۲ قُرِنتُس‌لار 4:4 - مُقادِّس کیتاب

⁴ بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۲ قُرِنتُس‌لار 4:4 ပူးပေါင်းရင်းမြစ်များ

مَتّیٰ 13:22

تیکِنلیگینگ آراسینا دوشِن تُخوم بُلسا بودور:‏ اُل سُزی اِشیدیَر، یُنه دونیَه‌نینگ قایغیلاری، بایلیغینگ هُوِسی اُنی بُغیار و سُز حاصیلسیز بُلیار.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 1:18

هیچ کیم هیچ هاچان خودایی گُرِن دَلدیر، اُنی بیزه آتاسینینگ قوجاغینداقی، اُزی-ده خودای بُلان یِکِجه اُغلی تانیتدی.‏

یوحنا 12:31

ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏

یوحنا 12:35

عیسی اُلارا:‏ ‏«‏نور سیزینگ آرانگیزدا یِنه آز واقت بُلار.‏ نور بارقا، نوردا گِزینگ، شُندا اوستونگیزی قارانگقیلیق باسماز.‏ چونکی قارانگقیلیقدا گِزیَن اُزونینگ نیرَه باریانینی بیلیَن دَلدیر.‏

یوحنا 12:40

‏«‏خودای اُلارینگ گُزلِرینی کُر اِتدی، یورِکلِرینی قاتیتدی.‏ دِگمه، گُزلِری بیلِن گُرمِسینلِر، قولاقلاری بیلِن اِشیتمِسینلِر، یورِکلِری بیلِن دوشونمِسینلِر، مانگا دُنوپ، شِفا تاپماسینلار.‏»‏

یوحنا 12:45

مِنی گُریَن، مِنی ایبِرِنی-ده گُریَندیر.‏

یوحنا 14:30

مانگا ایندی سیزینگ بیلِن کِپلِشِره کَن واقت قالمادی، سِبَبی بو دونیَه‌نینگ رِییسی گِلیَر.‏ اُنونگ مِن باباتدا هیچ هیلی ایختییاری یُقدور.‏

یوحنا 15:24

اِگِر مِن اُلارینگ آراسیندا باشغا هیچ کیمینگ باشارمادیق ایشلِرینی گُرکِزمِدیک بُلسام، گونَه‌لی بُلمازدیلار.‏ ایندی بُلسا اِدِن ایشلِریمی گُرسِلِر-ده، مِندِن هِم و آتامدان هِم ییگرِندیلِر.‏

یوحنا 16:11

حُکوم باباتدا آیتسام، بو دونیَه‌نینگ رِییسی مَحکوم اِدیلِندیر.‏

یوحنا 8:12

عیسی یِنه-ده خالقا یوزلِنیپ:‏ ‏«‏دونیَه‌نینگ نوری مِندیرین.‏ مِنینگ ایزیما دوشِن قارانگقیلیقدا گِزمِز، اُندا یاشاییش نوری بُلار»‏ دییدی.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رِسول‍لار 26:23

اُلار هِم مسیحینگ قینچیلیق گُرمِلیدیگینی، اَوَّلکی بُلوپ اُلومدِن دیرِلیپ، اُز خالقینا و باشغا میلِّتلِره خودایینگ نورینی اِعلان اِتمِلیدیگینی آیان اِدیپدیلِر.‏»‏

۱ قُرِنتُس‌لار 10:20

اِلبِتّه، یُق!‏ مِن بُت‌پَرَستلِرینگ بِریَن قربانلیغینی خودایا دَل-ده، جینلارا بِریَندیگینی آیتجاق بُلیارین.‏ مِن سیزینگ جینلارا شِریک بُلماغینگیزی ایسلَمُق.‏

۲ قُرِنتُس‌لار 2:11

مِن مونی شِیطان بیزدِن اوستون چیقماسین دییّپ اِتدیم، چونکی اُنونگ مِکرلیگی بیزه معلیم آخیرین.‏

