۲ تِسالونیکیلِر 2:13 - مُقادِّس کیتاب

¹³ اِی تانگری عیسی طارافیندان سُیولیَن عزیزلِر!‏ سیز نِجات تاپیپ بیلِرینگیز یالی، خودای سیزی اُزالدان سایلادی.‏ سیز مُقادِّس روحونگ اوستو بیلِن پَکلِنیپ، حاقیقاتا بُلان ایمانینگیز سِبَبی نِجات تاپدینگیز.‏ شُنگا گُرَه-ده، بیز هِمیشه سیزینگ اوچین خودایا شوکور اِتمِلیدیریس.‏

۲ تِسالونیکیلِر 2:13 ပူးပေါင်းရင်းမြစ်များ

یوحنا 1:1

اُوال-باشدا سُز باردی، سُز خودای بیلِندی و سُز خودایینگ اُزودی.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

رِسول‍لار 13:48

میلِّتلِر مونی اِشیدِنلِرینده شاتلانیپ، خودایینگ سُزونَه اولی حُرمات قُیدولار.‏ شِیلِلیکده، اِبِدی یاشاییش اوچین سایلانانلارینگ هِمّه‌سی ایمان گِتیردیلِر.‏

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رومیلار 6:17

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز،

رومیلار 8:33

خودایینگ سایلاپ-سِچِنلِرینی عاییپلاماغا کیم دِگیپ بیلِر؟ هیچ کیم، سِبَبی اُلاری خودایینگ اِدیل اُزی آقلایار!‏

رومیلار 9:11

یُنه اِکیز فِرزِنتلِر هِنیز دُغولمانقا، هِنیز یامانلیق یا یاخشیلیق ایش اِتمَکَه، خودای رِبِکا ‏«‏اولوسی کیچیسینه خیدمات اِدِر»‏ دییّپ آیدیپدی.‏ بو سُزلِر سایلانیپ-سِچیلمَنینگ اینسان ایشلِرینه دَل-ده، دینگه چاغیرانا باغلیدیغینی معلیم اِتمِک اوچین آیدیلیپدی.‏

۱ قُرِنتُس‌لار 1:21

خودای دونیَه اُز حِکمِتینه دایانیپ، خودایی تانیپ بیلمِز دییِن قارار اِتدی.‏ شُنگا گُرَه-ده، آحماق حاساپلانیان خاباریمیزینگ اوستو بیلِن خودای ایمان گِتیریَنلِری نِجات بِرمِگی یورِگینه دوودی.‏

غَلاطیه‌لِر 3:1

اِی عاقیلسیز غَلاطیه‌لِر!‏ سیزینگ گُزونگیزی کیم باغلادی؟ مِن سیزه خوش خاباری واغیظ اِدِنیمده، صلیبه چویلِنِن عیسی مسیحی اِدیل اُز گُزونگیز بیلِن گُریَن یالیدینگیز آخیرین!‏

اِفِسُسلار 2:8

چونکی سیز ایمانینگ اوستو بیلِن و خودایینگ مِرحِمِتی بیلِن نِجات تاپیلدینگیز.‏ بو سیزینگ اُز تاقالّانگیز بیلِن بُلمادی، دینگه خودایینگ ناغماتیدیر.‏

کولُسیلِر 1:5

بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار.‏ سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز.‏

کولُسیلِر 3:12

شُنونگ اوچین هِم، اِی خودایینگ سایلان مُقادِّس هِم عزیز خالقی!‏ رِحم-شِپاقات، مِهرِبانلیق، فُروتَنلیک، میلاییملیق و صابیر-طاقاتلیق بیلِن گِیینینگ.‏

۱ تِسالونیکیلِر 1:4

اِی عزیزلِر!‏ بیزینگ یایرادیان خوش خاباریمیز سیزه یِکه سُز بیلِن دَل، اُندا مُقادِّس روحونگ گویجی و قاتی اینام بیلِن قاووشدی.‏ شُندا بیز خودایینگ سیزی سُیوپ، سایلاندیغینی بیلدیک.‏ بیز سیزینگ آرانگیزدا بُلانیمیزدا نَهیلی یاشاندیغیمیزی اُزونگیز-ده قاوی بیلیَنسینگیز.‏

۱ تِسالونیکیلِر 4:7

چونکی خودای بیزی آخلاقسیزلیغا دَل-ده، مُقادِّس دورموشدا یاشاماغا چاغیردی.‏

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

۲ تِسالونیکیلِر 2:10

اُل هِر هیلی یامانلیقلار بیلِن هِلَکچیلیک یُلونا دوشِنلِری آلداوا سالار.‏ چونکی اُلار حاقیقاتی سُیمِگی و شُنونگ اوستو بیلِن نِجات تاپماغی رِد اِتدیلِر.‏

۲ تِسالونیکیلِر 2:12

اُل مونی حاقیقاتا اینانمان و یامانلیقدان کِیپ آلانلارینگ بارینی مَحکوم اِتمِک اوچین اِدیَر.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۲ تیموتاوس 2:15

خودایینگ حوضوریندا اُز اِدیَنیندِن اوتانماجاق، حاقیقی تَعلیماتی دُغری اُورِدیَن ایشچی حُکمونده دوروپ بیلِرینگ یالی، جان-تِندِن ایخلاص اِت.‏

۲ تیموتاوس 3:15

سِن مُقادِّس یازغیلاری هِم اُغلانلیقدان بَری بیلیَنسینگ.‏ بو یازغیلار عیسی مسیحه بُلان ایمانینگ اوستو بیلِن سانگا حِکمِت بِریپ، نِجات تاپماغینگ یُلونی گُرکِزِر.‏

عِبرانیلار 1:10

اُغول حاقدا یِنه-ده شِیله دییَّر:‏ ‏«‏اِی تانگری، سِن باشلانان دُورونده یِرینگ بُنیادینی توتدونگ، آسمانلار هِم سِنینگ اِل‍لِرینگ ایشیدیر.‏

یعقوب 1:18

یارادانلارینینگ آراسیندا اُنونگ بیرینجی میوه‌سی بُلماغیمیز اوچین، خودای حاقیقات سُزونینگ اوستو بیلِن بیزه تَزه یاشاییش بِرمِگی قارار اِتدی.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

۱ یوحنا 4:19

بیز خودایی سُییَریس، سِبَبی اَوَّل اُل بیزی سُیدی.‏