کولُسیلِر 1:14 - مُقادِّس کیتاب

¹⁴ اُز اُغلونینگ اوستو بیلِن بیزی آزادلیغا چیقاردی، یَعنی گونَه‌لِریمیزی باغیشلادی.‏

کولُسیلِر 1:14 ပူးပေါင်းရင်းမြစ်များ

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

لوقا 5:20

عیسی اُلارینگ ایمانینی گُروپ، فِلِجه:‏ ‏«‏دُست، سِنینگ گونَه‌لِرینگ باغیشلاندی»‏ دییدی.‏

رِسول‍لار 10:43

هِمّه پیغامبارلار هِم عیسی حاقدا شاهاتلیق اِتدیلِر.‏ عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.‏»‏

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

۱ قُرِنتُس‌لار 1:30

چونکی سیز عیسی مسیح بیلِن دینگه خودایینگ اوستو بیلِن بیرلِشِنسینگیز.‏ عیسی مسیح بیزینگ اوچین خودایینگ حِکمِتینی، یَعنی تاقوالیغیمیز، مُقادِّسلیگیمیز و آزادلیغیمیز بُلدی.‏

غَلاطیه‌لِر 3:13

مسیح شِریغاتینگ اِعلان اِدِن لَعنِتینی اُز اوستونه آلیپ، بیزی شُل شِریغاتینگ لَعنِتدِن آزاد اِتدی.‏ چونکی تُورات‌دا:‏ ‏«‏آغاچدان آسیلان هِر کِس لَعنِتلِنِندیر»‏ دییّپ یازیلاندیر.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

اِفِسُسلار 4:32

بیری-بیرینگیزه مَهیرلی و رِحم-شِپاقاتلی بُلونگ.‏ خودای سیزی مسیحینگ اوستو بیلِن باغیشلایشی یالی، سیز هِم بیری-بیرینگیزی باغیشلانگ.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

کولُسیلِر 2:13

اُوال سیز سونِّتسیز بُلان اُوالقی طِبیغاتینگیزدا گونَه‌لِرینگیزده اُلودینگیز.‏ ایندی بُلسا خودای هِمّه گونَه‌لِرینگیزی باغیشلاپ، سیزی مسیح بیلِن بیله دیرِلتدی.‏

کولُسیلِر 3:13

بیری-بیرینگیزه صابیرلیق بیلِن جیدانگ.‏ آرانگیزدا اُیکه-کینه بار بُلسا، بیری-بیرینگیزی باغیشلانگ.‏ مسیحینگ سیزی باغیشلایشی یالی، سیز هِم باغیشلانگ.‏

۱ تیموتاوس 2:6

عیسی مسیح هِمّه‌لِری آزاد اِتمِک اوچین، اُزونی قربانی اِتدی، و شُنونگ بیلِن اُز میناسیپ واقتیندا شو حاقیقات تاصدیقلاندی.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 9:12

اُل اینگ مُقادِّس اُتاقا گِچیلِرینگ و تانالارینگ قانی بیلِن دَل-ده، اُز قانی بیلِن گیریپ، بیر گِزِک و هِمیشه‌لیک بیزینگ اِبِدی آزادلیغیمیزی قازاندی.‏

عِبرانیلار 9:22

حاقیقاتدانام، هِمّه زات شِریغاتا گُرَه قان بیلِن پَکلِنیَر.‏ قان دُکولمِزدِن هیچ بیر گونَه باغیشلانمایار.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ یوحنا 1:9

اِمّا گونَه‌لِریمیزی بُیون آلساق، اِمین هِم عادالاتلی خودای گونَه‌لِریمیزی باغیشلار و بیزی هِر هیلی یامانلیقدان پَک اِدِر.‏

۱ یوحنا 2:12

اِی بالالار، سیزه یازیارین، چونکی عیسی مسیحینگ آدینا گونَه‌لِرینگیز باغیشلاندی.‏

۱ یوحنا 2:2

اُل اُزی گونَه‌لِریمیزینگ قربانیسی و دینگه بیزینگ گونَه‌لِریمیز دَل-ده، اُندان باشغا، هِمّه دونیَه‌نینگ گونَه‌لِرینینگ قربانیسی.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 14:4

بولار عُمورلِرینده آیالا یاناشمان، اُز پَکلیگینی ساقلایاردی.‏ بولار قوزی نیرَه گیتسه، اُنونگ ایزینا دوشیَنلِردی.‏ بولار اینسانلارینگ آراسیندان ساتین آلینیپ و اَوَّلکی حاصیل حُکمونده خودایا و قوزا باغیش اِدیلِنلِردی.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