کولُسیلِر 1:27 - مُقادِّس کیتاب

²⁷ خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 1:27 ပူးပေါင်းရင်းမြစ်များ

مَتّیٰ 13:11

اُل شِیله جُغاپ بِردی:‏ ‏«‏آسمانینگ پادیشاهلیغینینگ سیرلارینا دوشونمِگه سیزه بِریلدی، جِماغاتا بِریلمِدی.‏

لوقا 17:21

آداملار:‏ ‏”‏اینه، بو یِرده!‏“‏ یا-دا ‏”‏حُنّا، اُل یِرده!‏“‏ دییمِزلِر، سِبَبی خودایینگ پادیشاهلیغی سیزینگ ایچینگیزدِدیر»‏ دییّپ جُغاپ بِردی.‏

یوحنا 14:20

شُل گون مِن آتامدادیغیما، سیز مِندِدیگینگیزه و مِن هِم سیزدِدیگیمه گُز یِتیرِرسینگیز.‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 17:26

مانگا بُلان سُیگینگ اُلاردا-دا بُلسون، مِن هِم اُلاردا بُلایین دییّپ، سِنینگ آدینگی اُلارا تانیتدیم و تانیتماغی دُوام اِدِرین.‏»‏

یوحنا 6:56

مِنینگ بِدِنیمی اییّپ، قانیمی ایچیَن مِنده یاشار، مِن هِم اُندا.‏

رومیلار 11:33

خودایینگ بایلیغی، حِکمِتی و بیلیمی ناقادار چونگّوردیر!‏ اُنونگ ماقصاتلارینی کیم دوشونیپ بیلِر؟ اُنونگ یُل‍لارینا کیم عاقیل یِتیریپ بیلِر؟

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

رومیلار 5:2

عیسی مسیح بیزه خودایینگ مِرحِمِتینینگ قاپیسینی آچیپ بِردی.‏ بیز ایمانینگ اوستو بیلِن بو مِرحِمِته بیریکیشیپ، قاییم دوروس و خودایینگ بِییکلیگینَه شِریک بُلجاقدیغیمیزا اومید باغلاپ بِگِنیَریس.‏

رومیلار 8:10

اِگِر عیسی مسیح قالبینگیزدا مِسکِن توتان بُلسا، اُندا گونَه سِبَپلی اُلمِلی بُلسانگیز-دا، روح سیزه یاشاییش بِرِر، سِبَبی سیز خودایینگ حوضوریندا آقلانانسینگیز.‏

رومیلار 9:23

خودای اُزونینگ اُنگدِن بِییکلیک اوچین تاییارلاپ، مِرحِمِت اِدِنلِرینه اُز اولی بِییکلیگینی بیلدیرمِک اوچین شِیله صابیر-طاقاتلی بُلیاندیر.‏

۱ قُرِنتُس‌لار 3:16

اُندا سیز اُزونگیزینگ خودایینگ عیباداتخاناسیدیغینگیزی و آرانگیزدا خودایینگ روحونینگ یاشایاندیغینی بیلمِیَرسینگیزمی نَمه؟

۲ قُرِنتُس‌لار 2:14

یُنه خودایا شوکور!‏ اُل مسیحینگ اوستونلیک یُلوندان بیزی اِلمیداما یُریدیَر.‏ خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.‏

۲ قُرِنتُس‌لار 4:17

چونکی واقتلایین و یِنگیل قینچیلیقلاریمیز بیزه خاص عجاییپ، اولی و اِبِدی بِییکلیک قازاندیرار.‏ شُندا بو قینچیلیقلار اِدیل بُلمادیق یالی بُلار.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 4:19

اِی عزیز بالالاریم!‏ سیز تا عیسی مسیحینگ شِکلینه اِیه بُلیانچانگیز، مِن یِنه-ده سیزینگ اوچین دُغورما دِردلِرینی چِکیَن یالی بُلیارین.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

اِفِسُسلار 2:22

سیز هِم خودایینگ مُقادِّس روحونینگ اوستو بیلِن مِسکِنی بُلماق اوچین، هِمَّه‌نگیز بیرلیکده مسیحده بینا اِدیلیَرسینگیز.‏

فیلیپیلِر 4:19

بِییک خوداییم اُز بایلیغی بیلِن سیزینگ، یَعنی عیسی مسیحه باغلی بُلانلارینگ اوچین هِمّه مَحتَجلیکلِرینینگ عُوِضینی دُلدولار.‏

کولُسیلِر 1:5

بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار.‏ سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز.‏

کولُسیلِر 2:3

چونکی حِکمِتینگ هِم عیلیمینگ هِمّه خازیناسی مسیحده گوزگِنِندیر.‏

کولُسیلِر 3:11

بو یارادیلیشدا یَهودی بیلِن یونانی، سونِّت بُلان و سونِّت بُلمادیق، نادان بیلِن ظالیمینگ، قول بیلِن آزادینگ آراسیندا هیچ بیر فارق یُقدور، اِمّا مسیح هِمّه زاتدیر و هِمّه زاتدادیر.‏

۱ تیموتاوس 1:1

نِجات بِریَنچیمیز خودای و اومیدیمیز بُلان عیسی مسیحینگ حُکومینه گُرَه اُنونگ رِسولی مِن پولسدِن

عِبرانیلار 6:19

بو اومید لِنگِر یالی جانیمیزی قاییم هِم خاطارسیز ساقلایاندیر، اُل آسمانداقی چادیرینگ توتولان پِرده‌نینگ آنگیرسینا گِچیَندیر.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

آیانلیق 3:20

اینه، مِن قاپیدا دورین، قاپینی قاقیارین.‏ سِسیمی اِشیدیپ، قاپینی آچانینگ اُیونه گیرِرین.‏ مِن اُنونگ بیلِن، اُل هِم مِنینگ بیلِن بیر سُفره‌دا اُتورار.‏