کولُسیلِر 2:15 - مُقادِّس کیتاب

¹⁵ حُکومدارلارینگ و ایختییارلیلارینگ اِلیندِن یاراغینی آلدی و اُلاری صلیبینگ اوستو بیلِن یِنگیپ، هِمّه‌لِرینگ یانیندا بی‌آبرای اِتدی.‏

کولُسیلِر 2:15 ပူးပေါင်းရင်းမြစ်များ

مَتّیٰ 12:29

کیم گویچلی آدامینگ اُیونه گیریپ، مالینی تالاپ بیلِر؟ اَوَّل اُنی دانگمالی بُلار، اُنسُنگ اُیونی تالار.‏

لوقا 10:18

عیسی اُلارا:‏ ‏«‏مِن شِیطانینگ آسماندان ییلدیریم یالی بُلوپ آشاق اینِنینی گُردوم.‏

لوقا 11:22

اِمّا اُزوندِن گویچلی آدام هوجوم اِدیپ، اُنی یِنگسه، اُندا اُنونگ قووانیان هِمّه یاراغلارینی اِلیندِن آلیپ و قازانچینی پایلار.‏

یوحنا 16:11

حُکوم باباتدا آیتسام، بو دونیَه‌نینگ رِییسی مَحکوم اِدیلِندیر.‏

یوحنا 19:30

عیسی شِرابدان دادیندان سُنگ:‏ ‏«‏هِمّه‌سی بِرجای بُلدی!‏»‏ دییدی و باشینی آشاق توتوپ جان بِردی.‏

۱ قُرِنتُس‌لار 15:24

عیسی مسیح هِمّه ایختییارلیقلاری، قودراتلاری و گویچلِری یُق اِدیپ، پادیشاهلیغی آتا خودایا تابشیراندا دونیَه‌نینگ آخیری بُلار.‏

۲ قُرِنتُس‌لار 2:14

یُنه خودایا شوکور!‏ اُل مسیحینگ اوستونلیک یُلوندان بیزی اِلمیداما یُریدیَر.‏ خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

اِفِسُسلار 3:10

اُزونینگ هِر هیلی حِکمِتلیگی کِلیسانینگ اوستو بیلِن آسمانداقی حُکومدارلارا و ایختییاردارلارا بیلدیریلسین دییّپ، خودای شِیله اِتدی.‏

اِفِسُسلار 4:8

مونونگ اوچین مُقادِّس یازغیلاردا شِیله دییّلیَر:‏ ‏«‏اُل عارشا چیقاندا، اِسیرلِری اُزی بیلِن اِسیرلیگَه اَکیتدی، اینسانلارا ناغماتلار هُدورلِدی.‏»‏

اِفِسُسلار 6:12

سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس.‏

کولُسیلِر 1:16

چونکی هِمّه زاتلار اُنونگ اوستو بیلِن یارادیلاندیر.‏ آسمانداقی و یِردَکی، گُرونیَن هِم گُرونمِیَن زاتلاری:‏ تاختلاری، حاکیمیِتلِری، حُکومدارلاری، گویچ و قوواتلاری – بارینی اُل یاراتدی.‏ هِمّه زات اُنونگ اوستو بیلِن و اُنونگ اوچین یارادیلدی.‏

کولُسیلِر 2:10

سیز هِم هِر بیر گویجونگ و ایختییارلیغینگ باشی بُلان مسیحده کِمالّیغا قاووشدینگیز.‏

عِبرانیلار 2:14

بو فِرزِنتلِر تِن و هِم قانداندیقلاری اوچین، عیسی هِم اُلار یالی اینسان بُلدی.‏ اُلومه دوچار اِدیَن شِیطانی اُل اُز اُلومینینگ اوستو بیلِن یُق اِتدی،

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 20:10

اُلاری آلدان شِیطان بُلسا یانیپ دوران کوکورت و اُدلی دِریاچا زینگیلدی، و جاناوار بیلِن یالان نِبی هِم شُل یِردِدیر.‏ اُلار گیجه-گوندیز اِبِدیلیک عاذاپ چِکِرلِر.‏