۳ یوحنا 1:4 - مُقادِّس کیتاب

⁴ مِنینگ اوچین فِرزِنتلِریمینگ حاقیقاتا گُرَه یاشایاندیقلارینی اِشیتمِکدِن اولی شاتلیق یُقدور.‏

۳ یوحنا 1:4 ပူးပေါင်းရင်းမြစ်များ

۲ قُرِنتُس‌لار 6:13

مِن سیزه خاص اُز فِرزِنتلِریمه آیدیان یالی آیدیارین:‏ بیز یورِگیمیزی سیزه آچیشیمیز یالی، سیز-ده یورِگینگیزی بیزه آچینگ.‏

غَلاطیه‌لِر 2:14

مِن اُلارینگ اِدیَن حِرِکِتلِرینینگ خوش خابارینگ حاقیقاتینا لاییق دَلدیگینی گُردوم.‏ شُندا مِن هِمّه‌لِرینگ اُوونده پِطرُسینگ یوزونه گِلیپ، شِیله دییدیم:‏ ‏«‏سِن یَهودی بُلسانگ-دا، یَهودیلِر یالی یاشامایارسینگ.‏ سِن یَهودی دَل‍لِر یالی یاشایارسینگ.‏ اُنسُنگ سِن نَمه اوچین یَهودی دَل‍لِری یَهودیلِر یالی یاشاماغا مِجبور اِدیَرسینگ؟»‏

غَلاطیه‌لِر 4:19

اِی عزیز بالالاریم!‏ سیز تا عیسی مسیحینگ شِکلینه اِیه بُلیانچانگیز، مِن یِنه-ده سیزینگ اوچین دُغورما دِردلِرینی چِکیَن یالی بُلیارین.‏

۱ تِسالونیکیلِر 2:11

بیز سیزی اُز پادیشاهلیغینا، بِییکلیگینَه چاغیریان خودایا میناسیپ یاشاماغینگیزی تابشیردیق.‏ بیز سیزینگ هِر بیرینگیزه آتانینگ اُز اُغلانلارینا باقِیشی کیمین باقِیپ، سیزی قوواتلاندیردیق و گُوونلیک بِردیک.‏ بولارینگ بارینی اُزونگیز-ده بیلیَنسینگیز.‏

۱ تیموتاوس 1:2

تیموتاوسا دُغایی سالام!‏ اِی تیموتاوس، سِن اُز ایمانینگ اوستو بیلِن مانگا حاقیقی اُغول بُلانسینگ.‏ قُی، آتامیز خودایینگ و تانگریمیز عیسی مسیحینگ مِرحِمِتی، رِحم-شِپاقاتی و پاراحاتلیغی سانگا بُلسون!‏

فیلیمون 1:10

زیندانلیق زامانیمدا مانگا اُغول بُلان اونِسیموس اوچین یالباریارین.‏

۱ یوحنا 2:1

عزیز بالالاریم!‏ مِن سیزه شولاری گونَه اِتمِزلیگینگیز اوچین یازیارین.‏ اِمّا کیمدیر بیری گونَه اِتسه، آتانینگ حوضوریندا تُوِلّاچیمیز، عیسی مسیح بار، اُل کَمیل عادیلدیر.‏

۲ یوحنا 1:4

اِی حُرماتلی آیال، آتامیز خودایینگ حُکومی یالی، بیرنَچه فِرزِنتلِرینگ حاقیقاتا گُرَه یاشایاندیغینی گُروپ، قاتی شاد بُلدوم.‏ ایندی سانگا بیر خاییشیم بار:‏ بیری-بیریمیز بیلِن سُیگوده یاشایلینگ.‏ مِن سانگا بیر تَزه حُکوم یازامُق، بو اُزال-باشدان بیزه معلیم بیر حُکومدیر.‏