۲ تیموتاوس 4:2 - مُقادِّس کیتاب

² فُرصَتینگ پِیدالی بُلوپ-بُلمازلیغینا باقما-دا، خوش خاباری بیرسیخلی واغیظ اِت.‏ و اُلاری کَن صابیرلیق بیلِن و قاوی تَعلیمات بیلِن یُلا گِتیر، کَیی و هِم گُوونلیک بِر.‏

۲ تیموتاوس 4:2 ပူးပေါင်းရင်းမြစ်များ

لوقا 7:23

مِندِن اِل چِکمِدیک خوشواقتدیر!‏»‏ دییّپ جُغاپ بِردی.‏

لوقا 7:4

اُلار عیسانینگ یانینا گِلیپ، اُنگا یورِکدِن یالباریپ:‏ ‏«‏بو آدام سِنینگ کُمِک اِتمِگینگه میناسیپ، سِبَبی اُل بیزینگ خالقیمیزی سُییَر، حتّیٰ بیزه کِنیسه هِم قوروپ بِردی»‏ دییدیلِر.‏

لوقا 9:60

اِمّا عیسی اُنگا:‏ ‏«‏قُی، اُلولِرینی اُلولِرینگ اُزلِری جایلاسینلار، یُنه سِن گیت-ده، خودایینگ پادیشاهلیغینی واغیظ اِت»‏ دییدی.‏

رِسول‍لار 13:5

اُنسُنگ سالامیسه گِلیپ، یَهودیلِرینگ کِنیسه‌لِرینده خودایینگ خوش خابارینی واغیظ اِتدیلِر.‏ یوحنا هِم اُلارینگ یانیندا بُلوپ، کُمِک بِریَردی.‏

رِسول‍لار 16:13

سَبَّت گونی بیز شَهردِن آرنا کِنارینا چیقدیق.‏ اُل یِرده عیبادات اِدیلیَن یِرینگ باردیغینی بیلیَردیک.‏ اُنسُنگ اُل یِرده ییغنانان آیال‍لار بیلِن اُتوریپ، اُلارا گورّونگ بِرمَگه باشلادیق.‏

رِسول‍لار 20:7

یِکشَنبه گونی بیله چُرِک بُلمَگه ییغنانیشدیق.‏ پولس اِرتیسی گون یُلا دوشمِکچیدی، شُنونگ اوچین یاری گیجَه چِنلی واغیظ اِتدی.‏

رِسول‍لار 28:16

بیز روما گِلِنیمیزدِن سُنگ، پولسه بیر سِربازینگ قاراوولچیلیغی بیلِن یِکِلیکده یاشاماغا اِجازا بِریلدی.‏

رومیلار 10:15

اِگِر واغیظچیلار ایبِریلمِسه، نَدیپ واغیظ اِدیلسین؟ واغیظچیلار بارادا مُقادِّس یازغیلاردا شِیله یازیلاندیر:‏ ‏«‏خوش خاباری اِعلان اِدیَنینگ آیاقلاری نه گِلشیکلیدیر!‏»‏

رومیلار 12:12

اومیدینگیزینگ باردیغینا بِگِنینگ، قینچیلیقلارا جیداملی بُلونگ و دُغا-دا قاییم دورونگ.‏

غَلاطیه‌لِر 6:6

خودایینگ سُزونی اُورِنِن اُورِدِن بیلِن هِمّه یاخشیلیقلاری پایلاشسین.‏

کولُسیلِر 1:25

سیزینگ پِیدایینگیز اوچین خودایینگ مانگا بِرِن تابشیریغینا گُرَه، مِن بو کِلیسانینگ خیدماتچیسی بُلدوم.‏ بو تابشیریق خودایینگ سُزونی، یَعنی گِچِن عاصیرلاردان و نِسیل‍لِردِن گوزگین ساقلانان، اِمّا ایندی مُقادِّسلِره آیان اِدیلِن سیری کَمیل اَشکَر اِتمِکدِن عیبارات.‏

کولُسیلِر 4:3

بیزینگ اوچین هِم دُغا اِدینگ:‏ خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین.‏ اینه، شُنونگ اوچین هِم مِن زینداندادیرین.‏

۱ تِسالونیکیلِر 1:6

سیز آغیر قینچیلیقلار چِکسِنگیز-ده، مُقادِّس روحونگ بِرِن شاتلیغی بیلِن خوش خاباری قابول اِدیپ، بیزدِن و مسیحدِن نِمونه آلدینگیز.‏

۱ تِسالونیکیلِر 5:14

اِی عزیزلِر، سیزه یالباریاریس:‏ بیکَر گِزیَنلِری ناصیحات اِدینگ، اومیدسیزلارا گُوونلیک بِرینگ، اِجیزلِری قُلدانگ، هِمّه‌لِر باباتدا صابیر-جِداملی بُلونگ.‏

۱ تِسالونیکیلِر 5:20

نبوّتلارا اَسگِرمِزچیلیک اِتمَنگ.‏

۱ تیموتاوس 4:13

مِن باریانچام، کِلیسایا مُقادِّس یازغیلاری اُقیماق، واغیظ اِتمِک و تَعلیم بِرمِک بیلِن مِشغول بُل.‏

۱ تیموتاوس 5:20

گونَه اِدیَنلِری بُلسا هِمّه‌لِرینگ اُوونده کَیی.‏ قُی، بو بِیلِکیلِره هِم دِرس بُلسون.‏

۲ تیموتاوس 2:21

ایماندارلار باباتدا هِم شِیله:‏ اُزونی هِر تویسلی یامانلیقدان ساقلایان ایماندار آیراتین سایلانیلیپ، آقاسی اوچین یارایان مُقادِّس قاپ کیمین بُلار.‏ اُل ایسلِندیک یاخشی ایشلِر اوچین تاییاردیر.‏

۲ تیموتاوس 2:25

اُل اُزونه قارشی چیقیان آداملارا هِم یومشاقلیق بیلِن ناصیحات بِرمِلیدیر.‏ بِلکی، خودای بو آداملارینگ هِم توبا گِلمِگینه بیر یُل آچار.‏ اُلار-دا حاقیقاتی بیلیپ

۲ تیموتاوس 3:10

اِمّا سِن مِنینگ تَعلیماتیمی، بُلوشیمی، ماقصادیمی، ایمانیمی، صابیر-طاقاتیمی، سُیگیمی، جیداملیلیغیمی بیلیَنسینگ.‏

تیتوس 1:13

بو قاتی جایلی آیدیلان سُزلِردیر.‏ شُنونگ اوچین-ده، قاوی ایمانلی بُلماقلاری اوچین، اُلاری قاتی کَیی.‏

تیتوس 2:15

هاووا، بولارینگ بارینی اُورِت.‏ هِمّه ایختییارلیق بیلِن گُوونلیک بِر و هِم کَیی.‏ قُی، هیچ کیم سِنی اَسگِرمِزلیک اِتمِسین.‏

عِبرانیلار 13:22

اِی عزیزلِر، سیزه یازان بو قیسغا نامه‌مداقی ناصیحاتلاریمی تویس یورِکدِن قابول اِتمِگینگیزی خاییش اِدیَرین.‏

آیانلیق 3:19

مِن اُز سُییَنلِریمه کَییپ، اُلاری تِربیِتلِیَرین.‏ شُنونگ اوچین-ده، قایراتلی بُل و توبا اِت!‏