کولُسیلِر 1:23 - مُقادِّس کیتاب

²³ اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 1:23 ပူးပေါင်းရင်းမြစ်များ

مَرقُس 16:15

عیسی شَگیرتلِرینه شِیله دییدی:‏ ‏«‏هِمّه دونیَه آیلانینگ-دا، خوش خاباری هِمّه آداملارا واغیظ اِدینگ.‏

لوقا 22:32

اِمّا مِن ایمانینگ کِمِلمِسین دییّپ، سِنینگ اوچین دُغا اِتدیم.‏ سِن هِم بیر واقت اُورولیپ گِلِنینگده، دُغانلارینگا قوواتی بِر.‏»‏

لوقا 6:48

اُل اُی سالماق اوچین یِری چونگّور قازیپ، اُنونگ پایاسینی قایانینگ اوستونده توتان آداما مِنگزِیَر.‏ سیل گِلِنده، آرنا جُشوپ، بو اُیه اورولسا-دا، اُنی سارسدیریپ بیلمِز، سِبَبی اُل قاوی سالنیپدی.‏

یوحنا 15:6

کیم مِنده یاشاماسا، کِسیلِن شاخا کیمین زینگیلیپ، قورار.‏ قوران شاخالاری بُلسا ییغناپ، اُدا یاقارلار.‏

رِسول‍لار 1:17

یهودا بیزینگ بیریمیز حاساپلانیاردی، اُل هِم بو خیدماتدان اُز پایینی آلیپدی.‏»‏

رِسول‍لار 1:25

سِبَبی یهودا اِتمِلی خیدماتینی قُیوپ، اُزونه لاییق یِره گیتدی»‏ دییدیلِر.‏

رِسول‍لار 1:8

اِمّا سیزینگ اوستونگیزه مُقادِّس روح اینِنده، گویچ-قودراتدان دُلارسینگیز.‏ اورشلیمده، تامام یهودیه‌ده و سامِره‌ده، یِر یوزونینگ دُرت بورجیندا سیز مِنینگ شاهاتلاریم بُلارسینگیز»‏ دییّپ جُغاپ بِردی.‏

رِسول‍لار 11:23

بارنابا گِلِنده، خودایینگ مِرحِمِتینینگ دِلیلینی گُروپ شاد بُلدی.‏ اُل خودایا تویس یورِکدِن وِفادار بُلماغی هِمّه‌لِره ناصیحات اِتدی.‏

رِسول‍لار 14:22

اُلار شَگیرتلِری قوواتلاندیردیلار و اُلارا ایماندا قاییم دورماغی ناصیحاتلاپ:‏ ‏«‏خودایینگ پادیشاهلیغینا گیرمِگیمیز اوچین، بیزینگ کَن قینچیلیقلاری باشدان گِچیرمِگیمیز گِرِک»‏ دییَّردیلِر.‏

رِسول‍لار 2:5

شُل واقتدا اورشلیمده دونیَه‌نینگ هِمّه یورتلاریندان گِلِن دیندار یَهودیلِر یاشایاردیلار.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

رِسول‍لار 26:16

هانی، تور، آیاق اوستونه قال.‏ مِن سِنی خیدماتکَریم هِم شاهادیم اِدیپ سایلاماق اوچین سانگا گُروندیم.‏ سِن اُز گُرِن و مِنینگ گُرکِزجِک زاتلاریما شاهاتلیق اِدِرسینگ.‏

رِسول‍لار 4:12

اُندان باشغا نِجات بِرجِک یُقدور.‏ اُنونگ آدی هِمّه عالِمده آدامزادی نِجات بِریپ بیلیَن یِکه آددیر.‏»‏

رومیلار 10:18

یُنه مِن شونی سُراماقچی:‏ اُندا اُلار خوش خاباری اِشیتمِدیمی نَمه؟ اِلبِتّه اِشیتدی، سِبَبی مُقادِّس یازغیلاردا شِیله یازیلان:‏ ‏«‏هِمّه یِر یوزونه یایراندیر اُلارینگ سِسی، دونیَه‌نینگ دُرت بورجونا یِتیندیر، اُلارینگ سُزلِری.‏»‏

رومیلار 15:16

مِنی عیسی مسیحینگ خیدماتکَری حُکمونده یَهودی دَل‍لِرینگ آراسینا ایبِردی.‏ مِن اُلارا خوش خاباری واغیظ اِدیپ، اُز کاهینلیق بِرگیمی بِرجای اِدیَرین.‏ شِیدیپ، بو میلِّتلِر مُقادِّس روحونگ اوستو بیلِن خودایینگ مُقادِّس اِدیلِن و اُنونگ حالایان صاداقاسی بُلار.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

