۲ قُرِنتُس‌لار 5:9 - مُقادِّس کیتاب

⁹ اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

۲ قُرِنتُس‌لار 5:9 ပူးပေါင်းရင်းမြစ်များ

یوحنا 6:27

ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر.‏ چونکی آتامیز خودایینگ اُزی بو ایشی اُنگا تابشیراندیر»‏ دییّپ جُغاپ بِردی.‏

رِسول‍لار 10:35

قایتام، اُل اُزوندِن قُرقانی و دُغری ایش اِدِن هِر کِسی میلِّتینه باقمازدان قابول اِدیَندیر.‏

رومیلار 14:18

کیم عیسی مسیحه شِیله خیدمات اِدیَن بُلسا، خودایی خُشنود اِدیپ، آداملارینگ طارافیندان هِم قابول اِدیلِر.‏

رومیلار 14:8

یاشایان بُلساق، مسیح اوچین یاشایاندیریس، اُلیَن بُلساق، مسیح اوچین اُلیَندیریس.‏ شُنگا گُرَه، یاشاساق-دا، اُلسِک-ده، مسیحه دِگیشلیدیریس.‏

رومیلار 15:20

مِنینگ گُوون آرزویم باشغا بیرینینگ قوران بُنیادینینگ اوستونده سالمان، مسیحینگ آدی هِنیز اِشیدیلمِدیک یِرلِرده خوش خاباری واغیظ اِتمِکدیر.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۲ قُرِنتُس‌لار 5:6

شُنونگ اوچین-ده، بِدِنیمیزده یاشایان واقتیمیزدا مسیحینگ یانینداقی مِسکِنیمیزدِن اوزاقدادیغیمیزی بیلسِک-ده، هِمیشه خاطیرجِمدیریس.‏

۲ قُرِنتُس‌لار 5:8

هاووا، بیز شِیله خاطیرجِمدیریس.‏ بیز مسیحینگ یانیندا مِسکِن توتوپ بیلِریمیز یالی، بِدِندِن آیریلانیمیزی قاوی گُریَریس.‏

اِفِسُسلار 1:6

عزیز اُغلونینگ اوستو بیلِن بیزه بُلدان-بُل اِلی آچیق بِییک مِرحِمِتی اوچین خودایا اُوگولِر بُلسون!‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

کولُسیلِر 1:29

شو ماقصات بیلِن جانیمی قایغیرمان زَحمِت چِکیَرین، مسیحینگ اُزومده ایشلِیَن قودراتلی گویجونه دایانیارین.‏

۱ تِسالونیکیلِر 4:1

اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

۱ تِسالونیکیلِر 4:11

سیزه تابشیریشیمیز یالی، کِپ-گورّونگسیز یاشاماغا، یِکه اُز ایشینگیز بیلِن مِشغول بُلماغا، گِچمِک گونونگیزی اُزونگیز قازانماغا تاقالّا اِدینگ.‏

۱ تیموتاوس 4:10

شُل سِبَپلی زَحمِت چِکیپ، قاتی ایخلاص اِدیَریس، چونکی بیز هِمّه آداملارینگ، خاص-دا ایماندارلارینگ نِجات بِریَنچیسی بُلان دیری خودایا بیل باغلایاریس.‏

عِبرانیلار 12:28

شُنونگ اوچین هِم تیترِمِیَن پادیشاهلیغا قاوشاندیغیمیز اوچین شوکور اِدِیلینگ.‏ خودایی خُشنود اِتمِک اوچین اُنگا حُرمات و هِم قُرقی بیلِن عیبادات اِدِیلینگ،

عِبرانیلار 4:11

شُنونگ اوچین، گِلینگ، شُل دینچلیق مِکانینا گیرمِک اوچین چالیشایلینگ.‏ هیچ کیم اسرائیل خالقی یالی، خودایا موطیع‌سیزلیق اِدیپ، دینچلیقدان ماحروم بُلماسین.‏

۲ پِطرُس 3:14

شُنگا گُرَه-ده، اِی عزیزلِر، بولارا قاراشیاندیغینگیز اوچین، خودایینگ ناظاریندا پاراحاتلیقدا یاشاپ، پَک و عایپسیز بُلماغا چالیشینگ.‏