کولُسیلِر 3:12 - مُقادِّس کیتاب

¹² شُنونگ اوچین هِم، اِی خودایینگ سایلان مُقادِّس هِم عزیز خالقی!‏ رِحم-شِپاقات، مِهرِبانلیق، فُروتَنلیک، میلاییملیق و صابیر-طاقاتلیق بیلِن گِیینینگ.‏

کولُسیلِر 3:12 ပူးပေါင်းရင်းမြစ်များ

مَتّیٰ 24:22

اُل گونلِر قیسغالدیلمادیق بُلسادی، اُندا هیچ کیم نِجات تاپمازدی، اِمّا سایلانانلارینگ خاطیراسینا اُل گونلِر قیسغالدیلار.‏

مَتّیٰ 24:24

چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر.‏

مَتّیٰ 24:31

اُل اولی سورنای سِسی بیلِن اُز پِریشده‌لِرینی یُل‍لار.‏ پِریشده‌لِر اُنونگ سایلانلارینی آسمانینگ بیر اوجوندان بِیلِکی اوجونا چِنلی، دونیَه‌نینگ دُرت بورجوندان ییغنارلار.‏

مَرقُس 13:20

خودای اُل گونلِری قیسغالتمادیق بُلسا، اُندا هیچ کیم نِجات تاپمازدی.‏ اِمّا خودای سایلانان‌لارینگ، یَعنی اُز سایلانلاری‌نینگ خاطیراسینا اُل گونلِری قیسغالتدی.‏

مَرقُس 13:22

چونکی یالان مسیحلِر، یالان نِبیلِر دُرَپ، سایلانان‌لاری-دا مومکین بُلدیغیچا آزدیرجاق بُلوپ، عالاماتلار، مُعجِزه‌لِر گُرکِزِرلِر.‏

مَرقُس 13:27

شُندا اُل پِریشده‌لِری یُلّاپ، اُز سایلانلارینی دونیَه‌نینگ دُرت بورجوندان، یِرینگ اوجوندان تا آسمانینگ اوجونا چِنلی ییغنار.‏

لوقا 1:78

خوداییمیز رِحم-شِپاقاتدان دُلودیر:‏ اُل اوستومیزه گون یاغتیسینی دُکدورِر.‏

لوقا 18:7

اِیسِم، خودای اُز سایلانلارینینگ، گیجه-گوندیز اُزونه یوز توتوپ فِریاد اِدیَنلِرینگ حاقینی آلیپ بِرمِزمی؟ اُلاری کَن گُزلِشدیرِرمی؟

رومیلار 1:7

مِن شو نامه‌می سیزه رومداقی ایماندارلارا یازیارین.‏ خودای سیزینگ هِمَّه‌نگیزی سُیوپ، سیزی اُزونینگ خالقی بُلماغا چاغیردی.‏ قُی، آتامیز خودایینگ و تانگریمیز عیسی مسیحینگ مِرحِمِتی و پاراحاتلیغی سیزه بُلسون!‏

رومیلار 13:14

اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.‏

رومیلار 9:11

یُنه اِکیز فِرزِنتلِر هِنیز دُغولمانقا، هِنیز یامانلیق یا یاخشیلیق ایش اِتمَکَه، خودای رِبِکا ‏«‏اولوسی کیچیسینه خیدمات اِدِر»‏ دییّپ آیدیپدی.‏ بو سُزلِر سایلانیپ-سِچیلمَنینگ اینسان ایشلِرینه دَل-ده، دینگه چاغیرانا باغلیدیغینی معلیم اِتمِک اوچین آیدیلیپدی.‏

۱ قُرِنتُس‌لار 13:4

سُیگی صابیرلی و مِهرِباندیر.‏ سُیگی باخیل‍لیق اِدیَن دَلدیر و اُزونه قاباریاندَلدیر.‏ سُیگی مَغرور دَلدیر،

۲ قُرِنتُس‌لار 6:6

بیز مونی پَکلیک، بیلیم، صابیرلیلیق، مِهرِبانلیق، مُقادِّس روح بیلِن، صادیق سُیگی،

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

اِفِسُسلار 1:4

اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی.‏ بو اُنونگ گُونوندِن توروپ، اِراداسی بیلِن بُلدی.‏

اِفِسُسلار 4:2

خاص فُروتَن هِم میلاییم بُلونگ.‏ صابیر-طاقاتلی بُلوپ، سُیگی بیلِن بیری-بیرینگیزه جیدانگ.‏

اِفِسُسلار 4:24

حاقیقی تاقوالیق و مُقادِّسلیک بیلِن خودای کیمین یارادیلان تَزه اینسانییِتلیگه گِین‍نینگ.‏

اِفِسُسلار 4:32

بیری-بیرینگیزه مَهیرلی و رِحم-شِپاقاتلی بُلونگ.‏ خودای سیزی مسیحینگ اوستو بیلِن باغیشلایشی یالی، سیز هِم بیری-بیرینگیزی باغیشلانگ.‏

فیلیپیلِر 1:8

مِن سیزی عیسی مسیحینگ سُیگوسی بیلِن گُرمَگه زاردیغیما خودایینگ اِدیل اُزی شاهاتدیر.‏

کولُسیلِر 3:10

ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.‏

۱ تِسالونیکیلِر 5:15

خاباردار بُلونگ، هیچ کیم یامانلیغا یامانلیق بیلِن جُغاپ بِرمِسین.‏ قایتام، بیری-بیرینگیزه و هِمّه‌لِره یاخشیلیق اِتجِک بُلونگ.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۲ تیموتاوس 2:10

اینه، اِدیل شو سِبَپدِن، سایلانانلار هِم باقی بِییکلیک بیلِن بیرلیکده عیسی مسیحینگ اوستو بیلِن نِجات تاپار یالی، اُلارینگ خاطیراسینا هِمّه زادا جیدایارین.‏

تیتوس 1:1

خودایینگ خیدماتچیسی و عیسی مسیحینگ رِسولی مِن پولسدِن دُغایی سالام!‏ خودای اُز سایلان آداملارینینگ ایمان گِتیرمِگی و اُنونگ یُلونی گُرگِزدیریَن حاقیقاتی بیلمِگی اوچین مِنی رِسولّیغا بِلِّدی.‏

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۲ پِطرُس 1:10

شُنونگ اوچین هِم، اِی عزیزلِر، خودای طارافیندان چاغیریلاندیغینگیزی و سایلاناندیغینگیزی بِلّی اِتمَگه ایخلاص اِدینگ.‏ شِیله اِتسِنگیز، آصلا ایماندا بودریمِرسینگیز.‏

۱ یوحنا 4:19

بیز خودایی سُییَریس، سِبَبی اَوَّل اُل بیزی سُیدی.‏

۲ یوحنا 1:13

خودای طارافیندان سایلانیپ-سِچیلِن آیال دُغانینگیزینگ فِرزِنتلِری هِم سیزه سالام یُلّایارلار.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