رومیلار 5:5

شِیله اومید بیزی اوتاندیرماز، سِبَبی بِرلِن مُقادِّس روحونگ اوستو بیلِن یورِگیمیز خودایینگ سُیگوسیندِن دُلوپ-آقیار.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۱ قُرِنتُس‌لار 3:5

آپولُس کیم؟ پولس کیم؟ بولار سیزینگ عیسی مسیحه ایمان گِتیرمِگینگیزه یاردیم بِرِن خیدماتچیلار آخیرین.‏ خودایینگ بِلّی اِدیشی یالی، بیزینگ هِر بیریمیز اُز ایشیمیزی یِرینه یِتیردیک.‏

۲ قُرِنتُس‌لار 10:1

مِن، پولس، هاووا، آرانگیزداقام یومشاق، اِمّا سیزدِن اوزاقداقام باتیر حاساپلانیان شُل پولسینگیز، عیسی مسیحینگ میلاییملیغی و مِهرِبانلیغی بیلِن خاییش اِدیپ،

۲ قُرِنتُس‌لار 11:23

مسیحینگ خیدماتکَرلِریمی؟ دیوانالار یالی شونی دییَّرین:‏ مِن اُلاردان-دا کَنرَکدیرین!‏ مِن اُلاردان خاص کَن زَحمِت چِکدیم، زیندانلارا-دا اُلاردان نَچه گِزِک-ده کَن دوشدوم.‏ یِنجیلمِکده-ده اُلاردان کَن اورلوپ-یِنجیلدیم.‏ اُلار بیلِن دِنگِشدیریلِنده اُلوم خاطاری بیلِن نَچه گِزِک یوزبه-یوز بُلدوم.‏

۲ قُرِنتُس‌لار 3:6

اُل بیزه تَزه عَهدینگ خیدماتچیلاری بُلماق باشارجاغینی بِردی.‏ بو عَهد یازیلان شِریغاتینگ اوستو بیلِن دَل-ده، مُقادِّس روحونگ اوستو بیلِن قاییملاناندیر.‏ چونکی یازیلان شِریغات اُلومه اِلتیَر، اِمّا مُقادِّس روح بُلسا یاشاییش بِریَر.‏

۲ قُرِنتُس‌لار 4:1

خودای مِرحِمِت اِدیپ، بیزه بو خیدماتی بِردی و شُنونگ اوچین-ده، یورِگیمیز ساویمایار.‏

۲ قُرِنتُس‌لار 6:1

بیز خودایینگ هِمکَرلِری حُکمونده سیزه یالباریاریس:‏ اُندان آلان مِرحِمِتینگیزی بی‌قادیر توتمانگ.‏

غَلاطیه‌لِر 4:11

مِن سیز باباتدا اولی قایغی-دا قالیارین.‏ اُندا مِنینگ زَحمِتیم بیدِرِک بُلیارمیقا؟

غَلاطیه‌لِر 5:5

بیز بُلسا مُقادِّس روحا دایانیپ، اومید باغلایان تاقوالی بُلمامیزا ایمان بیلِن قاراشیاندیریس.‏

غَلاطیه‌لِر 5:7

سیز شِیله قاوی یُرتیاردینگیز آخیرین.‏ سیزی حاقیقاتا ایناندیرماجاق بُلوپ، کیم سیزینگ قادامینگیزا آیاق سالدی؟

غَلاطیه‌لِر 6:9

یاخشیلیق اِتمِکدِن یادامایلینگ.‏ اِگِر روحدان دوشمِسِک، اُز واقتیندا اُراریس.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 2:21

هِمّه عمارات عیسی مسیح بیلِن بیرلِشیَر و اُسوپ، خودایدا بیر مُقادِّس عیباداتخانا بُلوپ اُرولیَرلِر.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

اِفِسُسلار 4:16

اُنونگ یُلباشچیلیغی آشاغیندا هِمّه بِدِن هِر بُغونونگ کُمِگی بیلِن باغلانیپ، اُنگا بیریکدیریلیَر.‏ هِر بُلومینگ تِرتیبلی ایشلِمِگی نِتیجه‌سینده بِدِن اُسیپ، سُیگی بیلِن قُشولیپ حِرِکِت اِدیَر.‏

کولُسیلِر 1:25

سیزینگ پِیدایینگیز اوچین خودایینگ مانگا بِرِن تابشیریغینا گُرَه، مِن بو کِلیسانینگ خیدماتچیسی بُلدوم.‏ بو تابشیریق خودایینگ سُزونی، یَعنی گِچِن عاصیرلاردان و نِسیل‍لِردِن گوزگین ساقلانان، اِمّا ایندی مُقادِّسلِره آیان اِدیلِن سیری کَمیل اَشکَر اِتمِکدِن عیبارات.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

