۲ قُرِنتُس‌لار 6:8 - مُقادِّس کیتاب

⁸ آداملار بیزه حُرماتغُیسالار-دا و کیچِلتسِلِر-ده، تُهمِت اورسالار-دا، اُوسِلِر-ده – بیز هِر حالدا خودایا خیدمات اِدیَریس.‏ اُلار بیزی یالانچی حاساپلایارلار، اِمّا بیز حاقیقاتی آیدیاریس.‏

۲ قُرِنتُس‌لار 6:8 ပူးပေါင်းရင်းမြစ်များ

مَتّیٰ 10:25

شَگیرت اُز مُعلِّمی یالی، قول اُز آقاسی یالی یاشاماغا راضی بُلمالیدیر.‏ اِگِر اُی اِیه‌سینه بِعِلزِبول دییَن بُلسالار، اُندا اُنونگ ایچِریسیندَکیلِره اُندان هِم بِتِر زات دییمِزلِرمی!‏

مَتّیٰ 22:16

هیرودیسینگ طارافدارلارینینگ بیرنَچه‌سینی اُنونگ یانینا ایبِردیلِر.‏ اُلار عیسادان:‏ ‏«‏اُستاد!‏ بیز سِنینگ دُغرودیغینگی، خودایینگ یُلونی حاقیقات بیلِن اُورِدیَندیگینگی، هیچ کیمه طارافدارلیق اِتمِیَندیگینگی بیلیَریس، سِبَبی سِن آداملارینگ دِرِجه‌سینه باقمایارسینگ.‏

مَتّیٰ 27:63

‏«‏آقا، اُل یالانچینینگ هِنیز دیریکَه:‏ ‏”‏مِن اوچ گوندِن سُنگ دیرِلِرین“‏ دییِنی بیزینگ یادیمیزدا.‏

مَرقُس 12:14

اُلار گِلیپ، اُندان:‏ ‏«‏اُستاد!‏ بیز سِنینگ دُغرودیغینگی، هیچ کیمه طارافدارلیق اِتمِیَندیگینگی بیلیَریس، سِبَبی سِن آداملارینگ دِرِجه‌سینه باقمان، خودایینگ یُلونی حاقیقات بیلِن اُورِدیَرسینگ.‏ هانی آیت، ایمپِراطُرا مالییات بِرمِک دُغرومی یا-دا دُغری دَل؟ بِرِیلیمی یا-دا بِرمَیلیمی؟»‏ دییّپ سُرادیلار.‏

یوحنا 7:12

جِماغاتینگ آراسیندا اُل حاقدا کَن گورّونگ اِدیلدی.‏ کَبیرلِری ‏«‏اُل قاوی آدام»‏ دییسه، باشغالاری ‏«‏اُل خالقی آزدیریار»‏ دییَّردیلِر.‏

رِسول‍لار 10:22

اُلار:‏ ‏«‏بیزی اَفسَر کُرنیلیوس ایبِردی.‏ اُل دُغری و خودایا عیبادات اِدیَن آدام، یَهودی خالقینینگ آراسیندا هِم اُنونگ آبرایی اولودیر.‏ خودایینگ بیر پِریشده‌سی اُنگا:‏ ‏”‏پِطرُسی اُیونگه چاغیریپ، اُنونگ آیتجاق سُزلِرینی دینگله“‏ دییّپ آیتدی»‏ دییدیلِر.‏

رِسول‍لار 16:39

حاکیملِر گِلیپ، اُلاردان باغیشلامالارینی ایسلِدیلِر و زینداندان آلیپ چیقدیلار.‏ سُنگرا اُلارا شَهردِن گیتمِکلِرینی خاییش اِتدیلِر.‏

رِسول‍لار 22:12

‏«‏اُل یِرده حَنانیا آدلی دیندار و هِم شِریغاتا باغلی بیر آدام یاشایاردی.‏ دمشق‌دَکی هِمّه یَهودیلِرینگ آراسیندا اولی حُرماتی باردی.‏

رِسول‍لار 24:5

‏«‏بیز بو آدامینگ دونیَه‌دَکی هِمّه یَهودیلِرینگ آراسیندا قالماغال توروزیان بیر فیتنه‌چیدیگینه گُز یِتیردیک و اُل ناصِره تُپلانتینینگ باشلیغی.‏

رِسول‍لار 28:22

اِمّا بیز سِنینگ فیکرلِرینگی اُزونگدِن اِشیدِسیمیز گِلیَر، سِبَبی هِمّه یِرده بو دینی تُپلانتییا قارشی چیقیلیاندیغینی بیلیَریس.‏»‏

