۲ قُرِنتُس‌لار 6:10 - مُقادِّس کیتاب

¹⁰ غامگین، اِمّا اِلمیداما شاتدیریس.‏ قاریپ بُلساق-دا، اِمّا کَن آداملاری باییدیاندیریس.‏ هیچ زادیمیز بُلماسا-دا، اِمّا هِمّه زادا اِیه‌دیریس.‏

۲ قُرِنتُس‌لار 6:10 ပူးပေါင်းရင်းမြစ်များ

مَتّیٰ 5:12

شاتلانینگ، بِگِنینگ، سِبَبی آسماندا آلجاق سیلاغینگیز اولودیر.‏ سیزدِن اُنگ پیغامبارلار-دا شِیدیپ آزارلاندیلار.‏

مَتّیٰ 5:4

یاس توتیانلار خوشواقتدیر، چونکی اُلارا تِسِلّی بِریلِر.‏

لوقا 6:21

اِی شو واقت آچلیق چِکیَنلِر، خوشواقتسینگیز، چونکی دُیارسینگیز.‏ شو واقت آغلایانلار، خوشواقتسینگیز، چونکی شاتلیقدان گولِرسینگیز.‏

یوحنا 16:22

سیز هِم شِیلِسینگیز، حَضیر غام-غوصّا چِکیَرسینگیز، اِمّا مِن سیزی یِنه گُرِرین، شُندا گُونونگیز خوشبُلار، هیچ کیم سیزدِن شاتلیغینگیزی آلیپ بیلمِز.‏

رِسول‍لار 16:25

یاریگیجَنگ تُوِرِگی پولس بیلِن سیلاس دُغا اِدیپ، خودایا اُوگولی آیدیملار آیدیاردیلار، زیندانیلار هِم اُلاری دینگلِیَردی.‏

رِسول‍لار 3:6

پِطرُس اُنگا:‏ ‏«‏مِنینگ کومشوم، قیزیلیم یُق، یُنه اُزومده باریمی سانگا بِریَرین.‏ ناصِره‌لی عیسی مسیحینگ آدیندان دِستور بِریَرین:‏ تور-دا، یُری!‏»‏ دییدی.‏

رِسول‍لار 5:41

رِسول‍لار عیسانینگ آدی اوغروندا ماسغارا بُلماغا میناسیپ گُرلِندیکلِری اوچین مِجلِسدِن شاد بُلوپ چیقیپ گیتدیلِر.‏

رومیلار 11:12

هاووا، یَهودیلِرینگ بو موطیع‌سیزلیغی هِمّه دونیَه‌نینگ نِجات بِریلمِگینه سِبَپ بُلدی.‏ اُلارینگ بو موطیع‌سیزلیغی باشغا میلِّتلِر اوچین پِیدالی بُلدی.‏ اِگِر اُلارینگ موطیع‌سیزلیغی شِیله آزادلیق گِتیرِن بُلسا، اُندا اسرائیل خودایا دُلاناندا، بو آزادلیقا گُر باق نَهیلی بُلار!‏

رومیلار 12:15

شاتلانیانلار بیلِن شاتلانینگ، آغلایانلار بیلِن آغلانگ.‏

رومیلار 15:13

مُقادِّس روحونگ گویجی بیلِن اومیدینگیزینگ آرتماغی اوچین، اومیدینگ چِشمه‌سی بُلان خودای ایمانینگیزینگ اوستو بیلِن، قُی، سیزی شاتلیقدان و پاراحاتلیقدان دُس-دُلی اِتسین.‏

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

۱ قُرِنتُس‌لار 1:5

چونکی سیز عیسی مسیحینگ اوستو بیلِن هِمّه زادا، دیلِوارلیغا-دا و بیلیم خازیناسینا-دا اِیه بُلدونگیز.‏

۲ قُرِنتُس‌لار 2:4

مِن شُل نامه‌نی غاملی یورِکدِن و قینچیلیقدا و یاشلی گُزلِر ایچینده یازیپدیم.‏ یُنه مِنینگ نییِتیم سیزی قیناندیرماق دَل-ده، سیزه بُلان اولی سُیگیمی گُرکِزمِکدی.‏

۲ قُرِنتُس‌لار 4:15

بولارینگ باری سیزینگ اوچین اِدیلیَر.‏ شِیدیپ خودایینگ مِرحِمِتی کَندِن-کَن آداملارا یِتیپ، اُلارینگ شوکورلِرینی آرتدیرار و خودایینگ بِییکلیگینی خاص-دا بِیگِلدِر.‏

