کولُسیلِر 2:11 - مُقادِّس کیتاب

¹¹ سیز اُنونگ و بیرلِشمِگینگ اوستو بیلِن سونِّت هِم اِدیلدینگیز.‏ بو بِدِن سونِّتی دَل-ده، مسیحینگ اوستو بیلِن اِدیلِن سونِّت بُلوپ، اُوالقی طِبیغاتینگیزینگ چیقاریپ اُقلانماغیدیر.‏

کولُسیلِر 2:11 ပူးပေါင်းရင်းမြစ်များ

مَرقُس 14:58

‏«‏بیز اُنونگ:‏ ‏”‏مِن اینسان اِلی بیلِن سالنان شو عیباداتخانانی ییقیپ، اوچ گونونگ ایچینده اِل بیلِن سالینمادیق باشغا بیر عیباداتخانا سالارین“‏ دییِنینی اِشیتدیک»‏ دییدیلِر.‏

لوقا 2:21

سِکیزینجی گون اُغلانی سونِّتلِمِلی بُلاندا، اُنونگ آدینا عیسی داقدیلار.‏ بو اُنونگ اِنه‌سینینگ گُوره‌سینده قالمازدان اُوال، پِریشدَه‌نینگ اُنگا بِرِن آدیدی.‏

رِسول‍لار 17:24

‏«‏عالِم-جاهانی و اُنداقی تامام زاتلاری یارادان خودای یِرینگ-آسمانینگ حُکومداری بُلوپ، اینسان اِلی بیلِن یاسالان عیباداتخانالاردا یاشامایار.‏

رِسول‍لار 7:48

اِمّا بِییک خودای اینسان اِلی بیلِن سالینان جایلاردا یاشامایار.‏ پیغامبارینگ آیدیشی یالی،

رومیلار 2:29

یُق، یورِکدِن یَهودی بُلان آدام حاقیقی یَهودیدیر.‏ شِریغاتا گُرَه دَل-ده، مُقادِّس روحا گُرَه یورِکدِن بُلان سونِّت حاقیقی سونِّتدیر.‏ حاقیقی یَهودینینگ اُوگوسی آداملاردان دَل-ده، خودایداندیر.‏

رومیلار 6:6

موندان بِیلَک گونَه‌نینگ قولی بُلماز یالی، بیز کُهنه طِبیغاتیمیزینگ عیسی مسیح بیلِن صلیبه چویلِنِندیگینی بیلیَریس و ایندی گونَه‌نینگ قولّوغیندان بُشاندیق.‏

رومیلار 7:24

واخ، مِن باختیقارانی دییسِنه!‏ اُلومه اِلتیَن بو بِدِنیمدِن مِنی کیم آزاد اِدِر؟

۲ قُرِنتُس‌لار 5:1

بیزینگ ایندی یاشایان فانی چادیریمیز، یَعنی بِدِنیمیز هِر هاچان وِیران بُلسا-دا، آسماندا اِل بیلِن بِجِریلمِدیک، خودایینگ بِلَّن اِبِدی مِسکِنیمیزینگ باردیغینی بیلیَریس.‏

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 5:24

عیسی مسیحه باغلی بُلانلار اُز اینسان هُوِسلِرینی و ایسلِگلِرینی صلیبه چویلَندیرلِر.‏

اِفِسُسلار 4:22

اُوال اُورِدیلیشی یالی، اُوالقی یاشاییشینگیزی، یالانچی هُوِسلِر بیلِن یُلدان چیقاران کُهنه اینسانییِتینگیزی چیقاریپ اُقلانگ.‏

فیلیپیلِر 3:3

بیز مُقادِّس روح بیلِن خودایا عیبادات اِدیپ، عیسی مسیحه قووانیاریس و اُز اینسانلیغیمیزا دایانمایاریس.‏ شُنگا گُرَه-ده حاقیقی سونِّتلیلِر بیزدیریس!‏

کولُسیلِر 3:5

شُنونگ اوچین هِم دونیِوی طِبیغاتینگیزا دِگیشلی بُلان آزماغی، زیناکَرلیگی، پَکسیزلیگی، حارام کِیپی، تِلِکه هُوِسلِری و بُت‌پَرَستلیک بیلِن دِنگ حاساپلانیان حِریصچیلیگی اُلدورینگ.‏

عِبرانیلار 9:11

مسیح ایندی یِرینه یِتیرِن هِمّه یاخشی زاتلارینگ باش کاهینی بُلوپ گِلدی.‏ اُل اینسان اِلی بیلِن بِجِرِلمِدیک، بو دونیَه‌نینگ یارادیلیشیندان بُلمادیق خاص اولی و کَمیل چادیرا گیردی.‏

عِبرانیلار 9:24

چونکی مسیح اینسان اِلی بیلِن بِجِرلِن و یُنه بیر گُرنوشی بُلان اینگ مُقادِّس اُتاقا گیرمِدی.‏ اُل بیزینگ اوچین شو واقت خودایینگ حوضوریندا حَضیر بُلوپ، آسمانداقی مُقادِّس اُتاقا گیردی.‏