رِسول‍لار 21:24 - مُقادِّس کیتاب

²⁴ شُل آداملاری یانینگا آل-دا، اُلار بیلِن بیله پَکلِنمه سونِّتینه قُشول و اُلارینگ خارجلارینی سِن بِر.‏ اُندان سُنگ اُلار ساچلارینی سیردیرمالی.‏ شِیلِلیکده، هِمّه‌لِر سِن حاقدا آیدیلان زاتلارینگ یالاندیغینی، سِنینگ-ده موسانینگ شِریغاتینا اینانیپ یاشایاندیغینگی بیلِرلِر.‏

رِسول‍لار 21:24 ပူးပေါင်းရင်းမြစ်များ

یوحنا 11:55

یَهودیلِرینگ پِسَح بایرامی یاقینلاپدی.‏ یوردونگ هِمّه بورچلاریندان گِلِن کَن آداملار پِسَحدان اُنگ پَکلِنیش سونِّتلِرینی بِرجای اِتمِک اوچین اورشلیمه گِلیپدیلِر.‏

یوحنا 3:25

شُل واقت یحیانینگ شَگیرتلِری بیلِن بیر یَهودینینگ آراسیندا یوونوپ-پَکیزلِنمه سونِّتی بارادا جِدِل توردی.‏

رِسول‍لار 18:18

پولس قُرِنتُس‌دا یِنه بیرنَچه گونلَپ قالدی.‏ سُنگرا دُغانلار بیلِن خوشلاشیپ، کِشتی بیلِن سوریَه گیتدی.‏ پریسکیلا بیلِن آکیلا هِم اُنونگ بیلِن گیتدیلِر.‏ پولس خودایا اِدِن واعداسینی ساقلاپ، کِنخریه طاراف یُلا دوشمِزدِن اُنگ، ساچینی سیردیردی.‏

رِسول‍لار 21:26

اِرتیسی گون پولس یانگقی آداملاری یانینا آلیپ، اُلار بیلِن بیله پَکلِنمه سونِّتی یِرینه یِتیردی.‏ اُنسُنگ اُل عیباداتخانا گیریپ، پَکلِنیش گونلِرینینگ هاچان قوتارجاقدیغینی و اُلارینگ هِر بیری اوچین هاچان صاداقا بِرجِکدیگینی اِعلان اِتدی.‏

رِسول‍لار 24:18

بو زاتلار بیلِن مِشغولّانیارقام، اُلار مِنی عیباداتخانادا گُردولِر.‏ مِن پَکلِنیش سونِّتینی بِرجای اِدیَردیم، یانیمدا هیچ هیلی جِماغات-دا، قالماغال-دا یُقدی.‏

۱ قُرِنتُس‌لار 9:20

یَهودیلِری مسیح طارافا گِتیرجِک بُلوپ، اُلار اوچین یَهودیلِر یالی بُلدوم.‏ مِن شِریغاتینگ قولی بُلماسام-دا، شِریغاتا گُرَه یاشایانلاری مسیح طارافا گِتیرجِک بُلوپ، شِریغاتینگ قولی بُلدوم.‏

غَلاطیه‌لِر 2:12

پِطرُس یعقوبینگ ایبِرِن آداملاری گِلمِزدِن اُزال، یَهودی دَل‍لِر بیلِن بیر ساچاق باشیندا اییّپ-ایچیَردی.‏ اِمّا شُل آداملار گِلِنده، پِطرُس سونِّتلِنمِگینینگ طارافدارلاریندان قُرقوپ، یَهودی دَل‍لِردِن آیریلشیپ، اُلار بیلِن قاتناشیغی کِسدی.‏