رِسول‍لار 10:43 - مُقادِّس کیتاب

⁴³ هِمّه پیغامبارلار هِم عیسی حاقدا شاهاتلیق اِتدیلِر.‏ عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.‏»‏

رِسول‍لار 10:43 ပူးပေါင်းရင်းမြစ်များ

مَرقُس 16:16

ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.‏

لوقا 24:47

شِیله هِم توبا اِدیپ، گونَه‌لِرینینگ باغیشلانماغی باراداقی خوش خاباری اورشلیمدِن باشلاپ، هِمّه میلِّتلِره اُنونگ آدیندان واغیظ اِدیلمِلیدیر.‏

یوحنا 1:45

فیلیپُس ناتاناییلی تاپیپ، اُنگا:‏ ‏«‏بیز موسانینگ تُورات‌یندا و پیغامبارلارینگ یازغیلاریندا یازیلان آدامی تاپدیق.‏ اُل ناصِره‌لی یوسفینگ اُغلی عیسی میشدیق!‏»‏ دییدی.‏

یوحنا 20:31

یُنه بولار سیزینگ عیسانینگ خودایینگ اُغلی مسیحدیگینه ایمان گِتیرمِگینگیز اوچین و ایمان گِتیریپ، اُنونگ آدی بیلِن یاشایشا قاووشماغینگیز اوچین یازیلدی.‏

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رِسول‍لار 26:22

اِمّا شو گونه چِنلی خودای مانگا کُمِک اِتدی.‏ شُنونگ سایه‌سیندا اولودان-کیچَه، هِمّه‌لِره شاهاتلیق اِدیپ گِلیَرین.‏ بُلجاق زاتلاری اُنگدِن خابار بِرِن پیغامبارلارینگ و موسانینگ آیدانلاریندان باشغا هیچ زات اُورِدِن دَلدیرین.‏

رِسول‍لار 3:16

اینه، سیزینگ گُریَن هِم تانییان بو آدامینگیز عیسانینگ آدینا بُلان ایمانینینگ اوستو بیلِن گُزونگیزینگ اُوونده دویبوندِن شِفا تاپدی.‏ سیزینگ هِمَّه‌نگیزینگ گُرشونگیز یالی، عیسی بُلان بو ایمان اُنی شِفا بِردی.‏

رِسول‍لار 3:18

اِمّا خودای اُز مسیحینینگ عاذاپ گُرجِکدیگی بارادا هِمّه پیغامبارلارینگ اوستو بیلِن اُنگدِن آیدانلارینی بِرجای اِتدی.‏

رومیلار 10:11

مُقادِّس یازغیلار هِم:‏ ‏«‏کیم اُنگا بیل باغلاسا هیچ اوتاندیریلماز»‏ دییَّندیر.‏

رومیلار 3:21

یُنه ایندی خودای آقلانمانینگ شِریغاتا دِگیشلی دَل یُلونی گُرکِزدی.‏ بو یُل بارادا تُورات و پیغامبارلارینگ یازغیلاری هِم شاهاتلیق اِدیَر.‏

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 8:34

بیزی کیم مَحکوم اِدیپ بیلِر؟ هیچ کیم، سِبَبی اُلوپ دیرِلِن عیسی مسیح خودایینگ ساغیندا اُتوریپ، بیزینگ اوچین تُوِلّا اِدیَر.‏

غَلاطیه‌لِر 3:22

اِمّا مُقادِّس یازغیلارینگ اِعلان اِتمِگینه گُرَه، بیزینگ هِمَّه‌میز گونَه دانگیلاندیریس.‏ خودای بُلسا بیزه واعدا بِرِنینی عیسی مسیحه ایمان گِتیریَنیمیز اوچین هُدورلِیَر.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

کولُسیلِر 1:14

اُز اُغلونینگ اوستو بیلِن بیزی آزادلیغا چیقاردی، یَعنی گونَه‌لِریمیزی باغیشلادی.‏

عِبرانیلار 13:20

ایسلِگینی یِرینه یِتیرمِگیمیز اوچین، قُی، پاراحاتلیق بِریَن خودای بیزی هِمّه گِرِکلی زاتلار بیلِن دُلی تاییار اِتسین.‏ اُل تانگریمیز عیسانی اِبِدیلیک عَهد باغلاشیان قانینینگ اوستو بیلِن اُلومدِن دیرِلتدی و اُنی اُز قُیونلارینینگ یَعنی خالقینینگ بِییک چُپانی اِدیپ بِلِّدی.‏ قُی، خودای اُزونی خُشنود اِدیَن ایشلِری اِتمِگیمیز اوچین، عیسی مسیحینگ اوستو بیلِن بیزی کَمیلِّشدیرسین.‏ عیسی مسیحه اِبِدی بِییکلیک بُلسون!‏ اَمین.‏

۱ پِطرُس 1:11

اُلارینگ قالبینداقی مسیحینگ روحی اُنونگ چِکمِلی عاذاپلاری و عاذاپلاردان سُنگقی بِییکلیگی بارادا اُوالدان اَشکَر اِتدی.‏ اُلار بولارینگ نَهیلی و هاچان بُلجاقدیغی بارادا مُقادِّس روحونگ نَمه گُرکِزیَندیگینی دوشوندیرمَگَه چالیشدیلار.‏

آیانلیق 19:10

مِن پِریشدَه سِجده اِتمِک اوچین، اُنونگ آیاقلارینا ییقیلدیم.‏ اِمّا اُل مانگا شِیله دییدی:‏ ‏«‏یُق، مانگا سِجده اِتمه!‏ مِن هِم سِن و عیسی بارادا شاهاتلیق اِدیَن ایماندارلارینگ یالی خودایینگ بیر خیدماتکَریدیرین.‏ خودایا سِجده اِت!‏ عیسی بارادا شاهاتلیق اِدیَنلِر نبوّتلیق روحونا اِیه بُلیاندیرلار.‏»‏