رِسول‍لار 3:13 - مُقادِّس کیتاب

¹³ آتا-بابالاریمیز ابراهیمینگ، اسحاقینگ و یعقوبینگ خودایی اُز بِنده‌سی عیسانی بِییکلِندیردی.‏ اِمّا سیز اُنی اُلومه تابشیردینگیز، حتّیٰ پیلاتُس اُنی بُشاتماغی یورِگینه دووِنده-ده، سیز اُنی پیلاتُسینگ حوضوریندا اینکَر اِتدینگیز.‏

رِسول‍لار 3:13 ပူးပေါင်းရင်းမြစ်များ

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

مَتّیٰ 20:19

ماسغارا اِتسینلِر، قامچیلاسینلار و صلیبه چویلِسینلِر دییّپ، اُنی بیگانه میلِّتلِرینگ اِلینه بِرِرلِر، اِمّا اُل اوچولِنجی گون دیرِلِر»‏ دییدی.‏

مَتّیٰ 22:32

‏”‏مِن ابراهیمینگ، اسحاقینگ و یعقوبینگ خوداییدیرین“‏ دییِنینی اُقیمادینگیزمی؟ اُل اُلولِرینگ دَل-ده، دیریلِرینگ خوداییدیر.‏»‏

مَتّیٰ 27:2

اُنی دانگیپ، حاکیم پیلاتُسا اِلتیپ تابشیردیلار.‏

مَتّیٰ 28:18

عیسی هِم اُلارینگ یانینا گِلیپ:‏ ‏«‏آسماندا و یِرده هِمّه ایختییارلیق مانگا بِریلدی.‏

مَرقُس 15:11

اِمّا یُلباشچی کاهینلار عیسانینگ دِرِگینه باراباسی بُشاتماغینی ایسلَنگ دییّپ، جِماغاتی کوشگوردیلِر.‏

لوقا 22:57

اِمّا پِطرُس:‏ ‏«‏اِی هِلِی مِن اُنی تانیمییارین»‏ دییّپ اینکَر اِتدی.‏

لوقا 23:4

سُنگرا پیلاتُس یُلباشچی کاهینلار بیلِن خالقا:‏ ‏«‏مِن بو آدامدا هیچ بیر عاییپ گُرمِدیم»‏ دییدی.‏

لوقا 6:37

‏«‏باشغالاری گونَه‌کَرلِمَنگ، شُندا سیز هِم گونَه‌کَرلِنمِرسینگیز.‏ هیچ کیمی مَحکوم اِتمَنگ، اُندا سیز-ده مَحکوم بُلمارسینگیز.‏ باغیشلانگ، سیز-ده باغیشلانارسینگیز.‏

یوحنا 12:16

شَگیرتلِری شُل واقت بو زاتلارا دوشونمِدیلِر.‏ اِمّا عیسی بِییکلِندیریلِندِن سُنگرا بو سُزلِرینگ اُل حاقیندا یازیلاندیغی و اُزلِرینینگ مونی یازیلیشی یالی اِدِندیکلِری اُلارینگ یادلارینا دوشدی.‏

یوحنا 18:40

شُندا اُلار:‏ ‏«‏اُنی دَل، بیزه باراباسی بُشات!‏»‏ دییّپ قیغیریشدیلار.‏ باراباس بُلسا بیر قالماغالچیدی.‏

یوحنا 19:11

عیسی اُنگا:‏ ‏«‏اِگِر سانگا یُقاردان بِریلمِدیک بُلسادی، مِنینگ اوستومدِن هیچ هیلی ایختییارینگ بُلمازدی.‏ شُنونگ اوچین هِم، مِنی توتوپ، سِنینگ اِلینگه بِرِنینگ گونَه‌سی خاص-دا آغیردیر»‏ دییّپ جُغاپ بِردی.‏

یوحنا 19:12

شوندان سُنگ پیلاتُس عیسانی بُشاتجاق بُلدی.‏ اِمّا یَهودی باشلیغلاری قیغیریشیپ:‏ ‏«‏اُنی بُشاتسانگ، سِن ایمپِراطُرینگ دُستی دَلسینگ.‏ کیم-ده کیم اُزونی پادیشاه حاساپلاسا، اُل ایمپِراطُرا قارشیدیر»‏ دییدیلِر.‏

