رِسول‍لار 2:30 - مُقادِّس کیتاب

³⁰ داوود بیر پیغامباردی.‏ خودایینگ قاسام ایچیپ، بِرِن سُزونه گُرَه، داوود اُز نِسلیندِن بیرینی اُنونگ تاختیندا اُتورجاقدیغینی بیلیَردی.‏

رِسول‍لار 2:30 ပူးပေါင်းရင်းမြစ်များ

مَتّیٰ 22:43

عیسی اُلارا شِیله دییدی:‏ ‏«‏اُندا نَمه اوچین داوودینگ اُزی مُقادِّس روحدان ایلهام آلیپ، مسیحه تانگری دییَر؟ اُل شِیله دییّپدیر:‏

مَتّیٰ 27:35

اُنی صلیبه چویلَنلِریندِن سُنگ، قُرعه آتیشیپ لِباسلارینی اُزآرا پایلاشدیلار.‏

مَرقُس 12:36

داوودینگ اُزی مُقادِّس روحدان ایلهام آلیپ، شِیله دییّپدیر:‏ ‏”‏خودای مِنینگ تانگریما شِیله آیتدی:‏ دوشمانلارینگی آیاغینگ آشاغینا سالیانچام، مِنینگ ساغیمدا اُتور.‏“‏

لوقا 24:44

عیسی اُلارا:‏ ‏«‏مِن هِنیز یانینگیزداقام سیزه آیدان سُزلِریم شولاردیر:‏ مِن حاقدا موسانینگ تُورات‌یندا، پیغامبارلارینگ کیتاپلاریندا و زِبوردا یازیلانلارینگ هِمّه‌سی بِرجای بُلمالیدیر»‏ دییدی.‏

رِسول‍لار 1:16

‏«‏اِی عزیزلِر!‏ عیسانی توتماغا گِلِنلِره یُلباشچیلیق اِدِن یهودا حاقدا مُقادِّس روح داوودونگ اوستو بیلِن اُزال-باشدان آیدیلیپدی.‏ مُقادِّس یازغیلارداقی شُل سُزلِر تاماملانمالیدی.‏

رومیلار 1:3

بو خوش خابار خودایینگ اُغلی عیسی مسیح بارادادیر.‏ اُل اینسان طِبیغاتینا گُرَه داوودینگ نِسلیندِندی.‏

رومیلار 15:12

اِشعیا پیغامبار هِم شِیله دییَّر:‏ ‏«‏یَسانینگ کُکی گُرونِر، اُل خالقلارا حُکومدار بُلار، میلِّتلِر اُنگا اومید باغلار.‏»‏

۲ تیموتاوس 2:8

داوودینگ نِسلیندِن بُلان و اُلومدِن دیرِلِن عیسی مسیحی یادا سال.‏ بو مِنینگ واغیظ اِدیَن خوش خاباریمدیر.‏

عِبرانیلار 1:1

خودای قادیم زاماندا آتا-بابالاریمیزا پیغامبارلارینگ اوستو بیلِن کَن گِزِک و هِر هیلی یُل‍لار بیلِن کِپلِدی.‏

عِبرانیلار 3:7

شُنونگ اوچین مُقادِّس روحونگ آیدیشی یالی:‏ ‏«‏بو گون اِگِر سیز مِنینگ سِسیمی اِشیتسِنگیز،

عِبرانیلار 4:7

کَن ییل‍لاردان سُنگرا خودای ‏«‏بو گون»‏ دییِن یِنه بیر گونی بِلَّپ، بو حاقدا داوودونگ اوستو بیلِن اُزال آیدیلیشی یالی کِپلِدی:‏ ‏«‏بو گون اِگِر سیز مِنینگ سِسیمی اِشیتسِنگیز، یورِگینگیزی قاتاتمانگ»‏.‏

عِبرانیلار 6:17

خودای هِم واعداسینی قابول اِدیَنلِره اُز ماقصادینینگ اویتگِمِیَندیگینی بِلّی اِتمِک ایسلِدی.‏ شُنونگ اوچین اُل مونی قاسام بیلِن تاصدیقلادی.‏

عِبرانیلار 7:21

اِمّا لاوی نِسلیندِن بُلان کاهینلار بارادا قاسام ایچمِدی.‏ خودایینگ اُنگا:‏ ‏«‏خودای قاسام ایچدی، اُل اُندان دَنمِز.‏ سِن اِبِدیلیک کاهینسینگ»‏ دییِن قاسامینگ اوستو بیلِن کاهین بُلدی.‏

۲ پِطرُس 1:21

سِبَبی هیچ بیر پیغامبار اینسان ایسلِگی بیلِن نبوّت اِتمِدی.‏ بو آداملار مُقادِّس روح طارافیندان آلنیپ و حِرِکِت اِتدیریلیپ، خودایدان گِلِن سُزلِری آیتدیلار.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

آیانلیق 19:16

اُنونگ دُنوندا و بودوندا ‏«‏پادیشاهلارینگ پادیشاهسی و تانگریلارینگ تانگریسی»‏ دییِن آد یازیلاندیر.‏