رِسول‍لار 13:16 - مُقادِّس کیتاب

¹⁶ شِیلِلیکده، پولس یِریندِن توروپ، اُلارا اِلی بیلِن یوواش بُلماقلارینی ایشارات اِتدی.‏ سُنگرا اُل سُزه باشلادی:‏ ‏«‏اِی اسرائیل‌لیلار و خودایا عیبادات اِدیَن باشغا خالقلار، مانگا قولاق آسینگ!‏

رِسول‍لار 13:16 ပူးပေါင်းရင်းမြစ်များ

مَتّیٰ 11:15

اِشیتمَگه قولاغی بار آدام اِشیتسین!‏

لوقا 1:22

زِکِریا داشاری چیقاندا، اُلار بیلِن کِپلِشیپ بیلمِدی.‏ شُندا اُلار عیباداتخانادا اُنونگ بیر گُرنوش گُرِندیگینه گُز یِتیردیلِر، سِبَبی زِکِریا اُلارا ایشارا بیلِن ایشارات اِدیَردی، اِمّا کِپلِشیپ بیلمِیَردی.‏

لوقا 1:50

اُل نِسیل‍لِر بُیی اُزوندِن قُرقیانلارا مِرحِمِت اِدِر.‏

لوقا 23:40

ایکینجی جِنایاتچی بُلسا مونی آیدانا کَییپ:‏ ‏«‏سِن خودایدان قُرقانگُقمی؟ سِن هِم اُنونگ بیلِن بیر جِزانی چِکیَرسینگ!‏

رِسول‍لار 10:2

کُرنیلیوس دیندار آدام بُلوپ، اُزی هِم، اُی-ایچِرسی هِم خودایا عیبادات اِدیَردی.‏ اُل خالقینگ آراسینداقی مَحتَجلِره کَن کُمِک اِدیپ، اِلمیداما خودایا دُغا اِدِردی.‏

رِسول‍لار 10:35

قایتام، اُل اُزوندِن قُرقانی و دُغری ایش اِدِن هِر کِسی میلِّتینه باقمازدان قابول اِدیَندیر.‏

رِسول‍لار 12:17

پِطرُس اُلارا اِلی بیلِن یوواش بُلماقلارینی ایشارات اِتدی.‏ اُنسُنگ خودایینگ اُزونی زینداندان نَهیلی آزاد اِدِندیگینی اُلارا گورّونگ بِردی.‏ سُنگرا:‏ ‏«‏مونی یعقوبا و بِیلِکی دُغانلارا خابار بِرینگ»‏ دییدی-ده، باشغا یِره چیقیپ گیتدی.‏

رِسول‍لار 13:26

‏«‏اِی دُغانلار، ابراهیمینگ نِسیل‍لِری!‏ اِی خودایا عیبادات اِدیَن باشغا میلِّتلِر!‏ نِجات بِریَنیمیز باراداقی بو خابار بیزه بِریلدی.‏

رِسول‍لار 13:46

پولس بیلِن بارنابا هِم باتیرلیق بیلِن شِیله دییدیلِر:‏ ‏«‏خودایینگ خوش خاباری اَوَّل سیزه واغیظ اِدیلمِلیدی.‏ اِمّا سیز اُنی رِد اِتدینگیز!‏ بو بُلسا سیزینگ اِبِدی یاشایشا میناسیپ دَلدیگینگیزی بِلّی اِدیَر.‏ شُنونگ اوچین بیز باشغا میلِّتلِره یوزلِنیَریس.‏

رِسول‍لار 19:33

اُنسُنگ یَهودیلِرینگ ایتیکلِمِگی بیلِن، جِماغاتینگ ایچیندِن اسکندر دییِن بیر آدامی اُوه چیقاردیلار.‏ کَبیر آداملار نَمه دییمِلیدیگینی اُنگا قیغیریپ آیتدیلار.‏ اسکندر اِلی بیلِن ایشارات اِدیپ، خالقینگ اُوونده کِپلَپ، اُزونی قُریجاق بُلدی.‏

رِسول‍لار 2:14

شُندا پِطرُس اُنبیر رِسول‍لار بیلِن بیله یِریندِن توروپ، قاتی سِس بیلِن شِیله دییدی:‏ ‏«‏اِی یَهودیلِر و اورشلیم ایلاتی!‏ مونونگ مَعنیسینی سیزه دوشوندیرِیین، مِنینگ سُزلِریمه قولاق آسینگ.‏

رِسول‍لار 2:22

‏«‏اِی اسرائیل خالقی!‏ بو سُزلِره قولاق آسینگ:‏ اُز بیلشینگیز یالی، خودای ناصِره‌لی عیسانینگ اوستو بیلِن آرانگیزدا مُعجِزه‌لِر، عجاییپ زاتلار و عالاماتلار گُرکِزدی و مونونگ بیلِن اُل عیسانینگ حاقیقاتدیغینی تاصدیقلادی.‏

رِسول‍لار 21:40

سِردار پولسه اِجازا بِرِنده، اُل باسّانچاغینگ اوستونده دوروپ، خالقا یوواش بُلماغی اِلی بیلِن ایشارات اِتدی.‏ آداملار سِسّیز بُلانسُنگ، پولس اُلارا عِبرانی دیلینده یوزلِنیپ، شِیله آیتدی:‏

رِسول‍لار 22:22

خالق پولسی شو یِره چِنلی دینگلِدی، اِمّا بو سُزی اِشیدِنلِرینده، قاتی سِس بیلِن:‏ ‏«‏بو آدامی یِر یوزوندِن یُق اِدینگ!‏ اُل یاشاماغا میناسیپ دَل»‏ دییّپ قیغیردیلار.‏

رِسول‍لار 3:12

پِطرُس مونی گُرِنده، خالقا یوزلِنیپ، شِیله دییدی:‏ ‏«‏اِی اسرائیل خالقی!‏ نَمه اوچین مونگا حایران قالیارسینگیز؟ نَمه اوچین بیز بو آدامی اُز قودراتیمیز یا تاقوالیغیمیز بیلِن یُرِدِن یالی، بیزه بِیله دیقّات بیلِن گُزلِیَرسینگیز؟

آیانلیق 2:11

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آدام ایکینجی اُلومینگ زییانلارینا دوچار بُلماز.‏»‏

آیانلیق 2:17

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما گوزگین ساقلانان مانّادان بِرِرین.‏ موندان باشغا-دا، اُنگا یوزونه تَزه آد یازیلان بیر آق داش بِرِرین.‏ بو آدی، داشی آلجاق آدامدان باشغا هیچ کیم بیلمِز.‏»‏

آیانلیق 2:29

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏»‏

آیانلیق 2:7

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما خودایینگ جِنِّتدَکی یاشاییش باغینینگ میوه‌سیندِن اییمَگه اِجازا بِرِرین.‏»‏