کولُسیلِر 2:7 - مُقادِّس کیتاب

⁷ شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

کولُسیلِر 2:7 ပူးပေါင်းရင်းမြစ်များ

لوقا 6:48

اُل اُی سالماق اوچین یِری چونگّور قازیپ، اُنونگ پایاسینی قایانینگ اوستونده توتان آداما مِنگزِیَر.‏ سیل گِلِنده، آرنا جُشوپ، بو اُیه اورولسا-دا، اُنی سارسدیریپ بیلمِز، سِبَبی اُل قاوی سالنیپدی.‏

رومیلار 16:25

مِنینگ واغیظ اِدیَن خوش خاباریما، یَعنی عیسی مسیح باراداقی تَعلیماتا اینانان سیزی ایماندا قاییملاماغی باشاریان خودایا بِییکلیک بُلسون!‏ بو خوش خابار اِنچِمه عاصیرلارینگ دُوامیندا گوزگین ساقلانیپ، ایندی آیان اِدیلِن بیر سیردیر.‏

۱ قُرِنتُس‌لار 1:8

تانگریمیز عیسی مسیحینگ گِلجِک گونونده عایپسیز بُلماغینگیز اوچین، اُنونگ اُزی سیزی آخیرا چِنلی قاییم ساقلار.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۲ قُرِنتُس‌لار 1:21

خودای بیزی سیز بیلِن بیرلیکده عیسی مسیحه باغلاپ، ایماندا قاییم دورماغیمیزا یاردیم بِریَر.‏ اُل بیزی سِچیپ سایلادی-دا،

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

اِفِسُسلار 4:21

سیز عیسانینگ سُزلِرینی اِشیدِنسینگیز و اُنونگ حاقیقاتینا اِساسلانیپ، تَعلیم آلانسینگیز.‏

اِفِسُسلار 5:20

هِمّه زات اوچین تانگریمیز عیسی مسیحینگ آدیندان آتا خودایا هِمیشه شوکور اِدینگ.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 3:17

نَمه اِتسِنگیز هِم، آیتسانگیز هِم، هِمّه‌سینی تانگریمیز عیسانینگ آدی بیلِن یِرینه یِتیرینگ، اُنونگ اوستو بیلِن آتا خودایا شوکور اِدینگ.‏

۱ تِسالونیکیلِر 5:18

هِر یاغدایا شوکور اِدینگ.‏ هاووا، عیسی مسیحه باغلی بُلان سیز باباتدا خودایینگ ایسلِگی شولاردیر.‏

عِبرانیلار 13:15

شُنونگ اوچین هِم عیسانینگ اوستو بیلِن خودایا قربانلیق حُکمونده هِمیشه اُوگی باغیش اِدیپ و اُنونگ آدینی شوکور اِدِیلینگ!‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

یهودا 1:12

بو آداملار سیزینگ اوچین قُرقونچدیر، اُلار اُز قارینلارینی دُیورماق اوچین سیزینگ بیلِن ضیافات اویشمِلِکلِرده اییّپ-ایچیَرلِر.‏ یِل بیلِن کُولان یاغمییانسیز بولوتلار کیمین، گویزده میوه بِرمِیَن باغلار کیمیندیرلِر.‏ اُلار ایکی گِزِک اُلِن و کُکوندِن قُفاریلیپ زینگالاندیرلار.‏

یهودا 1:20

اِمّا، اِی عزیزلِر، سیز اُزونگیزی اولی مُقادِّس ایمانینگیزینگ اوستونه قُروپ و مُقادِّس روحدان دُغا اِدینگ.‏

یهودا 1:24

ایماندا بودریمِز یالی، خودای سیزی قُریماغی و شاتلیقدان دُلدوریپ، اُز اولی و بِییک حوضورینا سیزی عایپسیز گِتیرمِگی باشاریاندیر.‏