رِسول‍لار 11:23 - مُقادِّس کیتاب

²³ بارنابا گِلِنده، خودایینگ مِرحِمِتینینگ دِلیلینی گُروپ شاد بُلدی.‏ اُل خودایا تویس یورِکدِن وِفادار بُلماغی هِمّه‌لِره ناصیحات اِتدی.‏

رِسول‍لار 11:23 ပူးပေါင်းရင်းမြစ်များ

مَتّیٰ 16:24

سُنگرا عیسی شَگیرتلِرینه یوزلِنیپ:‏ ‏«‏کیم مِنینگ ایزیما دوشمِک ایسلِیَن بُلسا، اُزونی اینکَر اِتسین-ده، صلیبینی آلیپ، ایزیما دوشسون.‏

مَرقُس 2:5

عیسی اُلارینگ ایمانینی گُروپ، فِلِجه:‏ ‏«‏اُغلوم، سِنینگ گونَه‌لِرینگ باغیشلاندی»‏ دییدی.‏

یوحنا 15:4

مِنده یاشانگ، مِن هِم سیزده یاشایین.‏ اوزوم باغیندان آیریلان شاخا اُز-اُزوندِن میوه بِریپ بیلمِیشی یالی، مِندِن آیریلسانگیز، سیز هِم میوه بِریپ بیلمِرسینگیز.‏

رِسول‍لار 13:43

کِنیسه‌دَکی خالق گیدِندِن سُنگ، یَهودیلِرینگ و یَهودی دینینی قابول اِدِنلِرینگ کَنسی پولس بیلِن بارنابانینگ ایزینا دوشدولِر.‏ پولس بیلِن بارنابا اُلارا هِمیشه خودایینگ مِرحِمِتی بیلِن یاشاماقلارینی ناصیحات اِتدیلِر.‏

رِسول‍لار 14:22

اُلار شَگیرتلِری قوواتلاندیردیلار و اُلارا ایماندا قاییم دورماغی ناصیحاتلاپ:‏ ‏«‏خودایینگ پادیشاهلیغینا گیرمِگیمیز اوچین، بیزینگ کَن قینچیلیقلاری باشدان گِچیرمِگیمیز گِرِک»‏ دییَّردیلِر.‏

رِسول‍لار 14:26

اُل یِردِن هِم اُلار کِشتیلی انطاکیَه دُلانیپ گِلدیلِر.‏ پولس بیلِن بارنابا بو شَهرده اُزلِرینی خودایینگ مِرحِمِتینه تابشیریپ، اِدیل شو یِردِن ایندی تاماملان ایشلِرینی یِرینه یِتیرمَگَه اوغراپدیلار.‏

رِسول‍لار 15:40

پولس بُلسا سیلاسی سایلادی، ایماندارلار اُلاری خودایینگ مِرحِمِتینه تابشیرانلاریندان سُنگرا، اُلار یُلا دوشدولِر.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

رِسول‍لار 20:32

‏«‏ایندی بُلسا مِن سیزی خودایا و اُنونگ مِرحِمِتلی سُزونَه تابشیریارین.‏ بو سُز سیزه گویچ-قودرات بِرِر و مُقادِّس بُلانلارینگ آراسیندا میراث بِرِر.‏

رِسول‍لار 4:36

ایماندارلارینگ آراسیندا لاویلاردان بُلان یوسف آدلی بیر آدام باردی.‏ اُنونگ آصلی قِپرِسدِندی.‏ رِسول‍لار اُنگا بارنابا، یَعنی ‏«‏گُوونلیک بِریَنچی»‏ دییّپ آد قُیوپدیلار.‏

رومیلار 12:8

اِگِر گُوونلیک بِریَن بُلسا، قُی، گُوونلیک بِرسین، مَحتَجلِره خاییر-ساخاوات اِدیجی بُلسا، مونی ساخیلیق بیلِن اِتسین.‏ اِگِر یُلباشچیلیق بِرلِن بُلسا، مونی ایخلاص بیلِن یِرینه یِتیرسین.‏ اِگِر رِحم-شِپاقات اِتمِکلیک بِرلِن بُلسا، مونی شاتلیق بیلِن اِتسین.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۲ قُرِنتُس‌لار 1:17

اُندا مِن اُز نییِت اِدِنلِریمده ایکی گُوونلیمی؟ یا-دا بولاری نییِت اِدِنیمده بو دونیَه‌نینگ آداملاری یالی اویتگَپ، اَوَّل ‏«‏هاووا، هاووا»‏، سُنگرا-دا ‏«‏یُق، یُق»‏ دییَّرینمی نَمه؟

۲ قُرِنتُس‌لار 6:1

بیز خودایینگ هِمکَرلِری حُکمونده سیزه یالباریاریس:‏ اُندان آلان مِرحِمِتینگیزی بی‌قادیر توتمانگ.‏

کولُسیلِر 1:6

شو خوش خابار هِمّه دونیَه یایراپ میوه بِریپ گِلیَر.‏ خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر.‏

۲ تیموتاوس 3:10

اِمّا سِن مِنینگ تَعلیماتیمی، بُلوشیمی، ماقصادیمی، ایمانیمی، صابیر-طاقاتیمی، سُیگیمی، جیداملیلیغیمی بیلیَنسینگ.‏

۱ پِطرُس 5:12

بو قیسغا نامه‌می سیزه وِفالی دُغانیم سیلاسینگ اوستو بیلِن یازدیم.‏ مونونگ بیلِن سیزی گُوونلیک بِریپ، خودایینگ حاقیقی مِرحِمِتینه شاهاتلیق اِتدیم.‏ شُندا قاییم دورونگ.‏

۱ یوحنا 2:28

ایندی، اِی بالالار، مسیح گِلِنده اینامیمیز بُلوپ، اُنونگ حوضوریندا اوتانماز یالی، اُنونگ بیلِن یاشایلینگ.‏

۳ یوحنا 1:4

مِنینگ اوچین فِرزِنتلِریمینگ حاقیقاتا گُرَه یاشایاندیقلارینی اِشیتمِکدِن اولی شاتلیق یُقدور.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