۲ تِسالونیکیلِر 2:10 - مُقادِّس کیتاب

¹⁰ اُل هِر هیلی یامانلیقلار بیلِن هِلَکچیلیک یُلونا دوشِنلِری آلداوا سالار.‏ چونکی اُلار حاقیقاتی سُیمِگی و شُنونگ اوستو بیلِن نِجات تاپماغی رِد اِتدیلِر.‏

۲ تِسالونیکیلِر 2:10 ပူးပေါင်းရင်းမြစ်များ

مَتّیٰ 13:11

اُل شِیله جُغاپ بِردی:‏ ‏«‏آسمانینگ پادیشاهلیغینینگ سیرلارینا دوشونمِگه سیزه بِریلدی، جِماغاتا بِریلمِدی.‏

یوحنا 3:17

خودای اُغلونی دونیَه‌دَکیلِری مَحکوم اِتمِک اوچین دَل-ده، اُندان باشغا اُنونگ اوستو بیلِن نِجات تاپسین دییّپ دونیَه ایبِردی.‏

یوحنا 5:34

اِمّا مِن اینسان شاهاتلیغینا مَحتَج بُلماسام-دا، مونی سیزینگ نِجات تاپماغینگیز اوچین آیدیارین.‏

رومیلار 10:1

اِی عزیزلِر، اسرائیل خالقینینگ نِجات تاپماغی مِنینگ یورِگیمینگ ایسلِگیدیر.‏ مِن بو بارادا خودایا دُغا اِدیَرین.‏

رومیلار 16:18

چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر.‏ اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار.‏

رومیلار 6:17

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز،

۱ قُرِنتُس‌لار 1:18

هِلَکچیلیک یُلوندان باریان آداملار اوچین صلیب باراداقی خابار آحماقلیقدیر.‏ اِمّا بیز، یَعنی نِجات یُلوندان باریانلار اوچین بو خابار خودایینگ قودراتیدیر.‏

۱ قُرِنتُس‌لار 16:22

هِر کیم تانگریمیز عیسی مسیحی سُیمِیَن بُلسا، قُی، اُل مِلعون بُلسون.‏ اِی عیسی، گِلسِنه!‏

۲ قُرِنتُس‌لار 11:13

چونکی شِیله آداملار یالان رِسول‍لاردیر.‏ اُلار مسیحینگ رِسول‍لارینینگ صوراتینا گیریَن آلدییانچی ایشچیلِردیر.‏

۲ قُرِنتُس‌لار 11:15

شُنگا گُرَه-دَه، اُنونگ قولّوقچیلاری-دا تاقوالیق خیدماتکَرلِرینینگ صوراتینا گیرمِگی گِنگ زات دَلدیر.‏ یُنه اُلارینگ آخیری اِدِن ایشلِرینه گُرَه بُلار.‏

۲ قُرِنتُس‌لار 2:15

چونکی بیز نِجات تاپانلارینگ آراسیندا-دا و هِم هِلَکچیلیک یُلوندان باریانلارینگ آراسیندا-دا، خودای اوچین مسیحینگ ایسلی عاطیرلاریدیریس.‏

۲ قُرِنتُس‌لار 2:17

بیز کَن آداملار یالی خودایینگ سُزونی اُز پِیداماز اوچین آرزان ساتمایاریس.‏ تِرسینه، خودای طارافیندان ایبِریلِن و مسیحه خیدمات اِدیَن آداملار یالی خودایینگ حوضوریندا پَک یورِکدِن کِپلِیَریس.‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

۲ تِسالونیکیلِر 2:12

اُل مونی حاقیقاتا اینانمان و یامانلیقدان کِیپ آلانلارینگ بارینی مَحکوم اِتمِک اوچین اِدیَر.‏

۲ تِسالونیکیلِر 2:13

اِی تانگری عیسی طارافیندان سُیولیَن عزیزلِر!‏ سیز نِجات تاپیپ بیلِرینگیز یالی، خودای سیزی اُزالدان سایلادی.‏ سیز مُقادِّس روحونگ اوستو بیلِن پَکلِنیپ، حاقیقاتا بُلان ایمانینگیز سِبَبی نِجات تاپدینگیز.‏ شُنگا گُرَه-ده، بیز هِمیشه سیزینگ اوچین خودایا شوکور اِتمِلیدیریس.‏

۱ تیموتاوس 2:4

اُل هِمّه آداملارینگ نِجات تاپیپ و حاقیقاتی بیلمِگینی ایسلِیَندیر.‏

عِبرانیلار 3:13

تِرسینه، هِر گونی ‏«‏بو گون»‏ دییّپ حاساپلاپ، بیری-بیرینگیزی گُوونلیک بِرینگ.‏ شِیدیپ، سیزینگ هیچ بیرینگیز گونَه‌نینگ تُرونا دوشوپ، قاتی یورِکلی بُلمانگ.‏

۲ پِطرُس 2:12

اِمّا بو آداملار دوشونمِیَن زاتلارینا یامانلییارلار.‏ اُلار شِکار اِدیلیپ و یُق اِدیلمِک اوچین دُغلان دوشونجِسیز وَحشی حایوانلار و اُز اوغرونا حِرِکِت اِدیَن مَخلوقلار یالیدیرلار.‏ بولار حایوانلار یالی-دا هِلَک بُلوپ گیدِرلِر.‏

۲ پِطرُس 2:18

چونکی اُلار یالنگیش یُلدان تَزه قاچیپ آزاد بُلانلاری بُش و غُرورلی سُزلِری بیلِن تِلِکه کِیپه گویچلِندیریپ، اینسان هُوِسلِری بیلِن اُلاری دوزاغا دوشوریَرلِر.‏