۲ قُرِنتُس‌لار 4:6 - مُقادِّس کیتاب

⁶ چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

۲ قُرِنتُس‌لار 4:6 ပူးပေါင်းရင်းမြစ်များ

لوقا 10:22

‏«‏آتام هِمّه زادی مانگا تابشیردی.‏ اُغلونگ کیمدیگینی آتادان باشغا هیچ کیم بیلمِز.‏ آتانینگ هِم کیمدیگینی اُغولدان و اُغلونگ اَشکَر اِتمِک ایسلِیَن آداملاریندان باشغا هیچ کیم بیلمِز»‏ دییدی.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 11:40

عیسی اُنگا:‏ ‏«‏اِگِر ایمان گِتیرسِنگ، خودایینگ بِییکلیگینی گُرِرسینگ دییمَنمیدیمّی؟»‏ دییدی.‏

یوحنا 12:41

اِشعیا عیسانینگ بِییکلیگینی گُروپ، بو سُزلِری اُل حاقدا آیدیپدیر.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

۱ قُرِنتُس‌لار 12:8

مُقادِّس روح کیمدیر بیرینه حِکمِت بیلِن، یِنه بیرینه عیلیم بیلِن اُورِتمِک ناغماتینی بِریَر.‏

۲ قُرِنتُس‌لار 2:10

سیزینگ باغیشلان کیشینگیزی مِن هِم باغیشلایارین، سِبَبی مِن هِم بیرینی بیر زاتدا باغیشلان بُلسام، اِلبِتّه اِگِر باغیشلاماغا دِلیل بُلسا باغیشلانیمی مسیحینگ حوضوریندا و سیزینگ خاطیرانگیز اوچین باغیشلادیم.‏

۲ قُرِنتُس‌لار 3:18

بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس.‏ خودایینگ روحی هِمَّه‌میزی گیتدیگیچه نورلاندیریپ، بیزی اُز صوراتینا اویتگِدیَر.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

اِفِسُسلار 1:17

مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین.‏ قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 5:8

یادینگیزدامی، بیر واقتلار سیز قارانگقیدینگیز، یُنه ایندی مسیحینگ اوستو بیلِن نورسینگیز.‏ شُنونگ اوچین نورینگ فِرزِنتلِری یالی بُلوپ یاشانگ.‏

فیلیپیلِر 2:6

عیسی مسیح خودایینگ طِبیغاتینا اِیه بُلسا-دا، اُنی اُزونه دِرِجه سایمادی، اُندان قاییم یاپیشمادی.‏

کولُسیلِر 1:15

مسیح گُرونمِیَن خودایینگ صوراتیدیر و هِمّه یارادیلیشینگ اَوَّلکی فِرزِندی اُلدور.‏

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 6:4

کیم اُنگ بیر گِزِک خودایدان نورلانیپ، آسمانینگ ناغماتینی آلاندان سُنگرا، شِیله هِم مُقادِّس روحا شِریک بُلوپ، خودایینگ خوش خابارینینگ یاخشیلیغینی دادیپ، گِلجِکّی زامانینگ قودراتینی گُرِندِن سُنگرا، خودایدان یوز اُوروپ، یُلدان چیقسا، اُنی تَزه‌دِن توبا گِتیرمِک مومکین دَل.‏ سِبَبی اُل آدام خودایینگ اُغلونی قایتادان صلیبه چویلَپ، ایله رُسوا اِدیَندیر.‏

۱ پِطرُس 1:12

شُندا بو خابارینگ پیغامبارلار اوچین دَل-ده، سیزه خیدمات اِدیَندیکلِری اُلارا آیان بُلدی.‏ حَضیرکی زاماندا بُلسا آسماندان ایبِرلِن مُقادِّس روحونگ اوستو بیلِن خوش خابار واغیظ اِدیلیَر.‏ بو زاتلارا حتّیٰ پِریشده‌لِر-ده دوشونمَگه چالیشدیلار.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۲ پِطرُس 1:19

شِیلِلیکده، پیغامبارلارینگ سُزی بیزینگ اوچین یِنه-ده خاص ایناملیدیر.‏ تا گون دُغیانچا و دانگ ییلدیزی قالبینگیزا نور چالیانچا، قارانگقیلیقدا یاغتی سِچیَن نور یالی اُنگا دیقّات اِدینگ!‏