رِسول‍لار 24:16 - مُقادِّس کیتاب

¹⁶ شُنونگ اوچین هِم خودایینگ و اینسانلارینگ اُوونده وِجدانیمی هِمیشه پَک ساقلاماغا چالیشیارین.‏

رِسول‍لار 24:16 ပူးပေါင်းရင်းမြစ်များ

رِسول‍لار 23:1

پولس مِجلِسه دیقّات بیلِن گُزلَپ:‏ ‏«‏اِی دُغانلار!‏ مِن شو گونه چِنلی خودایینگ اُوونده آراسّا وِجدان بیلِن یاشادیم»‏ دییدی.‏

رومیلار 2:15

شِیدیپ، اِدیَن ایشلِرینینگ اوستو بیلِن شِریغاتینگ عِمِل‍لِرینینگ اُز یورِکلِرینه یازیلاندیغینی معلیم اِدیَرلِر.‏ اُلارینگ وِجدانلاری هِم مونونگ شِیلِدیگینی تاصدیقلایار، سِبَبی اُز فیکرلِری اُلاری کَواقت عاییپلایار، کَواقت بُلسا آقلایار.‏

رومیلار 9:1

مِنینگ اولی قایغیم، یورِگیمده هِمیشه‌لیک آغیریم بار.‏ مونونگ حاقیقاتدیغینا، یالان آیدمایاندیغیما عیسی مسیحینگ آدیندان شاهات گِچیَرین.‏ سُزلِریمه مُقادِّس روحونگ اوستو بیلِن وِجدانیم-دا شاهاتدیر.‏

۱ قُرِنتُس‌لار 10:32

یَهودیلِرینگ-ده، یونانیلارینگ-دا، خودایینگ کِلیساسینینگ-دا، قاراز، هیچ کیمینگ بودریمِگینه سِبَپ بُلمانگ.‏

۱ قُرِنتُس‌لار 4:4

مِن اُزومده عاییپ گُرمِسِم-ده، یُنه بو زاتلار مِنی پَک اِتمِیَر.‏ موندان باشغا مانگا مسیح قاضیلیق اِدیَندیر.‏

۲ قُرِنتُس‌لار 1:12

اینه، بیز شونگا قووانیاریس:‏ بیز هِر کِس، خاص-دا سیز باباتدا خودایینگ بِرِن دُغریلیغی و پَک یورِکلیگی بیلِن حِرِکِت اِدیَریس.‏ بیز مونی دونیَه‌نینگ حِکمِتینه دَل-ده، خودایینگ مِرحِمِتینه دایانیپ اِدیَریس.‏ مونگا بیزینگ وِجدانیمیز-دا شاهاتدیر.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

۱ تِسالونیکیلِر 2:10

سیز ایماندارلار باباتدا بیزینگ آخلاق تایدان پَک، دُغری و عایپسیز بُلاندیغیمیزا اُزونگیز شاهاتسینگیز.‏ مونگا خودای-دا شاهاتدیر.‏

۱ تیموتاوس 1:19

ایماندا قاییم دوروپ، وِجدانینگی پَک ساقلا.‏ کَبیر آداملار وِجدانلارینی آیاق آشاق قُیاندیغی اوچین، ایمانلاری قایا اورلان کِشتی کیمین آورام-آورام بُلدی.‏

۱ تیموتاوس 1:5

تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر.‏

۱ تیموتاوس 3:9

اُلار خودایینگ بیزه عیسی مسیح باراسیندا آیان اِدِن حاقیقاتینا پَک وِجدانلی بُلوپ ساقلامالیدیر.‏

۲ تیموتاوس 1:3

مِن هِم آتا-بابالاریم یالی خودایا پَک وِجداندان خیدمات اِدیَرین.‏ دُغالاریمدا سِنی گیجه-گوندیز اِلمیداما یادلاپ، خوداییما شوکور اِدیَرین.‏

تیتوس 1:15

قالبی پَکلِر اوچین هِمّه زات پَکدیر، یُنه آخلاقسیزلار و ایمان گِتیرمِدیکلِر اوچین یِکِجه-ده پَک زات یُقدور.‏ اُلارینگ فیکرلِری-ده و وِجدانلاری-دا تِلِکه بُلاندیر.‏

عِبرانیلار 10:22

شُنگا گُرَه-ده، تویس یورِکدِن و کَمیل اینامداقی ایمان بیلِن خودایا یاقینلاشایلینگ.‏ مسیح قالبیمیزی اُز قانی بیلِن پَکلَپ و وِجدانیمیزی گونَه‌دِن آزاد اِتدی و بِدِنیمیزی آراسّا سو بیلِن یوودی.‏

عِبرانیلار 13:18

بیزینگ اوچین دُغا اِدینگ.‏ بیز وِجدانیمیزینگ آراسّادیغینا اینانیاریس و هِمّه طارافدان هِمیشه حُرماتا میناسیپ بُلوپ یاشاماق ایسلِیَریس.‏

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

۱ پِطرُس 2:19

اِگِر کیم ناحاق یِره عاذاپ چِکیپ، خودایی تانییاندیغی اوچین بو دِرتلِره جیدایان بُلسا، اُل آدامدان خودای راضیدیر.‏

۱ پِطرُس 3:16

وِجدانینگیزی پَک ساقلانگ، شُندا سیزینگ مسیحه باغلی دُغری یاشایشینگیز بارادا غیبات اِدِنلِر سیزی یامانلاپ آیدان کِپلِریندِن اوتانارلار.‏

۱ پِطرُس 3:21

اینه، بو سو حَضیر سیزی نِجات بِریَن تَعمیدینگ نیشانیدیر.‏ سیز بِدِنینگیزینگ کیری یوولاندیغی اوچین دَل-ده، عیسی مسیحینگ دیرِلمِسینینگ اوستو بیلِن و پَک وِجدان بیلِن خودایا طاراف اُورولِندیگینگیز اوچین نِجات تاپدینگیز.‏