کولُسیلِر 3:15 - مُقادِّس کیتاب

¹⁵ قالبینگیزدا مسیحینگ پاراحاتلیغی حُکوم سورسون.‏ چونکی سیز بیر بِدِنینگ ‌اعضالاری بُلوپ، بو پاراحاتچیلیغا چاغیریلانسینگیز و شوکورلی بُلونگ.‏

کولُسیلِر 3:15 ပူးပေါင်းရင်းမြစ်များ

یوحنا 14:27

مِن سیزه پاراحاتلیق قُیوپ باریارین، اُز پاراحاتلیغیمی سیزه بِریَرین.‏ مِن مونی دونیَه‌نینگ بِرشی یالی بِرمِیَرین.‏ یورِگینگیز غوصّا باتماسین، قُرقمانگ.‏

یوحنا 16:33

بو زاتلاری سیزه، مِنده پاراحاتلیغینگیز بُلسون دییّپ آیتدیم.‏ بو دونیَه‌ده زَحمِت و اِذیِتینگیز بُلار، یُنه خاطیرجِم بُلونگ، چونکی مِن دونیَه‌نی یِنگدیم!‏»‏ دییدی.‏

رومیلار 1:21

اُلار خودای بارادا بیلسِلِر-ده، اُنی خودای حُکمونده بِییکلِندیرمِدیلِر، اُنگا شوکور اِتمِدیلِر.‏ تِرسینه، بُش فیکرلِره قُشولیپ یورِکلِرینی قارانگقیلیق دُلدوردی.‏

رومیلار 14:17

چونکی خودایینگ پادیشاهلیغی اییمِک-ایچمِک دَل-ده، مُقادِّس روحونگ ناغمات بِریَن تاقوالیغی، پاراحاتلیغی و شاتلیغیدیر.‏

رومیلار 15:13

مُقادِّس روحونگ گویجی بیلِن اومیدینگیزینگ آرتماغی اوچین، اومیدینگ چِشمه‌سی بُلان خودای ایمانینگیزینگ اوستو بیلِن، قُی، سیزی شاتلیقدان و پاراحاتلیقدان دُس-دُلی اِتسین.‏

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

۱ قُرِنتُس‌لار 10:17

چُرِگینگ بیر بُلشی یالی، بیز کَن بُلساق-دا، بیر بِدِندیریس.‏ چونکی شُل بیر چُرِگی هِمَّه‌میز پایلاشیاندیریس.‏

۱ قُرِنتُس‌لار 7:15

اِمّا ایمان گِتیرمِدیک یانیُلداش طالاق آلجاق بُلسا، قُی، طالاق آلسین.‏ ایماندار اَر یا-دا آیال شِیله یاغدایلاردا بِرگیلی دَلدیر.‏ یُنه خودای بیزی بیلِلیکده پاراحاتلی یاشاماغا چاغیراندیر.‏

۲ قُرِنتُس‌لار 4:15

بولارینگ باری سیزینگ اوچین اِدیلیَر.‏ شِیدیپ خودایینگ مِرحِمِتی کَندِن-کَن آداملارا یِتیپ، اُلارینگ شوکورلِرینی آرتدیرار و خودایینگ بِییکلیگینی خاص-دا بِیگِلدِر.‏

۲ قُرِنتُس‌لار 9:11

سیز هِر زاتدا ساخی بُلوپ بیلِرینگیز یالی، هِمّه زادا بای بُلارسینگیز.‏ بیز سیزینگ ساخاواتلی کُمِگینگیزی اِلتیپ بِرِنیمیزده، اورشلیمدَکی ایماندارلار خودایا شوکور اِدِرلِر.‏

اِفِسُسلار 4:16

اُنونگ یُلباشچیلیغی آشاغیندا هِمّه بِدِن هِر بُغونونگ کُمِگی بیلِن باغلانیپ، اُنگا بیریکدیریلیَر.‏ هِر بُلومینگ تِرتیبلی ایشلِمِگی نِتیجه‌سینده بِدِن اُسیپ، سُیگی بیلِن قُشولیپ حِرِکِت اِدیَر.‏

اِفِسُسلار 4:4

سیز بیر بِدِنه، بیر روحا شِریک بُلیارسینگیز، خودای هِمَّه‌نگیزی بیر اومیدا چاغیراندیر.‏

اِفِسُسلار 5:1

شِیله هِم سیز سُیگولی فِرزِنتلِر کیمین خودایدان نِمونه آلینگ.‏

اِفِسُسلار 5:20

هِمّه زات اوچین تانگریمیز عیسی مسیحینگ آدیندان آتا خودایا هِمیشه شوکور اِدینگ.‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

کولُسیلِر 3:17

نَمه اِتسِنگیز هِم، آیتسانگیز هِم، هِمّه‌سینی تانگریمیز عیسانینگ آدی بیلِن یِرینه یِتیرینگ، اُنونگ اوستو بیلِن آتا خودایا شوکور اِدینگ.‏

۱ تِسالونیکیلِر 5:18

هِر یاغدایا شوکور اِدینگ.‏ هاووا، عیسی مسیحه باغلی بُلان سیز باباتدا خودایینگ ایسلِگی شولاردیر.‏

۱ تیموتاوس 2:1

شُنگا گُرَه، اِی تیموتاوس، اَوَّل شولاری ماصلاحات بِریَرین:‏ هِمّه‌لِر اوچین دُغا و دیلِگ اِدینگ، اُلار اوچین خودایا یالبارینگ، اُنگا مینِّتدارلیق بیلدیرینگ.‏

۱ تیموتاوس 6:12

ایمان اوغرونداقی گُرِشده باتیرلیق بیلِن گُرِش و باقی یاشایشی اُزونگه ماقصات اِدین.‏ خودای سِنی مونگا چاغیردی، شُندا سِن هِم ایمانینگی کَن شاهادینگ اُوونده قاوی ایقرار اِدِنسینگ.‏

عِبرانیلار 13:15

شُنونگ اوچین هِم عیسانینگ اوستو بیلِن خودایا قربانلیق حُکمونده هِمیشه اُوگی باغیش اِدیپ و اُنونگ آدینی شوکور اِدِیلینگ!‏

آیانلیق 7:12

اُلار شِیله دییَّردیلِر:‏ ‏«‏اَمین!‏ خوداییمیزا اُوگی و بِییکلیک بُلسون!‏ خوداییمیزا حِکمِت، شوکورلِر، حُرمات، قودرات و قووات اِبِدیلیک بُلسون!‏ اَمین!‏»‏