۱ تِسالونیکیلِر 3:3

قینچیلیقلار سِبَبی سیزینگ هیچ بیرینگیز ایماندا قاوشاماسین دییّپ اِتدیک.‏ یُنه اُزونگیز بیلیَنسینگیز، بو قینچیلیقلار مسیحه ایمان گِتیرِنلِرینگ باشیندا باردیر.‏

۱ تِسالونیکیلِر 3:5

شُنگا گُرَه-ده، موندان کَن جیداپ بیلمَن، ایمانینگیزدان خابار آلماق اوچین، مِن تیموتاوسی یانینگیزا ایبِردیم.‏ چونکی وِسوِسه‌چی شِیطانینگ هایسیدیر بیر یُل بیلِن سیزی وِسوِسه اِدیپ، قینچیلیغیمیزینگ بیدِرِک بُلجاغیندان قُرقدوم.‏

۱ تِسالونیکیلِر 5:8

بیز بُلسا گوندیزه دِگیشلیدیریس.‏ خودای بیزی غاضابا دوچار بُلماغا دَل، شِیله بُلسا تانگریمیز عیسی مسیحینگ اوستو بیلِن نِجات تاپماغا بِلِّدی.‏ شُنگا گُرَه-ده، اِگنیمیزه ایمان بیلِن سُیگینی زِره حُکمونده، باشیمیزا نِجات تاپماق اومیدینی دِمیردِن تِلفِک حُکمونده گِییپ، هوشیار بُلایلینگ.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

۱ تیموتاوس 1:12

مِن تانگریمیز عیسی مسیحینگ مانگا گویچ-قووات بِرِندیگی اوچین شوکور اِدیَرین.‏ اُل مِنی اِمین حاساپلاپ، اُز خیدماتینا بِلِّدی.‏

۱ تیموتاوس 2:7

اِدیل شو ماقصات اوچین، مِن اِعلانچی و رِسول اِدیلیپ بِلِّندیم.‏ دُغری آیدیارین، سُزلِریمده آصلا یالان یُقدور:‏ مِن یَهودی دَل‍لِره ایمان باراداقی حاقیقاتی اُورِتمَگه بِلِّندیم.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

عِبرانیلار 10:38

مِنینگ تاقوالی خالقیم ایمان بیلِن یاشار، اِگِر ایماندان دَنسه، اُندان راضی بُلمارین.‏»‏

عِبرانیلار 3:14

بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.‏

عِبرانیلار 3:6

اِمّا عیسی مسیح خودایینگ اُیونه اُغول حُکمونده اِمیندیر.‏ اِگِر قایراتیمیزی و قووانیان اومیدیمیزی ساقلاماغی باشارساق، بیز خودایینگ اُیودیریس.‏

عِبرانیلار 4:14

شِیلِلیکده، ایقرار اِدِن ایمانیمیزی قاییم ساقلایلینگ!‏ چونکی بیزینگ آسمانا چیقیپ، خودایینگ حوضورینا باران بِییک باش کاهینمیز بار.‏ اُل خودایینگ اُغلی عیسادیر.‏

عِبرانیلار 6:19

بو اومید لِنگِر یالی جانیمیزی قاییم هِم خاطارسیز ساقلایاندیر، اُل آسمانداقی چادیرینگ توتولان پِرده‌نینگ آنگیرسینا گِچیَندیر.‏

۱ پِطرُس 1:3

تانگریمیز عیسی مسیحینگ آتاسی خودایا اُوگیلِر بُلسون!‏ اُل اُز بِییک مِرحِمِتینه گُرَه، عیسی مسیحینگ اُلومدِن دیرِلمِگینینگ اوستو بیلِن بیزی تَزه دُغولماغا و دیری اومیدینا قاوشوردی.‏

۱ پِطرُس 1:5

سیز ایمانینگیزینگ اوستو بیلِن خودایینگ قودراتی بیلِن تا نِجات تاپیانچانگیز قُریلیانسینگیز.‏ بو نِجات آخیرقی گونلِرده آیان بُلماغا تاییاردیر.‏

۱ یوحنا 2:27

اِمّا مسیحینگ سیزه بِرِن مُقادِّس روحی اُزونگیزده قالیاندیر، سیزه اُورِتمِگینگ گِرِگی یُق.‏ مُقادِّس روحونگ سیزه اُورِدیَن هِر بیر زادی یالان دَل-ده، حاقیقاتدیر.‏ اُنونگ سیزه اُورِدیشی یالی، مسیح بیلِن یاشامالیسینگیز.‏

آیانلیق 2:10

گُرجِک قینچیلیقلارینگدان قُرقما!‏ اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز.‏ اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین.‏