رِسول‍لار 14:1 - مُقادِّس کیتاب

¹ پولس بیلِن بارنابا قونیه شَهرینده هِم عادات بُلشی یالی یَهودیلِرینگ کِنیسه‌سینه باردیلار.‏ اُل یِرده اُلار شِیله بیر گویچلی واغیظ اِدِنلِری اوچین، کَن سانلی یَهودیلِر و باشغا میلِّتلِر ایمان گِتیردیلِر.‏

رِسول‍لار 14:1 ပူးပေါင်းရင်းမြစ်များ

مَرقُس 7:26

اُل آیالینگ آصلی سوریه‌نینگ فینیقیه اولکه‌سیندِن بُلوپ، اُل یَهودی دَلدی.‏ اُل قیزیندان جینی کُووپ چیقارماغینی ایسلَپ، عیسی یالباردی.‏

یوحنا 12:20

بایرامچیلیقدا عیبادات اِتمَگه اورشلیمه گِلِنلِرینگ آراسیندا بیرنَچه یونانیلار-دا باردی.‏

یوحنا 7:35

اُنسُنگ یَهودی باشلیغلاری بیری-بیرینه:‏ ‏«‏بو آدام بیز تاپیپ بیلمِز یالی، نیرَه گیتجِکَّه؟ یونانیلارینگ آراسینا دارغاپ گیدِن یَهودیلِرینگ یانینا گیدیپ، یونانیلارا-دا تَعلیم بِرجِکمیکَه؟

رِسول‍لار 11:21

اُلاردا خودایینگ قودراتی باردی، شُنونگ اوچین کَن آداملار ایمان گِتیریپ، خودایی طارافا گیتدیلِر.‏

رِسول‍لار 13:43

کِنیسه‌دَکی خالق گیدِندِن سُنگ، یَهودیلِرینگ و یَهودی دینینی قابول اِدِنلِرینگ کَنسی پولس بیلِن بارنابانینگ ایزینا دوشدولِر.‏ پولس بیلِن بارنابا اُلارا هِمیشه خودایینگ مِرحِمِتی بیلِن یاشاماقلارینی ناصیحات اِتدیلِر.‏

رِسول‍لار 13:46

پولس بیلِن بارنابا هِم باتیرلیق بیلِن شِیله دییدیلِر:‏ ‏«‏خودایینگ خوش خاباری اَوَّل سیزه واغیظ اِدیلمِلیدی.‏ اِمّا سیز اُنی رِد اِتدینگیز!‏ بو بُلسا سیزینگ اِبِدی یاشایشا میناسیپ دَلدیگینگیزی بِلّی اِدیَر.‏ شُنونگ اوچین بیز باشغا میلِّتلِره یوزلِنیَریس.‏

رِسول‍لار 13:5

اُنسُنگ سالامیسه گِلیپ، یَهودیلِرینگ کِنیسه‌لِرینده خودایینگ خوش خابارینی واغیظ اِتدیلِر.‏ یوحنا هِم اُلارینگ یانیندا بُلوپ، کُمِک بِریَردی.‏

رِسول‍لار 13:51

بو ایکی رِسول بُلسا اُلارا قارشیلیق حُکمونده، آیاقلارینینگ تُزونی قاقیپ، قونیه شَهرینه گیتدیلِر.‏

رِسول‍لار 14:19

اِمّا انطاکیه‌دِن و قونیه‌دِن گِلِن یَهودیلِر خالقی آزدیریپ، پولسی داشلادیلار و اُلِندیر دییّپ گومَن اِدیپ، اُنی شَهردِن سویرَپ چیقاردیلار.‏

رِسول‍لار 14:2

اِمّا ایمان گِتیرمِدیک یَهودیلِر باشغا میلِّتلِری بو ایکی رِسولینگ اوستونه آزدیریپ، ایماندارلارا قارشی اُلارینگ فیکرینی زَهِرلِدیلِر.‏

رِسول‍لار 14:21

دِربه‌ده اُلار خوش خاباری واغیظ اِدیپ، کَن شَگیرت ییغنادیلار.‏ سُنگرا لِستره، قونیه و انطاکیَه دُلانیپ گِلدیلِر.‏

رِسول‍لار 16:1

پولس دِربه و لِستره شَهرلِرینه گِلدی.‏ لِستره‌ده تیموتاوس آدلی عیسانینگ بیر شَگیردی باردی.‏ اُنونگ اِنه‌سی ایمانلی یَهودیدی، آتاسی بُلسا یونانیدی.‏

رِسول‍لار 16:2

لِستره‌دَکی و قونیه‌دَکی دُغانلار اُل بارادا قاوی سُزلِر آیدیاردیلار.‏

رِسول‍لار 17:12

یَهودیلِرینگ کَنسی، شِیله هِم آد-آبرایلی اِنچِمه یونانی آیال‍لاری و اِرکِکلِری عیسی ایمان گِتیردیلِر.‏

