کولُسیلِر 1:10 - مُقادِّس کیتاب

¹⁰ شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

کولُسیلِر 1:10 ပူးပေါင်းရင်းမြစ်များ

یوحنا 15:16

سیز مِنی دَل-ده، مِن سیزی سایلادیم.‏ مِن سیزینگ گیدیپ، هیچ سُلمایان میوه بِرمِگینگیز اوچین سایلاپ-سِچدیم.‏ شُنگا گُرَه مِنینگ آدیم بیلِن آتادان نَمه دیلِسِنگیز، اُل سیزه بِرِر.‏

یوحنا 15:8

سیز کَن میوه بِریپ، مِنینگ شَگیرتلِریمدیگینگیزی گُرکِزِرسینگیز.‏ مونونگ اوستو بیلِن آتام بِییکلِنِر.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

رومیلار 1:13

اِی عزیزلِر، شونی بیلمِگینگیزی ایسلِیَرین:‏ مِن بِیلِکی میلِّتلِرینگ آراسیندا بُلشی یالی، سیزینگ هِم آرانگیزداقی خیدماتیمینگ حاصیلینی گُرِسیم گِلدی.‏ شُنگا گُرَه-ده، یانینگیزا بارجاق بُلوپ، بیرنَچه گِزِک نییِتلِشدیم، اِمّا هِر گِزِک بیر پَسگِلچیلیک بُلدی.‏

رومیلار 4:12

شِیله-ده، آتامیز ابراهیم سونِّتلیلِرینگ هِم آتاسیدیر.‏ یُنه شِیله سونِّتلیلِرینگ ایمانی ابراهیمینگ سونِّتلِنمِدِن اُزال ایمان گِتیریشی یالی بُلمالیدیر.‏

رومیلار 6:4

هاووا، بیز تَعمید بِریلمِگینگ اوستو بیلِن مسیح بیلِن اُلوپ، جایلاندیق.‏ شُنگا گُرَه-ده، آتانینگ بِییک قودراتینینگ اوستو بیلِن مسیحینگ اُلومدِن دیرِلیشی یالی، بیز هِم تَزه یاشایشا اِیه بُلوپ بیلِریس.‏

۲ قُرِنتُس‌لار 2:14

یُنه خودایا شوکور!‏ اُل مسیحینگ اوستونلیک یُلوندان بیزی اِلمیداما یُریدیَر.‏ خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

۲ قُرِنتُس‌لار 5:9

اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

۲ قُرِنتُس‌لار 9:8

هِمیشه هِمّه زادینگیز بِس بُلوپ، ایسلِندیک یاخشی ایشه بُل مومکینچیلیگینگیز بُلار یالی، خودای سیزه مِرحِمِتینی بُلدان-بُل بِرمِگی باشاریاندیر.‏

اِفِسُسلار 1:17

مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین.‏ قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

اِفِسُسلار 4:13

مونونگ نِتیجه‌سینده هِمَّه‌میز ایماندا بیر بُلوپ، خودایینگ اُغلونی تانیپ-بیلیپ، مسیح یالی یِتیشیپ دُلی کَمیلّیگه یِتِریس.‏

اِفِسُسلار 5:10

مسیحی خُشنود اِتجِک زادی بیلمَگه چالیشینگ.‏

اِفِسُسلار 5:15

شِیلِلیکده، نَهیلی یاشایاندیغینگیزا هِیوِره خاباردار بُلونگ.‏ نادانلار یالی دَل-ده، دانالار یالی یاشانگ.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

فیلیپیلِر 1:11

قُی، یاشایشینگیز دینگه عیسی مسیحینگ اوستو بیلِن گِلیَن تاقوالیغینگ میوه‌لِریندِن دُلوپ-آقسین، خودایا بِییکلیک و اُوگی گِتیرسین.‏

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

فیلیپیلِر 4:18

مِنینگ هِمّه زادیم بار، آرتیغی بیلِن هِم بار.‏ اِپافرودیتوس سیزینگ ایبِرِن سُوغاتلارینگیزی گِتیرِن بَری، کِم زادیم قالمادی.‏ بولار ایسلی عاطیر قربانلیق کیمین خودایینگ حالایان قربانیسیدیر.‏

