۲ قُرِنتُس‌لار 5:14 - مُقادِّس کیتاب

¹⁴ اِگِر بیر آدام هِمّه‌لِر اوچین اُلِن بُلسا، اُندا هِمَّه‌میز اُلِندیریس.‏ شِیله فیکره گِلِنیمیز بَری عیسی مسیحینگ سُیگوسی بیزی حِرِکِت اِتمَگه هُوِسلِندیریَر.‏

۲ قُرِنتُس‌لار 5:14 ပူးပေါင်းရင်းမြစ်များ

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

لوقا 15:24

سِبَبی بو اُغلوم اُلودی، ایندی دیرِلدی.‏ اُل ییتیپدی، ایندی تاپیلدی“‏ دییَّر.‏ شِیدیپ، اُلار طُوی توتماغا باشلایارلار.‏

لوقا 15:32

بو گون بُلسا طُوی توتوپ، شاتلانماق گِرِک، سِبَبی سِنینگ اینینگ اُلودی، ایندی دیرِلدی.‏ اُل ییتیپدی، ایندی تاپیلدی“‏ دییّپ جُغاپ بِریَر.‏»‏

لوقا 24:29

اِمّا اُلار اُنی ساقلاپ:‏ ‏«‏بیزینگ یانیمیزدا قالای، باسیم آغشام دوشِر، گون یاشیپ باریار»‏ دییدیلِر.‏ شِیلِلیکده، عیسی اُلارینگ یانیندا قالدی.‏

یوحنا 1:29

اِرتِسی گونی یحیی اُز یانینا گِلیَن عیسانی گُروپ، شِیله دییدی:‏ ‏«‏اینه، دونیَه‌نی گونَه‌دِن گُتِریَن خودایینگ قوزوسی!‏

یوحنا 11:25

عیسی اُنگا:‏ ‏«‏دیرِلیشِم و یاشاییشام مِندیرین، مانگا ایمان گِتیرِن اُلسه-ده یاشار.‏

یوحنا 5:25

مِن سیزه دُغروسینی آیدیارین، خودایینگ اُغلونینگ سِسینی اُلولِرینگ-ده، اِشیتجِک واقتی گِلِر، بو واقت ایندی گِلدی.‏ اُنونگ سِسینی اِشیدِنلِر یاشار.‏

رِسول‍لار 18:5

سیلاس بیلِن تیموتاوس مَقدونیه‌دِن گِلِنلِریندِن سُنگ، پولس تامام واقتینی عیسی حاقدَکی خاباری واغیظ اِتمَگه باغیشلادی.‏ اُل یَهودیلِره عیسانینگ مسیحدیگی بارادا شاهاتلیق اِتدی.‏

رومیلار 2:2

بیز شِیله ایش اِدیَنلِرینگ خودایینگ حُکومینه دوچار بُلجاقدیغینی بیلیَریس.‏ بو حُکوم حاقدیر.‏

رومیلار 5:15

اِمّا خودایینگ ناغمات بِرِن مِرحِمِتینی آدام آتانینگ گونَه‌سی بیلِن دِنگِشدیریپ-ده بُلماز!‏ چونکی بیر آدامینگ گونَه‌سی کَن آداملاری اُلومه دوچار اِتدی.‏ باشغا بیر آدامینگ، یَعنی عیسی مسیحینگ مِرحِمِتینینگ اوستو بیلِن بُلسا کَن آداملار خودایینگ بو ناغماتینی بُلدان-بُل آلدی.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

رومیلار 6:6

موندان بِیلَک گونَه‌نینگ قولی بُلماز یالی، بیز کُهنه طِبیغاتیمیزینگ عیسی مسیح بیلِن صلیبه چویلِنِندیگینی بیلیَریس و ایندی گونَه‌نینگ قولّوغیندان بُشاندیق.‏

۱ قُرِنتُس‌لار 16:22

هِر کیم تانگریمیز عیسی مسیحی سُیمِیَن بُلسا، قُی، اُل مِلعون بُلسون.‏ اِی عیسی، گِلسِنه!‏

