رِسول‍لار 16:14 - مُقادِّس کیتاب

¹⁴ بیزی دینگلَپ اُتورانلارینگ آراسیندا لیدییه آدلی بیر سُوداگَر آیال هِم باردی.‏ اُل تیاتیرا شَهریندِن بُلوپ، ارغوان پارچالار ساتیاردی.‏ بو آیال خودایا عیبادات اِدیَردی.‏ پولسینگ سُزلِرینه قولاق آسماق اوچین، خودای اُنونگ یورِگینی آچدی.‏

رِسول‍لار 16:14 ပူးပေါင်းရင်းမြစ်များ

لوقا 24:45

سُنگرا مُقادِّس یازغیلارا دوشونمِکلِری اوچین، اُلارینگ فیکرلِرینی آچدی.‏

یوحنا 12:20

بایرامچیلیقدا عیبادات اِتمَگه اورشلیمه گِلِنلِرینگ آراسیندا بیرنَچه یونانیلار-دا باردی.‏

رِسول‍لار 10:2

کُرنیلیوس دیندار آدام بُلوپ، اُزی هِم، اُی-ایچِرسی هِم خودایا عیبادات اِدیَردی.‏ اُل خالقینگ آراسینداقی مَحتَجلِره کَن کُمِک اِدیپ، اِلمیداما خودایا دُغا اِدِردی.‏

رِسول‍لار 11:21

اُلاردا خودایینگ قودراتی باردی، شُنونگ اوچین کَن آداملار ایمان گِتیریپ، خودایی طارافا گیتدیلِر.‏

رِسول‍لار 13:43

کِنیسه‌دَکی خالق گیدِندِن سُنگ، یَهودیلِرینگ و یَهودی دینینی قابول اِدِنلِرینگ کَنسی پولس بیلِن بارنابانینگ ایزینا دوشدولِر.‏ پولس بیلِن بارنابا اُلارا هِمیشه خودایینگ مِرحِمِتی بیلِن یاشاماقلارینی ناصیحات اِتدیلِر.‏

رِسول‍لار 13:50

اِمّا یَهودیلِر شَهرینگ اولی مِرتِبه‌لی دیندار آیال‍لارینی و آد-آبرایلی اِرکِکلِرینی پولس بیلِن بارنابانینگ قارشیسینا قاهارلاندیردیلار.‏ شِیلِلیکده، اُلاری آزارلاپ، اُز یورتلاریندان کُووپ چیقاردیلار.‏

رِسول‍لار 16:40

پولس بیلِن سیلاس زینداندان چیقیپ، لیدییِنینگ اُیونه باردیلار.‏ اُلار بو یِرده ایماندارلار بیلِن دوشوشیپ، اُلاری قوواتلاندیردیلار، سُنگرا اُل یِردِن گیتدیلِر.‏

رِسول‍لار 18:7

اُنسُنگ پولس اُل یِردِن چیقیپ، تیتوس یوستوس آدلی بیر آدامینگ اُیونه باردی.‏ تیتوس یوستوس خودایا عیبادات اِدیَن آدام بُلوپ، اُنونگ اُیی کِنیسه بیلِن یاناشیقدی.‏

رِسول‍لار 8:27

اُل هِم توروپ، یُلا دوشدی.‏ گیدیپ باریارقا، اِتیوپیلی بیر آغتا آداما دوشدی.‏ اُل اِتیوپینینگ مِلِکِسی کانداکانینگ باش وِزیرلِرینینگ بیریدی و اُنونگ هِمّه خازیناسینی دُلاندیریاردی.‏ اُل اورشلیمه عیبادات اِتمَگه گِلیپ،

رومیلار 9:16

شُنونگ اوچین-ده، سایلانیپ-سِچیلمه آدامینگ ایسلِگینه یا-دا تاقالّاسینا دَل-ده، خودایینگ مِرحِمِتینه باغلیدیر.‏

فیلیپیلِر 2:13

چونکی خودای اُز ایسلِگینه گُرَه ایشلِری اِتمِک اوچین سیزه قووات بِریپ، سیزدَکی ایشینی عِمِل اِدیَر.‏

آیانلیق 1:11

اُل سِس:‏ ‏«‏گُریَنلِرینگی طوماردا یاز و اُنی یِدی کِلیسایا:‏ اِفِسُسا، اِزمیره، پِرغاموسا، تیاتیرا، ساردِسه، فیلادِلفیه و لائودیکیه ایبِر»‏ دییدی.‏

آیانلیق 3:20

اینه، مِن قاپیدا دورین، قاپینی قاقیارین.‏ سِسیمی اِشیدیپ، قاپینی آچانینگ اُیونه گیرِرین.‏ مِن اُنونگ بیلِن، اُل هِم مِنینگ بیلِن بیر سُفره‌دا اُتورار.‏

آیانلیق 3:7

‏«‏فیلادِلفیه‌دَکی کِلیسانینگ پِریشده‌سینه شونی یاز:‏ ‏«‏بو خابار مُقادِّس و حاقیقی بُلانداندیر.‏ اُل داوود پیغامبار آچارینینگ اِیه‌سیدیر.‏ اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز.‏ اینه، اُل شِیله دییَّر:‏