کولُسیلِر 1:7 - مُقادِّس کیتاب

⁷ سیز بو خوش خاباری سُیگولی هِمکَریمیز اِپافراسدان اُورِندینگیز.‏ اُل سیزینگ اوغرونگیزدا مسیحینگ وِفالی خیدماتکَریدیر.‏

کولُسیلِر 1:7 ပူးပေါင်းရင်းမြစ်များ

مَتّیٰ 18:29

هِمکَری اُنونگ آیاغینا ییقیلیپ:‏ ‏”‏صابیر اِت، بِرگیمی بِرِرین“‏ دییّپ، اُنگا یالباریار.‏

مَتّیٰ 24:45

‏«‏آقاسینینگ صادیق هِم عاقیلّی خیدماتکَری کیم؟ بِیلِکی خیدماتکَرلِرینه واقتلی-واقتیندا ناهار بِرمِک اوچین، اُلارینگ اوستوندِن قُیان آدامی دَلمی؟

مَتّیٰ 25:21

آقاسی اُنگا:‏ ‏”‏بِرِکِلّا، یاخشی هِم صادیق خیدماتکَر!‏ سِن کیچیجیک ایشده صادیق بُلانینگ اوچین، ایندی بِییک ایشلِرده هِم سانگا اینانارین.‏ گِل، آقانگ شاتلیغینا اُرتاق بُل!‏“‏ دییَّر.‏

۱ قُرِنتُس‌لار 4:17

اینه، تیموتاوسی شو ماقصات بیلِن یانینگیزا ایبِردیم.‏ اُل مِنینگ سُیگولی اُغلوم و مسیحده اِمیندیر.‏ اُل مِنینگ عیسی مسیحینگ یُل‍لارینینگ ایزینا دوشیَندیگیمی سیزه یادلار.‏ مِن هِمّه یِرده و هِر کِلیسادا بو یُل‍لارینگ ایزینا دوشمِگی تَعلیم بِریَندیرین.‏

۱ قُرِنتُس‌لار 4:2

شِیله خیدماتچیلاردان بُلسا اِمین بُلماقلیغی طالاب اِدیلیَندیر.‏

۱ قُرِنتُس‌لار 7:25

اُیلِنمِدیک یاشلار باباتدا مسیحدِن آلان حُکموم یُق.‏ یُنه خودایینگ مِرحِمِتینینگ اوستو بیلِن وِفادار کیشی حُکمونده ماصلاحات بِریَرین.‏

۲ قُرِنتُس‌لار 11:23

مسیحینگ خیدماتکَرلِریمی؟ دیوانالار یالی شونی دییَّرین:‏ مِن اُلاردان-دا کَنرَکدیرین!‏ مِن اُلاردان خاص کَن زَحمِت چِکدیم، زیندانلارا-دا اُلاردان نَچه گِزِک-ده کَن دوشدوم.‏ یِنجیلمِکده-ده اُلاردان کَن اورلوپ-یِنجیلدیم.‏ اُلار بیلِن دِنگِشدیریلِنده اُلوم خاطاری بیلِن نَچه گِزِک یوزبه-یوز بُلدوم.‏

اِفِسُسلار 5:21

عیسی مسیحه حُرمات قُیماق بیلِن بیری-بیرینگیزه موطیع بُلونگ.‏

فیلیپیلِر 2:25

سیز مَحتَجلیگیمده مِن بارادا قایغی اِتمِک اوچین رِسولینگیز اِپافرودیتوسی یانیما ایبِریپدینگیز.‏ اِمّا مِن اُنی، یَعنی اُز هِمکَریمی، سِوِشدِشیمی و دُغانیمی ایزینا، سیزینگ یانینگیزا ایبِرمِگی ضِرورلی بیلدیم.‏

کولُسیلِر 4:12

اُز شَهرینگیزدِن بُلان، عیسی مسیحینگ خیدماتچیسی، اِپافراس هِم سیزه سالام یُلّایار.‏ خودایینگ هِر بیر ایسلِگینی دُلی بیلمِگینگیز و ایماندا قاییم دوروپ، کَمیل بُلماغینگیز اوچین، اِپافراس ایخلاص بیلِن هِمیشه دُغا اِدیَر.‏

کولُسیلِر 4:7

مسیحینگ صادیق خیدماتکَری بُلان سُیگولی هِمکَریمیز هِم دُغانیمیز تیخیکوس مِن حاقدا سیزه هِمّه زادی خابار بِرِر.‏

کولُسیلِر 4:9

اُنونگ بیلِن بیله یانینگیزا اُز شَهرینگیزدِن بُلان، صادیق و عزیز دُغانیمیز اونِسیموس-دا بارار.‏ اُلار سیزه بو یِرده بُلوپ گِچیَن هِمّه واقالاری گورّونگ بِرِرلِر.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

۲ تیموتاوس 2:2

کَن شاهاتلارینگ یانیندا مِندِن اِشیدِن سُزلِرینگی بِیلِکیلِره-ده تَعلیم بِریپ بیلجِک وِفادارلی آداملارا تابشیر.‏

فیلیمون 1:23

عیسی مسیحینگ اوغروندا مِنینگ بیلِن زینداندا بیله بُلیان اِپافراس، هِمکَرلِریم مَرقُس، آریستارخوس، دیماس و لوقا سانگا سالام آیدیارلار.‏

عِبرانیلار 2:17

شُنونگ اوچین اُل هِر طارافدان بیزلِره مِنگزِمِلی بُلدی.‏ شِیدیپ، اُل خالقینگ گونَه‌لِرینی پَکلِیَندیر و خودایینگ خیدماتیندا رِحمدار هِم اِمین باش کاهیندیر.‏

عِبرانیلار 3:2

موسانینگ خودایینگ اُیونده اِمین خیدماتکَر بُلشی یالی، عیسی هِم اُزونی کاهینلیغا بِلَّن خودایا وِفادار بُلدی.‏