۱ قُرِنتُس‌لار 2:14

مُقادِّس روحونگ ایزینا دوشمِیَن اینسان خودایینگ روحوندان بُلان زاتلارا دوشونمِیَر.‏ اُل بولاری آحماقلیق حاساپلایار.‏ چونکی مُقادِّس روحونگ فیکرلِرینه دینگه اُنونگ ایزینا دوشیَنلِر سایغاریاندیرلار.‏

۲ قُرِنتُس‌لار 3:7

هاووا، داش بُلِکلِرینه قازیلیپ یازیلان شِریغات اُلومه اِلتیَردی.‏ اِمّا مونگا باقمازدان، خودایینگ بِییکلیگی موسانینگ یوزونه نور دوشوروپدی.‏ بو نور فانی بُلسا-دا، اسرائیل خالقینینگ گُزونی یومدیریپدی.‏ اِگِر اُلومه اِلتیَن خیدماتینگ بِییکلیگی شِیله بُلسا،

۲ قُرِنتُس‌لار 3:9

اِگِر آداملاری اُلومه مَحکوم اِدیَن خیدمات بِییک بُلان بُلسا، اُندا آداملاری خودایینگ ناظاریندا تاقوالی اِدیَن خیدماتینگ بِییکلیگی اُندان-دا خاص بِییکدیر.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

اِفِسُسلار 6:24

تانگریمیز عیسی مسیحی اُلمِز-ییتمِز سُیگی بیلِن سُییَنلِرینگ بارینا خودایینگ مِرحِمِتی یار بُلسون!‏

کولُسیلِر 2:13

اُوال سیز سونِّتسیز بُلان اُوالقی طِبیغاتینگیزدا گونَه‌لِرینگیزده اُلودینگیز.‏ ایندی بُلسا خودای هِمّه گونَه‌لِرینگیزی باغیشلاپ، سیزی مسیح بیلِن بیله دیرِلتدی.‏

کولُسیلِر 3:3

چونکی سیز اُلِنسینگیز، یاشاییشینگیز بُلسا مسیح بیلِن بیله خودایدا گوزگِنِندیر.‏

۱ تیموتاوس 2:6

عیسی مسیح هِمّه‌لِری آزاد اِتمِک اوچین، اُزونی قربانی اِتدی، و شُنونگ بیلِن اُز میناسیپ واقتیندا شو حاقیقات تاصدیقلاندی.‏

۱ تیموتاوس 5:6

اِمّا عایش-عِشرِت چِکیَن دول یِکه اُزی دیری بُلسا-دا، روحی اُلودیر.‏

تیتوس 3:3

بیز هِم دوشونجِسیز، موطیع‌سیز بُلوپ، یُلدان آزاشیپدیق، هِر هیلی هُوِسلِرینگ و کِیپی-صاپانینگ قول‍لارینا اُورولیپدیک، قاهارجانگدیق، باخیلدیق و بیری-بیریمیزدِن ییگرِنیَردیک.‏

عِبرانیلار 2:9

اِمّا بیز حُرمات و بِییکلیک تاجینینگ عیسی گِیدیریلِندیگینی گُریَریس، سِبَبی اُل بیزینگ اوچین اُلومه جیدادی.‏ هاووا، اُل پِریشده‌لِردِن بیرآز واقتلیق آشاق توتولیپ، خودایینگ مِرحِمِتی بیلِن هِمّه اینسانلار اوچین عاذاپ چِکیپ اُلدی.‏

عِبرانیلار 6:10

خودای عادالاتلیدیر، چونکی اُل سیزینگ بیتیرِن ایشینگیزی، اُنونگ خالقینا اِدِن و اِدیَن خیدماتینگیز بیلِن اُزونه بُلان سُیگینگیزی یاددان چیقارماز.‏

۱ پِطرُس 1:8

سیز مسیحی گُرمِدیک بُلسانگیز هِم، اُنی سُییَرسینگیز.‏ حتّیٰ اُنی شو واقت گُرمِسِنگیز-ده، اُنگا ایمان گِتیریَرسینگیز و سُز بیلِن تعریفلاپ بُلماجاق بِییک شاتلیقدان دُلوپ-آقیارسینگیز.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