۲ قُرِنتُس‌لار 2:12

مِن مسیحینگ خوش خابارینی واغیظ اِتمَگه تروآس شَهرینه بارانیمدا، مانگا خودای طارافیندان بیر قاپی آچیلدی.‏

۲ قُرِنتُس‌لار 3:11

اِگِر فانی خیدمات شِیله بِییک بُلسا، اُندا باقی خیدمات اُندان گُر-باق ناقادار بِییک بُلار!‏

۲ قُرِنتُس‌لار 3:14

یُنه اُلارینگ عاقیلی چاتمادی، سِبَبی کُهنه عَهد اُلارا اُقیلیپ بِرلِنده، بو اُرتگی هِنیز-ده یوزلِرینی باسیریاندیر.‏ چونکی بو اُرتگی دینگه عیسی مسیحه ایمان گِتیرلِنده آیریلیار.‏

۲ قُرِنتُس‌لار 3:18

بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس.‏ خودایینگ روحی هِمَّه‌میزی گیتدیگیچه نورلاندیریپ، بیزی اُز صوراتینا اویتگِدیَر.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

غَلاطیه‌لِر 1:4

آتامیز خودای اِراداسینا گُرَه، عیسی مسیح بیزی شو بِتِرلییَن اِییَمدِن آزاد اِتمِکچی بُلوپ، گونَه‌لِریمیز اوچین اُز جانینی بِردی.‏

اِفِسُسلار 2:2

اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

اِفِسُسلار 6:12

سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس.‏

فیلیپیلِر 2:6

عیسی مسیح خودایینگ طِبیغاتینا اِیه بُلسا-دا، اُنی اُزونه دِرِجه سایمادی، اُندان قاییم یاپیشمادی.‏

کولُسیلِر 1:15

مسیح گُرونمِیَن خودایینگ صوراتیدیر و هِمّه یارادیلیشینگ اَوَّلکی فِرزِندی اُلدور.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

۱ تیموتاوس 1:11

هاووا، پَک خودای مانگا اینانیپ بِرِن بِییک خوش خاباری اِدیل شِیله اُورِدیَندیر.‏

تیتوس 2:13

بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس.‏

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 6:4

کیم اُنگ بیر گِزِک خودایدان نورلانیپ، آسمانینگ ناغماتینی آلاندان سُنگرا، شِیله هِم مُقادِّس روحا شِریک بُلوپ، خودایینگ خوش خابارینینگ یاخشیلیغینی دادیپ، گِلجِکّی زامانینگ قودراتینی گُرِندِن سُنگرا، خودایدان یوز اُوروپ، یُلدان چیقسا، اُنی تَزه‌دِن توبا گِتیرمِک مومکین دَل.‏ سِبَبی اُل آدام خودایینگ اُغلونی قایتادان صلیبه چویلَپ، ایله رُسوا اِدیَندیر.‏

۲ پِطرُس 1:19

شِیلِلیکده، پیغامبارلارینگ سُزی بیزینگ اوچین یِنه-ده خاص ایناملیدیر.‏ تا گون دُغیانچا و دانگ ییلدیزی قالبینگیزا نور چالیانچا، قارانگقیلیقدا یاغتی سِچیَن نور یالی اُنگا دیقّات اِدینگ!‏

۱ یوحنا 2:11

یُنه کیم دُغانینی ییگرِنیَن بُلسا، اُل قارانگقیلیقدادیر.‏ اُل قارانگقیلیقدا گِزیپ، نیرَه باریانینی بیلیَن دَلدیر، سِبَبی قارانگقیلیق اُنونگ گُزلِرینی کُر اِدِندیر.‏

۱ یوحنا 2:8

اِمّا مِنینگ سیزه یازیان بو حُکومه تَزه دییسِنگ هِم بُلار، سِبَبی بو حُکمونگ حاقیقاتی مسیحده و سیزده اَشکَر بُلیار.‏ چونکی قارانگقیلیق گِچیپ باریار، حاقیقی نور بُلسا شو واقت پارلایاندیر.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