یالان دَل-ده، حاقیقاتدیر.‏ اُنونگ سیزه اُورِدیشی یالی، مسیح بیلِن یاشامالیسینگیز.‏

۲ یوحنا 1:2

سِبَبی حاقیقات قالبیمیزا یِرلِشِندیر و اُل اِبِدیلیک بیزینگ بیلِن بُلار.‏

آیانلیق 14:3

یانگقی بیر یوز قیرق دُرت مونگ آدام تاختینگ اُوونده و دُرت جانلی جاندارینگ و یاشولیلارینگ اُوونده تَزه آیدیم آیدیاردیلار.‏ هِمّه آدامزادینگ آراسیندان ساتین آلنان بو بیر یوز قیرق دُرت مونگ آدامدان باشغا هیچ کیم بو آیدیمی اُورِنیپ بیلمِیَردی.‏

آیانلیق 15:3

اُلار خودایینگ خیدماتکَری موسانینگ و قوزینینگ آیدیمینی آیدیاردیلار:‏ ‏«‏اِی تانگری، قودراتلی-گویچلی خودای!‏ سِنینگ ایشلِرینگ اولی و عجاییپدیر.‏ اِی میلِّتلِرینگ پادیشاهسی!‏ سِنینگ یُل‍لارینگ دُغری و حاقدیر.‏

آیانلیق 19:10

مِن پِریشدَه سِجده اِتمِک اوچین، اُنونگ آیاقلارینا ییقیلدیم.‏ اِمّا اُل مانگا شِیله دییدی:‏ ‏«‏یُق، مانگا سِجده اِتمه!‏ مِن هِم سِن و عیسی بارادا شاهاتلیق اِدیَن ایماندارلارینگ یالی خودایینگ بیر خیدماتکَریدیرین.‏ خودایا سِجده اِت!‏ عیسی بارادا شاهاتلیق اِدیَنلِر نبوّتلیق روحونا اِیه بُلیاندیرلار.‏»‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