کولُسیلِر 3:11 - مُقادِّس کیتاب

¹¹ بو یارادیلیشدا یَهودی بیلِن یونانی، سونِّت بُلان و سونِّت بُلمادیق، نادان بیلِن ظالیمینگ، قول بیلِن آزادینگ آراسیندا هیچ بیر فارق یُقدور، اِمّا مسیح هِمّه زاتدیر و هِمّه زاتدادیر.‏

کولُسیلِر 3:11 ပူးပေါင်းရင်းမြစ်များ

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 15:5

‏«‏مِن اوزوم باغیدیرین، سیز شاخالاریسینگیز.‏ کیم مِنده و مِن هِم اُندا یاشاسام، اُل بُل میوه بِرِر.‏ سیز مِندِن آیری هیچ زات اِدیپ بیلمِرسینگیز.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

رِسول‍لار 15:17

شِیدیپ، آمان قالانلار خودایی آغتارسین، مانگا باغلی هِمّه میلِّتلِر خودایی گُزلِسین.‏ مونی بو زاتلاری اِدیَن خودای آیدیاندیر،

رِسول‍لار 28:2

شُل یِرده یاشایان خالق بیزینگ بیلِن خاص میلاییملی بُلدی.‏ حَوّا یاغینلی و سُووق بُلانسُنگ، اُلار اُد یاقیپ، هِمَّه‌میزی قاوی قارشی آلدیلار.‏

رِسول‍لار 28:4

شُل یِرده یاشایان خالق اُنونگ اِلیندِن ییلانینگ سالّانیپ دورشونی گُرِنده، بیری-بیرینه:‏ ‏«‏بو آدام قاتل بُلسا گِرِک، اُل دِریادان نِجات تاپسا-دا، تاقدیری اُنی یاشاماغا قُیمادی»‏ دییّشدیلِر.‏

رومیلار 1:14

مِن مِدِنییِتلی یا-دا مِدِنییِتسیز، سُوادلی یا-دا سُوادسیز آداملارا قاراز، هِمّه‌لِره خوش خاباری واغیظ اِتمَگه بِرگیلیدیرین.‏

رومیلار 10:12

بو یَهودیلِره-ده، یَهودی دَل‍لِره-ده دِگیشلیدیر.‏ سِبَبی تانگری هِمّه‌لِرینگ تانگریسیدیر، اُل اُزونی چاغیریانلارینگ بارینا بِرِکِت بِریَندیر.‏

رومیلار 3:22

عیسی مسیحه ایمان گِتیرمِگینگ اوستو بیلِن هِمّه ایماندارلار خودایینگ حوضوریندا آقلانیاندیرلار.‏ شو باباتدا آداملارینگ آراسیندا هیچ تَفاوُتی یُقدور.‏

رومیلار 3:29

اُندا خودای دینگه یَهودیلِرینگ خوداییمی؟ اُل باشغا میلِّتلِرینگ هِم خودایی دَلمی نَمه؟ اِلبِتّه، اُل باشغا میلِّتلِرینگ هِم خودایی.‏

۱ قُرِنتُس‌لار 12:13

چونکی بیز کیم بُلساق-دا:‏ یَهودیمی، یَهودی دَلمی، قولمی، آزادمی – تَفاوُتی یُق، باریمیز بیر بِدِن بُلماق اوچین، بیر مُقادِّس روحا تَعمیدلِندیک.‏ بیزینگ باریمیز بیر مُقادِّس روحی قابول اِتدیک.‏

۱ قُرِنتُس‌لار 14:11

اِمّا مِن بیرینینگ آیدیانلارینا دوشونمِسِم، مِن اُنونگ اوچین بیگانه بُلیاندیرین و اُل هِم مِنینگ اوچین بیگانه بُلیاندیر.‏

۱ قُرِنتُس‌لار 7:19

سونِّتلیک-ده و سونِّتسیزلیک-ده هیچدیر.‏ اینگ مُهِم زات خودایینگ حُکوملِرینی بِرجای اِتمِکدیر.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

اِفِسُسلار 1:23

کِلیسا مسیحینگ بِدِنیدیر، یَعنی اُنونگ دُلولیغی هِر زادی هِر تایدان دُلدورییاندیر.‏

اِفِسُسلار 2:14

حاقیقاتدانام، مسیحینگ اُزی بیزینگ پاراحاتلیغیمیزدیر.‏ اُل اُز جانینی قربانی اِدیپ، بو ایکی خالقی، یَعنی یَهودی و یَهودی دَل‍لِری بیر اِتدی، اُلارینگ آراسینداقی دوشمانچیلیق دیوارینی ییقیپ دارغاتدی.‏

اِفِسُسلار 2:15

اُل شِریغاتینگ قانونلارینی و دِستورلارینی باطیل اِتدی-ده، ایکی خالقی بیرلِشدیریپ، تَزه بیر خالق یاراتدی و پاراحاتچیلیغی بِرقارار اِتدی.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

اِفِسُسلار 3:6

اینه، خودایینگ سیری شودور:‏ خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر.‏

اِفِسُسلار 6:8

چونکی ایسله قول بُلسون، ایسله آزاد، هِر کیمینگ اُز اِدِن یاخشیلیغینینگ عُوِضینی مسیحدِن آلجاقدیغینی سیز بیلیَنسینگیز.‏

کولُسیلِر 2:10

سیز هِم هِر بیر گویجونگ و ایختییارلیغینگ باشی بُلان مسیحده کِمالّیغا قاووشدینگیز.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

۲ یوحنا 1:9

تِرس یُلا دوشوپ، مسیح حاقدَکی تَعلیماتدان داشلاشان آدامدا خودای یُقدور.‏ اِمّا بو تَعلیماتا گُرَه یاشایان آدامدا هِم آتا-دا، هِم اُغول-دا باردیر.‏