10 ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.
اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.
بو دونیَهنینگ یُللارینا مِنگزِشجِک بُلمانگ. تِرسینه، فیکرلِرینگیزی تَزهلَپ، اویتگِدینگ. شِیتسِنگیز، خودایینگ ایسلِگینه دوشونمِگی، یَعنی نَمه زات قاوی، حالایانی و کَمیلدیگینی بیلمِگی باشارارسینگیز.
گیجه گِچیپ، گوندیز قُلایلادی. شُنگا گُرَه قارانگقیلیقینگ ایشلِرینی چیقاریپ، نورینگ یاراغلارینی داقینایلینگ.
اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.
هاووا، بیز تَعمید بِریلمِگینگ اوستو بیلِن مسیح بیلِن اُلوپ، جایلاندیق. شُنگا گُرَه-ده، آتانینگ بِییک قودراتینینگ اوستو بیلِن مسیحینگ اُلومدِن دیرِلیشی یالی، بیز هِم تَزه یاشایشا اِیه بُلوپ بیلِریس.
چونکی خودای اُلاری اُووندِن سایلاپ-سِچدی و «مِنینگ اُغلوما مِنگزِسینلِر» دییّپ، اُنگدِن بِلَّپ قُیدی. اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.
بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس. خودایینگ روحی هِمَّهمیزی گیتدیگیچه نورلاندیریپ، بیزی اُز صوراتینا اویتگِدیَر.
شُنگا گُرَه-ده، بیزینگ یورِگیمیز ساویمایار. بیزینگ داشقی گُرنوشیمیز کُهنهلسه-ده، ایچکی گُرنوشیمیز گونبه-گون تَزهلِنیَندیر.
چونکی «قارانگقیلیقدا نور پارلاسین» دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.
شُنگا گُرَه-ده، کیم عیسی مسیحده بُلسا، اُل تَزه یارادیلیشدیر. کُهنه زاتلار گِچیپ گیتدی، ایندی هِمّه زات تَزه بُلدی!
چونکی عیسی مسیحینگ آدی بیلِن تَعمید بِرلِن سیزینگ بارینگیز ایندی اُنگا شایلانانسینگیز.
چونکی نه سونِّتلیلیگینگ، نه-ده سونِّتسیزلیگینگ اَهمییِتی باردیر. یِکه تَزه یارادیلیش اَهمییِتلیدیر.
سِبَبی خودای بیزی عیسی مسیحینگ اوستو بیلِن یاراتدی. اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.
اُل شِریغاتینگ قانونلارینی و دِستورلارینی باطیل اِتدی-ده، ایکی خالقی بیرلِشدیریپ، تَزه بیر خالق یاراتدی و پاراحاتچیلیغی بِرقارار اِتدی.
شُنونگ اوچین هِم، اِی خودایینگ سایلان مُقادِّس هِم عزیز خالقی! رِحم-شِپاقات، مِهرِبانلیق، فُروتَنلیک، میلاییملیق و صابیر-طاقاتلیق بیلِن گِیینینگ.
بولارینگ هِمّهسینینگ اوستونه-ده هِمّه زادی کَمیل بیرلیگی باغلانیشدیریان سُیگَه گِیینینگ.
مِن بیزی بیرلِشدیریَن ایمانا گُرَه حِرِکِت اِتمِگینگی خودایدان دیلِیَرین. شُندا سِن عیسی مسیحه خیدمات اِتمِک اوچین اِدیلمِلی یاخشی ایشلِره کَمیل دوشونِرسینگ.
اِگِر خودایینگ حُکوملِرینی بِرجای اِدیَن بُلساق، اُندا بیز خودایی تانییاندیغیمیزی بیلیَریس.
اِمّا خودایینگ سُزونی بِرجای اِدیَن آدامدا اُنونگ سُیگوسی حاقیقاتدان هِم کَمیلدیر. اینه، بیز خودای بیلِن یاشایاندیغیمیزی شِیدیپ بیلیَریس.
تاختدا اُتوران: «اینه، هِمّه زادی تَزهلِیَرین» دییدی. سُنگرا مانگا: «بولاری یاز، سِبَبی بو سُزلِر دُغری و چیندیر» دییدی.