کولُسیلِر 2:16 - مُقادِّس کیتاب

¹⁶ شُنونگ اوچین قُیمانگ هیچ کیم سیزی اییمیت و ایچگی یا دینی بایرام، تَزه آی یا-دا سَبَّت گونی حاقدا مَحکوم اِتسین.‏

کولُسیلِر 2:16 ပူးပေါင်းရင်းမြစ်များ

مَتّیٰ 15:11

آغزا گیرِن زات آدامی نِجیس اِدیَن دَلدیر، آدامی آغیزدان چیقیان زات نِجیس اِدیَندیر»‏ دییدی.‏

مَرقُس 7:19

بولار آدامینگ یورِگینه دَل-ده، قارنینا گیریَر، اُل یِردِن-ده داشاری چیقیار»‏ دییّپ جُغاپ بِردی.‏ شِیله دییمِک بیلِن، عیسی هِمّه اییمیتلِرینگ پَکدیگینی اِعلان اِتدی.‏

رِسول‍لار 15:20

قایتام، اُلارا نامه یازیپ، شِیله آیدایلینگ:‏ ‏”‏بُتلارا هُدورلِنِن قربانلیق اِتینی اییمِکدِن، زینادان، داماغی چالینمادیق حایوانینگ اِتیندِن و قانیندان داش دورونگ“‏.‏

رومیلار 14:10

اُندا نَمه اوچین کَبیرینگیز اُز اِرکِک یا-دا آیال دُغانینگیزی عاییپلایارسینگیز؟ نَمه اوچین کَبیرینگیز اُز اِرکِک یا-دا آیال دُغانینگیزی کیچِلتیَرسینگیز؟ بیزینگ باریمیز خودایینگ قاضیلیق اِتجِک جایینینگ اُوونده دورمالی دَلمی نَمه؟

غَلاطیه‌لِر 4:10

سیز دینی بایراملارا، یَعنی گونلِره، آیلارا، فَصل‍لارا و ییل‍لارا دیقّات بِریَرسینگیز آخیرین!‏

کولُسیلِر 2:20

سیز مسیح بیلِن اُلوپ، بو فانی دونیَه‌نینگ قالان دِستورلاریندان آزاد بُلدونگیز.‏ اُندا نَمه اوچین هِنیزِم بو دونیَه باغلی یالی، ‏«‏مونی داتما»‏، ‏«‏مونی اییمه»‏، ‏«‏مونگا اِل دِگیرمه»‏ دییِن اینسان عاداتلارینینگ ایزینا دوشیَرسینگیز؟

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

عِبرانیلار 9:10

مونگا دینگه بِدِن بیلِن باغلی بُلان اییّپ-ایچمِک و هِر هیلی پَکلِنیش واجیپلاری گیریَر.‏ بولارینگ هِمّه‌سی تَزه تِرتیب یِرلِشدیریلیَنچه یِرینه یِتیریلیَردی.‏

یعقوب 4:11

اِی عزیزلِر، بیری-بیرینگیزی یامانلامانگ.‏ کیم ایمانلی اِرکِک یا-دا آیال دُغانینی یامانلایان یا-دا اُنی مَحکوم اِدیَن بُلسا، اُل خودایینگ شِریغاتینی یامانلاپ، شِریغاتی مَحکوم اِدیَندیر.‏ شِریغاتی مَحکوم اِدیَن آدام اُنی بِرجای اِدیَنجی دَل-ده، اُنگا حُکوم اِدیَنجیدیر.‏