رِسول‍لار 17:17

شُنونگ اوچین پولس کِنیسه‌ده یَهودیلِر و خودایا عیبادات اِدیَن کَن یونانیلار بیلِن گورّونگلِشدی.‏ شِیله هِم هِر گون بازاردا دوش گِلِن آداملار بیلِن گورّونگ اِتدی.‏

رِسول‍لار 17:4

اُلاردان کَبیری پولس بیلِن سیلاسا اینانیپ، اُلارا قُشولدیلار.‏ شِیله هِم خودایا عیبادات اِدیَن کَن سانلی یونانیلار و اولی مِرتِبه‌لی اِنچِمه آیال‍لار اُلارا قُشولدیلار.‏

رِسول‍لار 18:4

پولس هِر سَبَّت گونی کِنیسه‌ده خوش خابار حاقدا فیکر آلشیپ، یَهودیلِری و یونانیلاری ایناندیرماغا چالیشیاردی.‏

رِسول‍لار 18:8

کِنیسه باشلیغی کریسپوس هِمّه اُی-ایچِرسی بیلِن بیله خودایا ایمان گِتیردی.‏ پولسی دینگلَن اِنچِمه قُرِنتُس‌لیلار هِم ایمان گِتیریپ، تَعمید آلدیلار.‏

رِسول‍لار 19:10

بو ایش ایکی ییل دُوام اِتدی.‏ شِیدیپ، آسیا وِلایاتیندا یاشایانلارینگ هِمّه‌سی:‏ یَهودیلِر و یونانیلار هِم خوش خاباری اِشیتدیلِر.‏

رِسول‍لار 19:17

اِفِسُسدا یاشایان یَهودیلِرینگ و یونانیلارینگ هِمّه‌سی بو واقانی اِشیدیپ قُرقدولار و تانگریمیز عیسانینگ آدی بِیگِلدی.‏

رِسول‍لار 19:8

پولس اوچ آیلاپ کِنیسه باریپ، اُل یِرده خالقا ایناندیریجی دِلیل‍لِر بیلِن خودایینگ پادیشاهلیغی بارادا باتیرلیق بیلِن آیدیپ و فیکر آلیشدی.‏

رِسول‍لار 2:47

خودایا شوکور اِدیپ، تامام ایل ایچینده عزیز گُرونیَردیلِر.‏ خودای هِم نِجات تاپیانلارینگ سانینی هِر گون کَنِلدیَردی.‏

رِسول‍لار 20:21

مِن یَهودیلِری-ده، یونانیلاری-دا توبا اِدیپ، خودایا دُلانماغا و تانگریمیز عیسی مسیحه ایمان گِتیرمَگه چاغیردیم.‏

رِسول‍لار 21:28

اُلار:‏ ‏«‏اِی اسرائیل خالقی!‏ کُمِک اِدینگ!‏ بو آدام هِمّه یِرده بیزینگ خالقیمیزا، موسانینگ بیزه بِرِن شِریغاتینا، عیباداتخانامیزا قارشی هِمّه‌لِره تِرس تَعلیم بِریَر.‏ موندان باشغادا، یونانیلاری عیباداتخانا گِتیریپ، بو مُقادِّس یِری حارام اِتدی»‏ دییّپ قیغیردیلار.‏

رِسول‍لار 9:20

شُل واقتدا کِنیسه‌لِره باریپ، ‏«‏عیسی خودایینگ اُغلی»‏ دییّپ واغیظ اِتمَگه باشلادی.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

رومیلار 10:12

بو یَهودیلِره-ده، یَهودی دَل‍لِره-ده دِگیشلیدیر.‏ سِبَبی تانگری هِمّه‌لِرینگ تانگریسیدیر، اُل اُزونی چاغیریانلارینگ بارینا بِرِکِت بِریَندیر.‏

غَلاطیه‌لِر 2:3

اُلار بُلسا یانیمداقی تیتوسی، حتّیٰ اُنونگ یونانیدیغینا-دا باقمازدان، اُنی سونِّتلِنمَگه مِجبور اِتمِدیلِر.‏

غَلاطیه‌لِر 3:28

ایندی نه یَهودی، نه-ده یونانی، نه قول، نه-ده آزاد آدام، نه اِرکِک، نه-ده آیال بار، چونکی سیزینگ بارینگیز عیسی مسیحده بیرسینگیز.‏

کولُسیلِر 3:11

بو یارادیلیشدا یَهودی بیلِن یونانی، سونِّت بُلان و سونِّت بُلمادیق، نادان بیلِن ظالیمینگ، قول بیلِن آزادینگ آراسیندا هیچ بیر فارق یُقدور، اِمّا مسیح هِمّه زاتدیر و هِمّه زاتدادیر.‏

۲ تیموتاوس 3:11

انطاکیه، قونیه و لِستره شَهرلِریندَکی آزارلانمالار سِبَبی گُرِن زَحمِتلِریمی، اُلارا نَدِرِجِده جیداندیغیمی هِم بیلیَنسینگ.‏ خودای مِنی بو زَحمِتلِرینگ باریندان آزاد اِتدی.‏