کولُسیلِر 2:19 - مُقادِّس کیتاب

¹⁹ شِیدیپ، اُل آدام بِدِنینگ باشی بُلان مسیح بیلِن باغلانیشیغینی ییتیرِندیر.‏ بو بِدِن هِر بیر بُغونونگ و بِندینگ کُمِگی بیلِن بیریگیپ، باشدان اییمیتلِنیَر و خودایینگ بِرِن اُسوشی بیلِن اُسیَندیر.‏

کولُسیلِر 2:19 ပူးပေါင်းရင်းမြစ်များ

لوقا 5:38

تَزه شِراب تَزه مِشیکلِره قویولمالیدیر.‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

رِسول‍لار 4:32

ایماندارلار بیر یورِک و بیر جاندیلار.‏ اُلارینگ هیچ بیری اُز مال-مولکینه-ده مِنینگکی دییمِیَردی، هِمّه زاتلاری اُرتاقدی.‏

رومیلار 11:17

هاووا، باغینگ کَبیر شاخالاری کِسیلیپ، وَحشی زِیتونینگ شاخاسی بُلان سیز اُنگا سِپلِندینگیز.‏ سیز ساقلانیپ یِتیشدیرِلِن زِیتونینگ کُکونینگ شیرِسینه شِریک بُلدونگیز.‏

۱ قُرِنتُس‌لار 1:10

اِی عزیزلِر، مِن سیزه تانگریمیز عیسی مسیحینگ آدیندان یالباریارین:‏ بیری-بیرینگیز بیلِن راضیلاشیقلی بُلونگ.‏ آرانگیزدا بُلونیشیکلِره یُل بِرمَنگ، فیکرلِرینگیز و ایسلِگلِرینگیز بیر بُلسون.‏

۱ قُرِنتُس‌لار 11:3

اِمّا شونگا هِم دوشونمِگینگیزی ایسلِیَرین:‏ هِر اِرکِگینگ باشی مسیحدیر، آیالینگ باشی اِرکِکدیر و مسیحینگ باشی بُلسا خودایدیر.‏

۱ قُرِنتُس‌لار 3:6

مِن تُخوم اِکدیم، آپولُس سوواردی.‏ اِمّا اُسدورِن خودایدیر.‏

اِفِسُسلار 1:22

خودای هِمّه زادی اُنونگ آیاقلارینینگ آشاغینا قُیوپ، کِلیسا اوچین اُنی هِمّه زادا باش اِدیپ بِردی.‏

اِفِسُسلار 1:23

کِلیسا مسیحینگ بِدِنیدیر، یَعنی اُنونگ دُلولیغی هِر زادی هِر تایدان دُلدورییاندیر.‏

اِفِسُسلار 2:21

هِمّه عمارات عیسی مسیح بیلِن بیرلِشیَر و اُسوپ، خودایدا بیر مُقادِّس عیباداتخانا بُلوپ اُرولیَرلِر.‏

اِفِسُسلار 4:3

اُزآرا پاراحاتلیقدا یاشاپ، مُقادِّس روحونگ بیرلیگینی قُریماغا تاقالّا اِدینگ.‏

اِفِسُسلار 5:29

اِلبِتّه، هیچ کیم هیچ هاچان اُز بِدِنیندِن ییگرِنیَن دَلدیر.‏ قایتام، اِدیل مسیحینگ کِلیسا دیقّات اِدیشی یالی، اُنی اییمیتلِندیریپ، قایغیسینی اِدیَندیر.‏

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

کولُسیلِر 1:18

بِدِنینگ، یَعنی کِلیسانینگ باشی اُلدور.‏ هِمّه زاتدا یُقارقی جای آلسین دییّپ، باشلانان دُوری-ده، اَوَّلکی بُلوپ اُلومدِن دیرِلِن-ده اُلدور.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

۱ تِسالونیکیلِر 3:12

بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.‏

۱ تِسالونیکیلِر 4:10

حاقیقاتدان-دا، سیز هِمّه مَقدونیه‌دَکی بار دُغانلارینگیزی سُییَرسینگیز.‏ اِمّا شُندا-دا، اِی عزیزلِر، بو سُیگینگیزی موندان بِیلَک خاص-دا آرتدیرینگ دییّپ یالباریاریس.‏

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

۱ پِطرُس 3:8

شِیلِلیکده، هِمَّه‌نگیز یورِگینگیز بیر و دِردینگیز بیر بُلوپ، بیری-بیرینگیزی سُیونگ.‏ رِحم-شِپاقاتلی و فُروتَن بُلونگ.‏

۲ پِطرُس 3:18

تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ.‏ حَضیردِن تا اِبِدییَه چِنلی اُنگا بِییکلیک بُلسون!‏ اَمین.‏