کولُسیلِر 2:19

شِیدیپ، اُل آدام بِدِنینگ باشی بُلان مسیح بیلِن باغلانیشیغینی ییتیرِندیر.‏ بو بِدِن هِر بیر بُغونونگ و بِندینگ کُمِگی بیلِن بیریگیپ، باشدان اییمیتلِنیَر و خودایینگ بِرِن اُسوشی بیلِن اُسیَندیر.‏

کولُسیلِر 2:6

شِیلِلیکده، عیسی مسیحی تانگرینگیز حُکمونده قابول اِدیشینگیز یالی، اُنونگ گُرکِزِن یُلی بیلِن یُرینگ.‏

کولُسیلِر 3:20

اِی فِرزِنتلِر، هِر ایشده اِنه-آتانگیزینگ سُزونه قولاق آسینگ، سِبَبی بو مسیحی خُشنود اِدیَر.‏

کولُسیلِر 4:5

مسیحه ایمان گِتیرمِدیکلِر بیلِن هِم واقتینگیزی حِکمِتلی گِچیرینگ و فُرصَتی اِلدِن بِرمَنگ.‏

۱ تِسالونیکیلِر 4:1

اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

۲ تیموتاوس 2:4

سِربازلیق اِدیَن آدام گونلیک یاشایشا دِگیشلی ایشلِره قاریشیان دَلدیر.‏ اُل اُز سِردارنینگ گُونینی آلماقی ایسلِیَندیر.‏

تیتوس 3:1

اِی اُغلوم، ایماندارلارا هِمیشه شولاری یادلادیپ دور:‏ قُی، اُلار حُکومدارلارا و ایختییارلیلارا قولاق آسیپ، اُلارا موطیع بُلسونلار، ایسلِندیک واقت یاخشیلیق اِتمَگه تاییار بُلسونلار.‏

تیتوس 3:14

ایماندارلار هِم نِتیجه‌سیز یاشاماز یالی، مَحتَجلِره یاردیم بِرمِگینگ اوستو بیلِن یاخشیلیق اِتمِگی عادات اِدینسینلِر.‏

عِبرانیلار 11:5

ایمانینگ اوستو بیلِن خَنوخ یُقاری آلیندی، اُل اُلوم قاراسینی گُرمِدی.‏ هیچ کیم اُنی تاپیپ بیلمِدی، سِبَبی خودای اُنی یُقاری آلدی.‏ خَنوخ یُقاری آلینمازیندان اُنگ هِم خودایی خُشنود اِدیپدی.‏

عِبرانیلار 13:16

یاخشیلیق اِتمِگی و اِلده بارینگیزی بِیلِکیلِره بِرمِگی اونوتمانگ، سِبَبی شونونگ یالی قربانلیقلار خودایی خُشنود اِدیَندیر.‏

۲ پِطرُس 1:8

شو قاوی قیلیقلار سیزده بار بُلسا و کَنِلسه، اُندا سیز تانگریمیز عیسی مسیحی تانیماقدا پِیداسیز و هِم نِتیجه‌سیز قالمارسینگیز.‏

۲ پِطرُس 3:18

تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ.‏ حَضیردِن تا اِبِدییَه چِنلی اُنگا بِییکلیک بُلسون!‏ اَمین.‏

۱ یوحنا 3:22

اُندان نَمه دیلِسِک آلاریس، سِبَبی بیز اُنونگ حُکوملِرینی بِرجای اِدیپ، اُنی خُشنود اِدیَن ایشلِری اِدیَندیریس.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

۳ یوحنا 1:6

اُلار سِنینگ سُیگینگ بارادا کِلیسانینگ حوضوریندا شاهاتلیق اِتدیلِر.‏ اِگِر سِن اُلاری خودایا میناسیپ یُلدا یُلا سالسانگ، یاخشی ایش اِدِرسینگ.‏