کولُسیلِر 1:12 - مُقادِّس کیتاب

¹² نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

کولُسیلِر 1:12 ပူးပေါင်းရင်းမြစ်များ

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

یوحنا 20:17

عیسی اُنگا:‏ ‏«‏مانگا قُلایلاشما، سِبَبی مِن هِنیز آتامینگ یانینا چیقامُق.‏ سِن دُغانلاریمینگ یانینا گیدیپ، اُلارا مِن آسمانا، آتامینگ و خوداییمینگ یانینا باریانیمی آیت.‏ اُل سیزینگ-ده آتانگیزدیر و خودایینگیزدیر»‏ دییدی.‏

یوحنا 4:23

اِمّا شِیله بیر واقت گِلِر، حاقیقی عیبادات اِدیَنلِر آتا روحدا و حاقیقاتدا عیبادات اِدِرلِر.‏ اُل واقت اِییَم گِلدی!‏ آتا اُزونه شِیله عیبادات اِدیَنلِری آغتاریار.‏

رِسول‍لار 20:32

‏«‏ایندی بُلسا مِن سیزی خودایا و اُنونگ مِرحِمِتلی سُزونَه تابشیریارین.‏ بو سُز سیزه گویچ-قودرات بِرِر و مُقادِّس بُلانلارینگ آراسیندا میراث بِرِر.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رومیلار 11:17

هاووا، باغینگ کَبیر شاخالاری کِسیلیپ، وَحشی زِیتونینگ شاخاسی بُلان سیز اُنگا سِپلِندینگیز.‏ سیز ساقلانیپ یِتیشدیرِلِن زِیتونینگ کُکونینگ شیرِسینه شِریک بُلدونگیز.‏

رومیلار 15:27

هاووا، مونی اُلار اِتمِک ایسلِدیلِر، آصلیندا اُلار شِیله-ده اِتمِلیدیلِر.‏ چونکی یَهودی ایماندارلار یَهودی دَل‍لِر بیلِن اُز روحانی بِرِکِتلِرینی پایلاشدیلار.‏ شُنگا گُرَه-ده، یَهودی دَل‍لِر هِم اُز نوبَتیندا اُلارا مادّی مَحتَجلیکلِرینده کُمِک بِرمَگه بِرگیلیدیرلِر.‏

رومیلار 8:17

شِیلِلیکده، اِگِر فِرزِنتلِری بُلان بُلساق، اُندا میراثداری هِم بُلیاندیریس.‏ خودایینگ میراثدارلاری بُلیان بُلساق، اُندا عیسی مسیح بیلِن هِم میراثدار بُلیاندیریس.‏ بیز عیسی مسیحینگ گُرِن عاذاپلارینا شِریک بُلیان بُلساق، اُندا اُنونگ بِییکلیگینَه هِم شِریک بُلاریس.‏

رومیلار 9:23

خودای اُزونینگ اُنگدِن بِییکلیک اوچین تاییارلاپ، مِرحِمِت اِدِنلِرینه اُز اولی بِییکلیگینی بیلدیرمِک اوچین شِیله صابیر-طاقاتلی بُلیاندیر.‏

۱ قُرِنتُس‌لار 8:6

اِمّا بیزینگ اوچین یِکه خودای، یَعنی آتا باردیر، هِمّه زادینگ باشلانچیسی اُلدور.‏ بیز اُنونگ اوچین یاشایاندیریس.‏ بیزینگ اوچین یِکه حُکومدار عیسی مسیح بار، هِمّه زات هِم اُنونگ اوستو بیلِن یارادیلاندیر و بیز اُنونگ اوستو بیلِن یاشایاندیریس.‏

۱ قُرِنتُس‌لار 9:23

مِن بولارینگ بارینی خوش خابارینگ بِرِکِتلِرینه شِریک بُلوپ بیلِریم یالی، خوش خابارینگ خاطیرینا اِدیَرین.‏

۲ قُرِنتُس‌لار 11:14

گِنگ قالیپ اُتورماغا زات یُق، سِبَبی شِیطانینگ اُزی-ده نور سِچیَن پِریشدَه‌نینگ صوراتینا گیریپ بیلیَندیر!‏

۲ قُرِنتُس‌لار 5:5

چونکی خودای بیزی اِبِدی یاشایشا قاووشماغیمیز اوچین یارادیپ، مونونگ ضامِن حُکمونده بیزه مُقادِّس روحونی بِردی.‏

اِفِسُسلار 1:11

هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 2:18

ایندی مسیحینگ اوستو بیلِن بیزینگ هِمَّه‌میز یَهودی و یَهودی دَل‍لِر بیر روح بیلِن آتانینگ حوضورینا باریپ بیلیَریس.‏

