۲ قُرِنتُس‌لار 7:1 - مُقادِّس کیتاب

¹ اِی سُیگولی دُستلاریم، خودای بیزه، اینه، شِیله واعدالاری بِریپدیر!‏ شُنونگ اوچین-ده، گِلینگ، بِدِنیمیزی و روحومیزی زییان یِتیریَن هِمّه زاتدان پَک اِدِیلینگ.‏ خودایدان قُرقوپ، کَمیل مُقادِّس بُلماغا چالیشایلینگ.‏

۲ قُرِنتُس‌لار 7:1 ပူးပေါင်းရင်းမြစ်များ

مَتّیٰ 12:33

‏«‏قاوی باغ اِکینگ، اُنونگ میوه‌سی-ده قاوی بُلار، تِلِکه باغ اِکسِنگیز، تِلِکه میوه آلارسینگیز، سِبَبی باغ میوه‌سیندِن تانیلیاندیر.‏

مَتّیٰ 5:48

شِیلِلیکده، آسمانداقی آتانگیزینگ کَمیل بُلشی یالی، سیز هِم کَمیل بُلونگ.‏»‏

مَتّیٰ 5:8

قالبی پَکلِر خوشواقتدیر، چونکی اُلار خودایی گُرِرلِر.‏

رِسول‍لار 9:31

هِمّه یهودیه‌دَکی، جلیل‌دَکی و سامِره‌دَکی کِلیسالاردا پاراحاتلیق تاپیپ، ایماندارلار باردیقچا گویچلِنیَردی.‏ اُلار خودایدان قُرقوپ، مُقادِّس روحونگ گُوونلیگی بیلِن هِر گون کَنِلیَردی.‏

رومیلار 5:20

گونَه‌نینگ اَشکَر بُلماغی اوچین، شِریغات آرا گیردی.‏ یُنه آداملار گونَه‌نی کَندِن-کَن اِتدیگیتچَه، خودایینگ مِرحِمِتی خاص-دا آرتدی.‏

۱ قُرِنتُس‌لار 6:20

چونکی سیز باهالی ساتین آلنانسینگیز.‏ شُنگا گُرَه-ده، اُز بِدِنینگیز بیلِن خودایی بِییکلِندیرینگ.‏

۲ قُرِنتُس‌لار 1:20

چونکی خودایینگ بِرِن واعدالارینینگ هِمّه‌سی عیسی مسیحده ‏«‏هاووادیر»‏.‏ خودایی بِییکلِندیریپ آیدیان ‏«‏اَمین»‏ دیلیمیز-ده عیسی مسیحینگ اوستو بیلِندیر.‏

اِفِسُسلار 2:3

بیر واقتلار بیزینگ هِمَّه‌میز شُلار یالی یاشاماغی عادات اِدیندیک.‏ بیز اینسان طِبیغاتینینگ هُوِسلِرینه، ایسلِگلِرینه و فیکرلِرینینگ ایزینا دوشدیک.‏ شِیلِلیکده، بیز-ده بِیلِکیلِر یالی، اینسان طِبیغاتیمیزا گُرَه، خودایینگ غاضابینا دوچار بُلان آداملاردیق.‏

۱ تِسالونیکیلِر 3:13

تانگریمیز عیسی اُز هِمّه مُقادِّسلِری بیلِن بیله گِلِنده، آتامیز خودایینگ اُوونده عایپسیز و مُقادِّس بُلوپ بیلِرینگیز یالی، قُی، اُل یورِکلِرینگیزی قوواتلاندیرسین.‏

۱ تِسالونیکیلِر 4:7

چونکی خودای بیزی آخلاقسیزلیغا دَل-ده، مُقادِّس دورموشدا یاشاماغا چاغیردی.‏

۱ تِسالونیکیلِر 5:23

قُی، پاراحاتلیغینگ چِشمه‌سی بُلان خودای سیزی هِمّه طارافدان پَکلِسین.‏ تانگریمیز عیسی مسیح گِلِنده روحونگیز، جانینگیز و بِدِنینگیز عایپسیز بُلسون.‏

عِبرانیلار 12:23

خودایینگ ایلکینجی فِرزِنتلِرینینگ جِماغاتینا قُلایلاشدینگیز، اُلارینگ آدلاری آسماندا یازیلاندیر.‏ هِمّه‌سینینگ قاضیسی بُلان و تاقوالی آداملارینگ روحلارینی کَمیلّیگه یِتیرِن خودایینگ حوضورینا گِلدینگیز.‏

عِبرانیلار 12:28

شُنونگ اوچین هِم تیترِمِیَن پادیشاهلیغا قاوشاندیغیمیز اوچین شوکور اِدِیلینگ.‏ خودایی خُشنود اِتمِک اوچین اُنگا حُرمات و هِم قُرقی بیلِن عیبادات اِدِیلینگ،

عِبرانیلار 4:1

خودایینگ دینچلیق مِکانینا گیرمِک حاقینداقی واعداسی هِنیز هِم گویجونی ساقلایاندیر.‏ شُنونگ اوچین-ده، خاباردار بُلونگ، آرانگیزدان هیچ کیم دینچلیق مِکانینا گیرمِکدِن ماحروم بُلماسین.‏

عِبرانیلار 6:9

عزیز دُستلار، بیز شِیله دییسِک هِم، سیزینگ بِیله دَلدیگینگیزی بیلیَریس.‏ سیزینگ دُغری یُلدان یُریپ، نِجات تاپجاقدیغینگیزا اینانیاریس.‏

یعقوب 4:8

خودایا یاقینلاشینگ، اُل هِم سیزه یاقینلاشار.‏ اِی گونَه‌کَرلِر، اِلینگیزی گونَه‌دِن پَکلَنگ.‏ اِی ایکیگُوونلیلِر، یورِگینگیزی پَکلَنگ.‏

۱ پِطرُس 1:15

اُزونگیزی چاغیران خودایینگ مُقادِّس بُلشی یالی، سیز هِم هِمّه اِدیَن ایشلِرینگیزده مُقادِّس بُلونگ.‏

۱ پِطرُس 1:17

آدام آراسیندا فارق قُیمازدان، هِر کیمی اِدِن اِتمیشینه گُرَه حُکوم بِریَن خودایی آتا دییّپ چاغیریان بُلسانگیز، بو دونیَه‌دَکی بیگانه‌لیک زامانینگیزی خودایدان قُرقوپ گِچیرینگ.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 2:11

عزیز دُستلار، روحونگیزا قارشی اوروشیان گونَه‌لی هُوِسلِردِن داش دورونگ دییّپ یالباریارین.‏ چونکی سیز بو دونیَه‌ده کِسِکی هِم بیگانه‌سینگیز.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

۱ یوحنا 1:9

اِمّا گونَه‌لِریمیزی بُیون آلساق، اِمین هِم عادالاتلی خودای گونَه‌لِریمیزی باغیشلار و بیزی هِر هیلی یامانلیقدان پَک اِدِر.‏

۱ یوحنا 3:3

اُنگا اومید باغلایان هِر بیر آدام مسیحینگ پَک بُلشی یالی، اُزونی پَک ساقلار.‏