رِسول‍لار 15:11 - مُقادِّس کیتاب

¹¹ یُق!‏ بیز اُزومیزینگ هِم، اُلارینگ هِم تانگریمیز عیسانینگ مِرحِمِتی بیلِن نِجات تاپیاندیغیمیزا اینانیاریس.‏»‏

رِسول‍لار 15:11 ပူးပေါင်းရင်းမြစ်များ

رومیلار 3:24

یُنه اُلار خودایینگ مِرحِمِتینینگ اوستو بیلِن مُفت آقلاندیلار و عیسی مسیحینگ اوستو بیلِن گونَه‌لِرینینگ جِزاسیندان آزاد اِدیلدیلِر.‏

رومیلار 5:15

اِمّا خودایینگ ناغمات بِرِن مِرحِمِتینی آدام آتانینگ گونَه‌سی بیلِن دِنگِشدیریپ-ده بُلماز!‏ چونکی بیر آدامینگ گونَه‌سی کَن آداملاری اُلومه دوچار اِتدی.‏ باشغا بیر آدامینگ، یَعنی عیسی مسیحینگ مِرحِمِتینینگ اوستو بیلِن بُلسا کَن آداملار خودایینگ بو ناغماتینی بُلدان-بُل آلدی.‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

۱ قُرِنتُس‌لار 16:23

قُی، تانگریمیز عیسی مسیحینگ مِرحِمِتی سیزه یار بُلسون!‏

۲ قُرِنتُس‌لار 13:14

قُی، تانگریمیز عیسی مسیحینگ مِرحِمِتی، خودایینگ سُیگوسی و مُقادِّس روحونگ قاتناشیغی سیزینگ هِمَّه‌نگیزده بُلسون!‏

۲ قُرِنتُس‌لار 8:9

چونکی سیز تانگریمیز عیسی مسیحینگ مِرحِمِتینی بیلیَنگیز:‏ اُل بای بُلسا-دا، سیزینگ خاطیرانگیز اوچین قاریپ بُلدی.‏ عیسی مسیح مونی اُز قاریپلیغینینگ اوستو بیلِن سیزینگ بای بُلماغینگیز اوچین اِدیپدی.‏

غَلاطیه‌لِر 1:6

مِن عیسی مسیحینگ مِرحِمِتی بیلِن سیزی چاغیران خودایدان بِیله تیز دَنیپ، باشغا بیر خوش خاباری قابول اِدیشینگیزه خاص حایران قالیارین.‏

غَلاطیه‌لِر 2:16

آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏

تیتوس 2:11

چونکی خودایینگ هِمّه‌لِری نِجات بِریَن مِرحِمِتی اَشکَر بُلدی.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