اِفِسُسلار 3:6

اینه، خودایینگ سیری شودور:‏ خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر.‏

اِفِسُسلار 4:6

هِمّه‌لِرینگ آتاسی خودای-دا بیر، هِمّه زاتدان اوستون، هِمّه زادینگ اوستو بیلِن و هِمّه زاتدا بُلاندیر.‏

اِفِسُسلار 5:11

قارانگقیلیغینگ پِیداسیز ایشلِرینه شِریک بُلمانگ، تِرسینه، اُلاری فاش اِدینگ.‏

اِفِسُسلار 5:20

هِمّه زات اوچین تانگریمیز عیسی مسیحینگ آدیندان آتا خودایا هِمیشه شوکور اِدینگ.‏

اِفِسُسلار 5:4

شِیله هِم آرانگیزدا بی‌اِدِبلیک، بُش سُزلیک، بیدِرِک دِگیشمه-ده بُلماسین.‏ بولار سیزه یاراشمایار.‏ مونونگ دِرِگینه خودایا شوکور اِدینگ.‏

اِفِسُسلار 5:8

یادینگیزدامی، بیر واقتلار سیز قارانگقیدینگیز، یُنه ایندی مسیحینگ اوستو بیلِن نورسینگیز.‏ شُنونگ اوچین نورینگ فِرزِنتلِری یالی بُلوپ یاشانگ.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

کولُسیلِر 3:15

قالبینگیزدا مسیحینگ پاراحاتلیغی حُکوم سورسون.‏ چونکی سیز بیر بِدِنینگ ‌اعضالاری بُلوپ، بو پاراحاتچیلیغا چاغیریلانسینگیز و شوکورلی بُلونگ.‏

کولُسیلِر 3:17

نَمه اِتسِنگیز هِم، آیتسانگیز هِم، هِمّه‌سینی تانگریمیز عیسانینگ آدی بیلِن یِرینه یِتیرینگ، اُنونگ اوستو بیلِن آتا خودایا شوکور اِدینگ.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 12:23

خودایینگ ایلکینجی فِرزِنتلِرینینگ جِماغاتینا قُلایلاشدینگیز، اُلارینگ آدلاری آسماندا یازیلاندیر.‏ هِمّه‌سینینگ قاضیسی بُلان و تاقوالی آداملارینگ روحلارینی کَمیلّیگه یِتیرِن خودایینگ حوضورینا گِلدینگیز.‏

عِبرانیلار 3:1

شُنونگ اوچین هِم، اِی مِنینگ بیلِن بیله خودای طارافیندان چاغیریلان مُقادِّس عزیزلِر، هِمّه فیکرینگیز عیسادا بُلسون!‏ اُل بیزینگ ایقرار اِدیَن رِسول و باش کاهینیمیزدیر.‏

عِبرانیلار 3:14

بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.‏

یعقوب 3:9

دیلیمیز بیلِن بیز آتامیز خودایی شوکور اِدیَریس، شُل بیر واقتینگ اُزونده هِم خودایینگ صوراتیندا یارادیلان اینسانلاری لَعنِتلِیَریس.‏

۱ پِطرُس 5:1

مِن مسیحینگ چِکِن عاذاپلارینینگ شاهادی و اُنونگ آیان بُلجاق بِییکلیگینینگ شِریکی حُکمونده آرانگیزداقی اُزوم یالی یاشولیلاردان شولاری خاییش اِدیَرین:‏

۱ یوحنا 1:3

سیزینگ-ده بیزینگ بیلِن شِریکلیگینگیز بُلار یالی، گُرِنیمیزی، اِشیدِنیمیزی سیزه آیدیاریس.‏ بیزینگ شِریکلیگیمیز بُلسا آتا و اُنونگ اُغلی عیسی مسیح بیلِندیر.‏

آیانلیق 21:23

شَهری یاغتیلاندیرماق اوچین گون یا-دا آی گِرِک دَل.‏ چونکی شَهری خودایینگ بِییکلیگی یاغتیلاندیریار و قوزی هِم اُنونگ چیراغیدیر.‏

آیانلیق 22:14

اُز لِباسلارینی یوویانلار خوشواقتدیر!‏ اُلارینگ یاشاییش باغینینگ میوه‌سیندِن اییمَگه و شَهرینگ دِروِزه‌سیندِن گیرمَگه حاقلاری باردیر.‏

آیانلیق 22:5

شَهرده گیجه آصلا بُلماز، و نه چیراغینگ ایشیغی، نه-ده گونونگ نوری گِرِک بُلار، سِبَبی تانگری خودای اُلارا یاغتیلیق سِچِر.‏ و اُلار اِبِدیلیک پادیشاهلیق اِدِرلِر.‏