یوحنا 19:15

اُلار:‏ ‏«‏یُق اِت اُنی!‏ یُق اِت!‏ اُنی صلیبه چویله!‏»‏ دییّپ قیغیریشدیلار.‏ پیلاتُس اُلاردان:‏ ‏«‏پادیشاهنگیزی صلیبه چویلَیینمی؟»‏ دییّپ سُرادی.‏ یُلباشچی کاهینلار:‏ ‏«‏بیزینگ ایمپِراطُردان باشغا پادیشاهمیز یُقدور»‏ دییّپ جُغاپ بِردیلِر.‏

یوحنا 7:39

اُل مونی اُزونه ایمان گِتیرِنلِرینگ آلجاق مُقادِّس روحی بارادا آیدیاردی.‏ اُلارا هِنیز مُقادِّس روح اینمَندی، سِبَبی عیسی هِنیز بِییکلِنمَپدی.‏

رِسول‍لار 22:14

حَنانیا مانگا:‏ ‏”‏آتا-بابالاریمیزینگ خودایی سِنی سایلادی.‏ اُل مونی اُنونگ ایسلِگینی بیلمِگینگ، دُغری بُلانی گُروپ، سُزونی اِشیتمِگینگ اوچین اِتدی.‏

رِسول‍لار 24:14

اِمّا سانگا شونی ایقرار اِتمِک بیلِن اُلارینگ ‏”‏یالان تَعلیمات“‏ دییّپ آدلاندیریان عیسانینگ یُلونا دوشیَرین.‏ مِن آتا-بابالاریمیزینگ خودایینا عیبادات اِدیَرین.‏ تُورات‌دا و پیغامبارلارینگ یازغیلاریندا یازیلان هِر بیر سُزه اینانیارین.‏

رِسول‍لار 3:12

پِطرُس مونی گُرِنده، خالقا یوزلِنیپ، شِیله دییدی:‏ ‏«‏اِی اسرائیل خالقی!‏ نَمه اوچین مونگا حایران قالیارسینگیز؟ نَمه اوچین بیز بو آدامی اُز قودراتیمیز یا تاقوالیغیمیز بیلِن یُرِدِن یالی، بیزه بِیله دیقّات بیلِن گُزلِیَرسینگیز؟

رِسول‍لار 3:26

یامان یُلونگیزدان اُوروپ، سیزی بِرِکِت بِرمِک اوچین، خودای اُز خیدماتچیسی عیسانی سایلادی و اَوَّل اُنی سیزه یُلّادی.‏»‏

رِسول‍لار 4:27

حاقیقاتدان-دا، باشغا میلِّتلِر و اسرائیل خالقی بیلِن بیرلیکده هیرودیس و پُنتیوس پیلاتُس بو شَهرده اُز سایلاپ-سِچِن مُقادِّس بِنده‌نگ عیسی قارشی آیاغا قالدیلار.‏

رِسول‍لار 4:30

مُقادِّس بِنده‌نگ عیسانینگ آدی بیلِن مِریضلِری شِفا بِرمِک اوچین و مُعجِزه‌لِر و عالاماتلار گُرکِزمِک اوچین بیزه اِلینگی اوزات!‏»‏

رِسول‍لار 7:32

‏”‏مِن سِنینگ آتا-بابالارینگ ابراهیمینگ، اسحاقینگ و یعقوبینگ خوداییدیرین“‏.‏ موسی قُرقوسیندان تیترَپ باشلادی و گُزلِمَگه یورِک اِتمِدی.‏

رومیلار 9:5

اُلار بِییک آتا-بابالاریمیزینگ نِسلیدیر.‏ عیسی مسیح هِم اینسان طِبیغاتی بُیونچا اُلاردان گِلیپ چیقاندیر.‏ هِمّه زاتدان یُقاری بُلان خودایا اِبِدی بِییکلیک بُلسون!‏ اَمین!‏

عِبرانیلار 2:9

اِمّا بیز حُرمات و بِییکلیک تاجینینگ عیسی گِیدیریلِندیگینی گُریَریس، سِبَبی اُل بیزینگ اوچین اُلومه جیدادی.‏ هاووا، اُل پِریشده‌لِردِن بیرآز واقتلیق آشاق توتولیپ، خودایینگ مِرحِمِتی بیلِن هِمّه اینسانلار اوچین عاذاپ چِکیپ اُلدی.‏

آیانلیق 1:18

مِن دیریدیرین.‏ اُلودیم، یُنه، اینه، ایندی اِبِدیلیک دیریدیرین.‏ اُلومینگ-ده، اُلولِر دونیَه‌سینینگ-ده آچاری مِندِدیر.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