رِسول‍لار 26:16 - مُقادِّس کیتاب

¹⁶ هانی، تور، آیاق اوستونه قال.‏ مِن سِنی خیدماتکَریم هِم شاهادیم اِدیپ سایلاماق اوچین سانگا گُروندیم.‏ سِن اُز گُرِن و مِنینگ گُرکِزجِک زاتلاریما شاهاتلیق اِدِرسینگ.‏

رِسول‍لار 26:16 ပူးပေါင်းရင်းမြစ်များ

لوقا 1:2

شُل واقالاری بیزه اُزالباشدان گُزلِری بیلِن گُرِن شاهاتلار و خودایینگ خوش خابارینینگ خیدماتچیلاری یِتیردی.‏

رِسول‍لار 1:17

یهودا بیزینگ بیریمیز حاساپلانیاردی، اُل هِم بو خیدماتدان اُز پایینی آلیپدی.‏»‏

رِسول‍لار 1:25

سِبَبی یهودا اِتمِلی خیدماتینی قُیوپ، اُزونه لاییق یِره گیتدی»‏ دییدیلِر.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

رِسول‍لار 21:19

پولس اُلار بیلِن سالاملاشاندان سُنگ، اُز خیدماتینینگ اوستو بیلِن خودایینگ باشغا میلِّتلِرینگ آراسیندا اِدِن ایشلِرینی یِکه-یِکِدِن گورّونگ بِردی.‏

رِسول‍لار 22:10

مِن:‏ ‏”‏یا آقام!‏ مِن نَمه اِتمِلی؟“‏ دییّپ سُرادیم.‏ عیسی هِم مانگا:‏ ‏”‏یِرینگدِن تور-دا، دمشقه گیت.‏ نَمه اِتمِلیدیگینگ سانگا شُل یِرده آیدیلار“‏ دییدی.‏

رِسول‍لار 23:11

شُل گیجه عیسی پولسه گُرنوپ، اُنگا:‏ ‏«‏خاطیرجِم بُل!‏ سِن مِن حاقدا اورشلیمده نَهیلی شاهاتلیق اِدِن بُلسانگ، رومدا-دا شِیله شاهاتلیق اِتمِلیسینگ»‏ دییدی.‏

رِسول‍لار 26:15

مِن:‏ ‏”‏آقام، سِن کیم؟“‏ دییّپ سُرادیم.‏ اُل:‏ ‏”‏مِن سِنینگ آزار بِریَن عیسانگ.‏

رِسول‍لار 6:4

بیز بُلسا اُزومیزی دُغا اِتمَگه و خوداینگ سُزونی واغیظ اِتمَگه باغیشلالینگ.‏»‏

رومیلار 1:5

خودای بیزه عیسی مسیحینگ اوستو بیلِن مِرحِمِت اِدیپ، رِسولّیغا سایلادی.‏ اُل مونی هِمّه میلِّتلِرینگ خودایا ایمان گِتیریپ، اُنگا موطیع بُلماغی، عیسی مسیحینگ آدینینگ بِییکلِنمِگی اوچین اِتدی.‏

رومیلار 15:16

مِنی عیسی مسیحینگ خیدماتکَری حُکمونده یَهودی دَل‍لِرینگ آراسینا ایبِردی.‏ مِن اُلارا خوش خاباری واغیظ اِدیپ، اُز کاهینلیق بِرگیمی بِرجای اِدیَرین.‏ شِیدیپ، بو میلِّتلِر مُقادِّس روحونگ اوستو بیلِن خودایینگ مُقادِّس اِدیلِن و اُنونگ حالایان صاداقاسی بُلار.‏

۲ قُرِنتُس‌لار 4:1

خودای مِرحِمِت اِدیپ، بیزه بو خیدماتی بِردی و شُنونگ اوچین-ده، یورِگیمیز ساویمایار.‏

۲ قُرِنتُس‌لار 5:18

بولارینگ باری خودایداندیر.‏ اُل عیسی مسیحینگ اوستو بیلِن بیزی اُزی بیلِن یاراشدیریپ، بیزه یاراشدیرما خیدماتینی تابشیردی.‏

غَلاطیه‌لِر 1:12

مِن اُنی اینساندان قابول اِتمِدیم یا-دا اُورِنمِدیم.‏ مانگا اُنی عیسی مسیحینگ اِدیل اُزی آیان اِتدی.‏

غَلاطیه‌لِر 2:2

مِنی اُل یِره خودایینگ ایلهامی آلیپ باردی.‏ اورشلیمدَکی کِلیسانینگ یُلباشچیلاری بیلِن آیراتین دوشوشیپ، اُلارا یَهودی دَل‍لِره واغیظ اِدیَن خوش خاباریمی بِیان اِتدیم.‏ مِن مونی هِمّه اِدِنلِریمینگ باری پوچ بُلماسین دییّپ اِتدیم.‏

اِفِسُسلار 3:3

سیزه اُوال قیسغاچا یازیشیم یالی، خودای مانگا اُز سیرینی آیانلیق بیلِن اَشکَر اِتدی.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 1:25

سیزینگ پِیدایینگیز اوچین خودایینگ مانگا بِرِن تابشیریغینا گُرَه، مِن بو کِلیسانینگ خیدماتچیسی بُلدوم.‏ بو تابشیریق خودایینگ سُزونی، یَعنی گِچِن عاصیرلاردان و نِسیل‍لِردِن گوزگین ساقلانان، اِمّا ایندی مُقادِّسلِره آیان اِدیلِن سیری کَمیل اَشکَر اِتمِکدِن عیبارات.‏

کولُسیلِر 1:7

سیز بو خوش خاباری سُیگولی هِمکَریمیز اِپافراسدان اُورِندینگیز.‏ اُل سیزینگ اوغرونگیزدا مسیحینگ وِفالی خیدماتکَریدیر.‏

۱ تِسالونیکیلِر 3:2

سیزینگ یانینگیزا بُلسا مسیحینگ خوش خابارینی یایراتماق اوچین خودایینگ خیدماتیندا هِمکَریمیز بُلان تیموتاوس دُغانیمیزی ایمانینگیزدا قاییملاپ و قوواتلاندیرماق اوچین ایبِردیک.‏

۱ تیموتاوس 1:12

مِن تانگریمیز عیسی مسیحینگ مانگا گویچ-قووات بِرِندیگی اوچین شوکور اِدیَرین.‏ اُل مِنی اِمین حاساپلاپ، اُز خیدماتینا بِلِّدی.‏

۱ تیموتاوس 4:6

اِی اُغلوم، اِگِر سِن بولاری دُغانلارا اُورِتسِنگ، اُز ایزینا دوشِن ایمانینگ باراداقی حاقیقات تَعلیماتینینگ سُزلِری بیلِن یِتیشدیریلِرسینگ.‏ شِیدیپ، عیسی مسیحینگ قاوی خیدماتچیسی بُلارسینگ.‏

۲ تیموتاوس 4:5

سِن بُلسا هِر یاغدایدا خاباردار بُل، زَحمِتلِره جیداملی بُل، خوش خاباری یایراتماق اوغروندا زَحمِت چِک، اُزونگه تابشیریلان خیدماتی کِمالا یِتیر.‏