۲ قُرِنتُس‌لار 4:7

بیز خازینانی اُزونده ساقلایان کویزه‌لِر کیمیندیریس.‏ شُنونگ اوچین-ده، بو عجاییپ قودراتینگ بیزدِن دَل-ده، خودایداندیغی اَشکَردیر.‏

۲ قُرِنتُس‌لار 8:9

چونکی سیز تانگریمیز عیسی مسیحینگ مِرحِمِتینی بیلیَنگیز:‏ اُل بای بُلسا-دا، سیزینگ خاطیرانگیز اوچین قاریپ بُلدی.‏ عیسی مسیح مونی اُز قاریپلیغینینگ اوستو بیلِن سیزینگ بای بُلماغینگیز اوچین اِدیپدی.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

فیلیپیلِر 2:17

سیزینگ خودایا اِدیَن ایمانینگیز و خیدماتینگیز اُنگا هُدورلِنِن قربانلیق کیمیندیر.‏ اِگِر مِنینگ شیندی چِکیَن زَحمِتلِریم بو قربانلیغا قُشولسا، مِن شاتدیرین.‏ مِن هِمَّه‌نگیزینگ شاتلیغینگیزا شِریکدیرین.‏

فیلیپیلِر 4:4

مسیحده هِمیشه شاتلانینگ.‏ یِنه-ده قایتالایارین:‏ شاتلانینگ!‏

کولُسیلِر 1:24

مِن سیزینگ اوغرونگیزدا گُریَن قینچیلیقلاریما بِگِنیَرین.‏ بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.‏

کولُسیلِر 3:16

قُی، مسیحینگ سُزی قالبینگیزینگ دویبونده یِرلِشسین.‏ بار حِکمِت بیلِن بیری-بیرینگیزه تَعلیم و ناصیحات بِرینگ.‏ مِزمورلار، اُوگی آیدیملار، روحانی ناغمالار آیدیپ، خودایا یورِکدِن مینِّتدارلیق بیلدیرینگ.‏

۱ تِسالونیکیلِر 1:6

سیز آغیر قینچیلیقلار چِکسِنگیز-ده، مُقادِّس روحونگ بِرِن شاتلیغی بیلِن خوش خاباری قابول اِدیپ، بیزدِن و مسیحدِن نِمونه آلدینگیز.‏

۱ تِسالونیکیلِر 5:16

هِمیشه شاتلیق اِدینگ.‏

۱ تیموتاوس 4:8

بِدِنی تِربیِت اِتدیرمِگینگ پِیدالی طارافی باردیر.‏ یُنه اُزونگی خودایینگ یُلوندا تِربیِت اِتدیرمِک هِمّه طارافلایین پِیدالیدیر.‏ سِبَبی موندا حَضیرکی و گِلجِکّی یاشایشینگ واعداسی باردیر.‏

۱ تیموتاوس 6:18

اُلارا یاخشیلیق اِتمِگی، یاخشی ایشلِر، ساخیلیق و اِلی آچیقلیق خازیناسینی ییغناماغی تابشیر.‏

عِبرانیلار 10:34

زیندانداقیلارینگ-دا دِردلِرینی دِنگ چِکیشدینگیز، اُزونگیزده خاص قاوی هِم باقی بایلیغینگ باردیغینی بیلیپ، مال-مولکینگیزینگ آلینماغینی شاتلیق بیلِن قابول اِتدینگیز.‏

یعقوب 2:5

قولاق آسینگ، اِی عزیزلِریم!‏ خودای بو دونیَه‌ده قاریپلاری ایماندا بای بُلماقلاری اوچین سایلامادیمی؟ خودای اُزونی سُییَنلِره واعدا بِرشی یالی، قاریپلاری پادیشاهلیغینی میراث آلماقلاری اوچین سایلامادیمی نَمه؟

۱ پِطرُس 4:13

تِرسینه، مسیحینگ چِکِن عاذاپلارینا شِریک بُلیان یالی شاتلانینگ.‏ اُنونگ بِییکلیگی آیان بُلاندا، شاتلیغینگیزینگ اِندازاسی بُلماز.‏

آیانلیق 2:9

مِن سِنینگ قینچیلیقلارینگی و قاریپلیغینگی بیلیَرین، آصلیندا اِمّا سِن بایسینگ!‏ مِن اُزلِرینی یَهودی حاساپلایانلارینگ سانگا تُهمِت اوریاندیقلارینی هِم بیلیَرین.‏ یُنه اُلار یَهودیلِر دَل-ده، شِیطانینگ کِنیسه‌سیندِندیر.‏

آیانلیق 21:7

یِنگِن آدام، اینه، بولارینگ بارینی میراث آلار.‏ مِن اُنونگ خودایی بُلارین و اُل هِم مِنینگ فِرزِندیم بُلار.‏