رِسول‍لار 4:21

مِجلِسینگ آداملاری اُلارا اینگ سُنگقی بیلدیریش بِرِندِن سُنگ، اُلاری بُشادیپ گُیبِردیلِر.‏ اُلاری جِزالاندیرماق اوچین هیچ هیلی باهانا تاپیپ بیلمِدیلِر، سِبَبی بُلان واقانی هِمّه خالق بیلیپ، خودایی شوکور اِدیَردی.‏

رِسول‍لار 5:13

خالق اُلارا اولی حُرمات قُیسا-دا اِمّا هیچ کیم اُلارا قُشولماغا یورِک بِریپ بیلمِدی.‏

رِسول‍لار 6:3

اِی عزیزلِر، اُز آرانگیزدان یِدی آدامی سایلانگ.‏ اُلار مُقادِّس روحدان و حِکمِتدِن دُلی، آدلی-آبرایلی آداملار بُلسونلار.‏ بو خیدماتی شُلارا تابشیرالینگ.‏

رومیلار 3:8

یاخشیلیغی آرتدیرماق اوچین، بِلکی، بیز یامانلیق اِتمِلیدیریس؟ اِلبِتّه، یُق!‏ یُنه کَبیر آداملار مِن اِدیل شِیله زاتلاری اُورِدیَرمیشیم دییّپ، مانگا تُهمِت بارینی اوردولار.‏ شِیله تُهمِتچیلِرینگ مَحکوم بُلماغی قاتی عادالاتلیدیر.‏

۲ قُرِنتُس‌لار 1:18

بُلشی یالی خودای اِمیندیر، بیزینگ سیزه آیدان سُزیمیزینگ هِم ‏«‏هاووا»‏، هِم ‏«‏یُق»‏ دَلدیگینه اُل شاهاتدیر.‏

۲ قُرِنتُس‌لار 11:21

اوتانسام-دا، شونی بُیون آلیارین:‏ بیز سیزدِن گویچسیز بُلوپ، سیز یالی بُلوپ بیلمَندیرسیک!‏ شونلوقدا، سیزینگ اوچین هِنیز-ده دوشونسیز بُلماق بیلِن، شونی دییَّرین:‏ بِیلِکیلِرینگ قووانماغا قُرقمایانلارینا مِن-ده قُرقمایارین.‏

۲ قُرِنتُس‌لار 12:16

مِنینگ سیزه آغرام سالماندیغیم بیلِن راضیلاشیارسینگیز.‏ اِمّا شُندا-دا مِکرلیک اِدیپ، سیزی حیله بیلِن پِیدالانیپدیرین دییّپ، مِنی عاییپلایارسینگیز.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

۱ تِسالونیکیلِر 2:3

بیزینگ چاغیریشیمیزدا نه یالان، نه یامان نییِت، نه-ده حیله باردیر.‏

۱ تیموتاوس 3:7

بی‌آبرایلیغا و شِیطانینگ دوزاغینا دوشمِز یالی، اُل کِلیسانینگ داشینداقی آداملارینگ آراسیندا هِم سیلانیلیان بُلمالیدیر.‏

۱ تیموتاوس 4:10

شُل سِبَپلی زَحمِت چِکیپ، قاتی ایخلاص اِدیَریس، چونکی بیز هِمّه آداملارینگ، خاص-دا ایماندارلارینگ نِجات بِریَنچیسی بُلان دیری خودایا بیل باغلایاریس.‏

عِبرانیلار 13:13

گِلینگ، بیز هِم اُنونگ جیدان رُسوا اِدیلمِلِرینه جیداپ، اُردوگاهدان داشاری، اُنونگ یانینا گیدِیلینگ.‏

۱ پِطرُس 4:14

مسیحینگ آدی سِبَپلی تُهمِت اورلییان بُلسانگیز، خوشواقتسینگیز، چونکی خودایینگ بِییکلیک روحی سیزده مِسکِن توتاندیر.‏

۳ یوحنا 1:12

دیمیتریوس بُلسا هِمّه‌لِرینگ طارافیندان سیلانیان آدامدیر، حاقیقاتینگ اُزی مونگا شاهاتدیر.‏ بیز هِم اُل حاقدا یاخشی فیکر اِدیَریس، کِپیمیزینگ حاقیقاتدیغینی اُزونگ بیلیَنسینگ.‏

آیانلیق 3:9

مِن شِیطانینگ کِنیسه‌سینه گِلیپ، آیاغینگا ییقیلماغا مِجبور اِدِرین، اُلار سِنی سُییَندیگیمی دوشونِرلِر.‏ اُلار اُزلِرینی یَهودی حاساپلاسالار-دا، آصلا یَهودی دَل، اُلار یالان آلدایارلار.‏